logo

иқтисод

ЭСТАКАДА. КОРҲОИ ОҲАНУ БЕТОНӢ НАЗДИКИ 90 ДАРСАД АНҶОМ ЁФТАНД

Корҳои оҳану бетоникунонии эстакада, дар буриши хиёбонҳои Бобоҷон Ғафуров ва Нусратулло Махсум, ки сохтмонаш 22 июли соли 2016 оғоз ёфта буд, зиёда аз 90 дарсадро ташкил доданд.
Ҳоло корҳои коммуникатсионӣ рафта истодаанд. Тибқи супориши Ҳукумати кишвар ҳамаи иншооти коммуникатсионии дар зери роҳ ҷойгирбуда, аз қабили шабакаҳои гармидиҳӣ, хатҳои оби нӯшиданӣ, алоқа, барқи баландшиддат (зиёда аз 110 киловатт) ва канализатсия берун бароварда мешаванд. Айни замон азнавсозии системаи оби нӯшиданӣ ва хатҳои гармидиҳанда зиёда аз 70 дарсад иҷро шуданд.
- Иншооти зеризаминӣ, ки барои гузарондани барқи баландшиддат пешбинӣ шуда буд, сохта ба истифода дода шуд, - гуфт Аброр Музаффаров, менеҷери лоиҳа аз тарафи фармоишгар. -Дар дохили он ноқилҳои баландшиддатро гузаронданд. Он аз ҷониби комиссияи корӣ қабул шуд. Ҳоло баъзе камбудиҳои ҷойдошта бартараф шуда истодаанд.
Ба гуфтаи менеҷери лоиҳа аз тарафи фармоишгар рӯзҳои наздик корҳои мустаҳкамсозии таҳкурсии роҳ шурӯъ мешаванд. Ҳоло бошад, корҳои омодасозӣ рафта истодаанд. Ба ин хотир,  7 ҳазор метри мукааб шағали майдакардашуда захира карда шуд. Умуман, роҳ аз панҷ қабат – ду қабати 20 сантиметраи шағали майдакардашуда, асфалти сиёҳ, асфалти миёна  ва асфалти мустаҳкам иборат хоҳад буд.
Гузашта аз ин, дар чор самт бунёди роҳҳои зеризаминии тӯлонӣ (бо паҳноии 7 метр) ва роҳҳои пиёдагард (бо паҳноии 2 – 3 метр) ҷараён доранд.
Ҳоло зиёда аз 90 дарсади гузаргоҳҳои зеризаминӣ низ сохта шуданд. Танҳо роҳи зеризаминии тарафи шарқӣ (тарафи муҷассамаи Абуалӣ ибни Сино) боқӣ мондааст. Пули роҳравҳои даврагӣ ҳам қариб ба итмом расидаанд.
Мутасаддиён мутмаинанд, ки эстакада то муҳлати пешбинишуда мавриди истифода қарор мегирад.
Бояд гуфт, ки дар минтақа ин аввалин иншооте мебошад, ки аз се сатҳ иборат хоҳад буд. Баъди анҷоми сохтмони эстакада бехатарии ҳаракати нақлиёт ва пиёдагардон дар ин қитъаи шаҳр пурра тамин хоҳад гашт.
Ёдрас мешаваем, ки эстакада дар доираи лоиҳаи «Беҳтар намудани ҳолати роҳи минтақавии Душанбе – Турсунзода – сарҳади Ӯзбекистон, қитъаи роҳ аз ҳайкали Абуалӣ ибни Сино то дарвозаи ғарбии шаҳри Душанбе» сохта мешавад.
Мувофиқи маълумоти Вазорати нақлиёт, эстакадаро Ширкати «Гурӯҳи сохтмони роҳу пулҳои Синтзян – Бейсин» (Xinjiang Beixin Road & Bridge Group Co, Ltd) - и Ҷумҳурии Мардумии Чин бо харҷи 25,5 миллион доллари ИМА бар уҳда дорад. Лоиҳаи сохтмон дар доираи ҳамкориҳои Ҳукумати Ҷумҳурии Тоҷикистон, Бонки аврупоии таҷдиду рушд ва Бонки осиёии сармоягузори инфрасохторӣ амалӣ мегардад.
Ш. ҚУРБОН,
«Ҷумҳурият»


Баёни ақида (0)    Санаи нашр: 21.11.2017    №: 238    Мутолиа карданд: 647

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед