logo

иҷтимоиёт

ТАРБИЯ. КАМОЛОТИ ФАРЗАНД АЗ ХУДИ МО ВОБАСТААСТ

Тарбияи фарзанд барои падару модар вазифаи асосӣ ба шумор рафта, ба камол расондани он машаққати зиёд мехоҳад. Махсусан, дар ин замон, ки омилҳои беруна ва пешрафти техникаю технологияҳои муосир монеаҳои зиёдеро пеш меоранд.

Кӯдак аз рӯзе, ки роҳ рафтанро меомӯзад, олами дигареро кашф карда, ҳар як шакл, ранг, бӯ ва навигарӣ диққати ӯро ба худ ҷалб мекунад. Вале вақте бо оинаи нилгун, телефон, планшет, бозиҳои компютерӣ, тамошои филмҳои ҳархела саргарм мешавад, кор ранги дигар мегирад. То замоне, ки мо ба тифл ҷиҳатҳои манфию мусбати асбобҳои техникиро мефаҳмонем, аллакай гӯё хишт аз қолаб мекӯчад. Зеро кӯдак ба технологияи муосир вобаста ба ҷаҳонбиниву тафаккури хеш баҳо гузошта, ба он дилбастагии махсус пайдо мекунад. Барои ин тифл бояд нахуст бо китобу дафтар  ва қалам ошно шавад. Бо онҳо унс гирифта, истифода бурда, минбаъд тадриҷан ба истифодаи васоити техникӣ пардозад ба манфиати кор аст. «Дар ин масъала Унсурулмаолии Кайковус низ мефармояд: «Ва падару модарро ҳам тавон аст ва ҳам фармон. Аммо тавон аст ба парвардани ту ва фармон аст ба хубӣ омӯхтан».
Мо бисёр оилаҳоеро медонем, ки фарзандонашон хуб ба камол расида, намунаи мактабу маҳалла мешаванд. Ошноии бештари фарзандон бо китобу дафтар сабаб шудааст, ки ин оилаҳо заминаҳои таълиму тарбияро таҳким бахшанд.
Мутафаккири ҳинд Иноятхон дар «Рисолаи тарбият» мегӯяд: «Ҳангоми омӯзиши кӯдак, пеш аз ҳама, бояд дар сари ӯ андешаи коридани тухми зебоиро парвариш диҳем. Вақте ки ниҳолак – тифли шумо сабз мешавад, онро бо меҳр бояд парварид. Вай танҳо бо хотири боғбон нашъу нумӯъ мекунад. Кӯдак ҳассос аст, аз пайи нахустин таассурот меравад».
Он чи кӯдак аз падару модар меомӯзад, тамоми умр дар рафтору кирдори ӯ таҷассум меёбад. Дар хона бидуни падару модар, фарзандони дигар ҳастанд, ки бояд муносибат бо ҳамаи онҳо самимӣ бошад, якеро аз дигаре боло набояд гузошт. Чунин муносибат муҳаббати байни фарзандонро низ таъмин мекунад.
Иноятхон ҷои дигар меорад: «Омӯзиш ва парвариш барои кӯдак ҳеҷ гоҳ барвақ нест. Рӯҳи навзод монанд ба навори суратгирист, покизаву дастнорас, ҳар гуна таассурот дар он ба таври ҳамешагӣ нақш мегузорад. Аз ин рӯ, агар падару модар ё омӯзгор ин нуктаро аз ёд бубаранд ва аз рӯзҳои нахуст ба тарбияи навзод кор нагиранд, бузургтарин имконро аз даст хоҳанд дод».
Мутаассифона, соатҳои дароз тифламонро паси телевизор мешинонем, воситаҳои дигари техникиро ба ихтиёрашон мегузорем ва худ машғули кор гардида, бад-ин восита гӯё ҳам ёрро наранҷонда, ҳам лаъл ба даст овардан мехоҳем. Аммо ҳаргиз чунин намешавад. Зеро тамошои зиёди телевизор ва машғул шудан бо бозиҳои компютерӣ майнаи сари кӯдакро ангезиш дода, дар ниҳояти кор ба хашмгинӣ ва падид омадани зӯроварӣ дар ниҳоди ӯ сабаб мегардад.
Бо фарзанд дарс тайёр намудан, аз кору машғулиятҳои ӯ пурсидан на танҳо ӯро ҳавасманд мекунад, балки қувваи кории ӯро афзуда, дар наздаш вазифаву масъулияти пагоҳу фардои дигар омода буданро мегузорад. Дарстайёркунӣ бояд ҳар рӯз ва дар вақти муайян сурат гирад. Ягона роҳи хонандаи фаъол шудани кӯдак ин беихтиёр ба донишу хониш дил бастани ӯст. Роҳи дигари тарбия ин сайру саёҳат мебошад. Ӯ аз чунин саёҳатҳои хурд ғизои маънавӣ гирифта, рӯҳану ҷисман барои машғулиятҳои  рӯз ба рӯз мураккабшавандаи педогогиву психологӣ омода мешавад.
Муқаддас КОМИЛОВА,
омӯзгори МТМУ № 56 - и ноҳияи Сино


Баёни ақида (0)    Санаи нашр: 22.11.2017    №: 239    Мутолиа карданд: 1044
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед