logo

сиёсат

ИҶЛОСИЯИ XVI. МАРҲАЛАИ НАВИНИ ҶОМЕАСОЗӢ

Иҷлосияи таърихии XVI Шӯрои Олии Ҷумҳурии Тоҷикистон, ки дар Қасри Арбоби шаҳри бостонии Хуҷанд 16 ноябри соли 1992 баргузор гардид, дар ҳаёти ҷамъиятию сиёсии мамлакат дигаргуниҳои куллӣ ба амал овард. Ба ҳайси Раиси Шӯрои Олии Ҷумҳурии Тоҷикистон интихоб гардидани Эмомалӣ Раҳмонро дар ин иҷлосияи воқеан ҳам тақдирсоз мардуми шарифи Тоҷикистон фоли нек ҳисобида, дар симои Сарвари нави худ наҷотбахшу сарпарасти воқеии миллатро диданд.

Сарвари тозаинтихоби давлат муҳтарам Эмомалӣ Раҳмон бо дарки  мубрамияти тақвият бахшидан ба асосҳои сиёсии истиқлолияти ватани азизамон зарурияти ҳар чи зудтар ба эътидол овардани вазъи сиёсию иҷтимоии ҷомеаро аз ҷумлаи  вазифаҳои аввалиндараҷаи давлат арзёбӣ карданд. Зеро бе истиқрори сулҳ ҳалли самарабахши масъалаҳои дар назди ҷомеа истода имконнопазир буд. Ба ҳамин хотир, иҷлосия таҳти сарварии Эмомалӣ Раҳмон кори худро аз сулҳу оштӣ ва ба ҳам  овардани мардуми пошхӯрда оғоз намуд. Бо талошҳои шабонарӯзии Раиси Шӯрои Олии Ҷумҳурии Тоҷикистон дар ин самт тамоми тадбирҳои зарурӣ  андешида шуданд. Яке аз чунин иқдоми бисёр муҳим қабули Қонуни Ҷумҳурии Тоҷикистон «Дар бораи аз ҷавобгарии ҷиноятӣ, интизомӣ ва маъмурӣ озод кардани шахсоне, ки дар давраи аз 27 март то 25 ноябри соли 1992 ҷиноят ва амалҳои ғайриқонунӣ содир кардаанд» мебошад. Яъне, ин авфи гуноҳи шахсоне буд, ки дар муқовиматҳо ва даргириҳои то ин дам бавуҷудомада иштирок карда буданд. Дар ин радиф Қонуни Ҷумҳурии Тоҷикистон «Дар бораи  Рӯзи  сулҳ ва ризоияти  миллии халқи Ҷумҳурии Тоҷикистон эълон кардани 26 ноябри соли 1992» қабул гардид, ки ҳадафи асосии он таъмини асосҳои қонунии ба ҳам овардани сокинони мамлакат, рӯзгори осудаи мардум ва сулҳу оштии саросарӣ дар Тоҷикистон буд. Инҳо аввалин санадҳои ҳуқуқие буданд, ки дар расидан ба оштии миллӣ ва сулҳи тоҷикон нақши роҳнамоиро иҷро намуданд.
Дар ин иҷлосияи сарнавиштсоз бори аввал кӯшиш ба харҷ дода шуд, ки ҳадафҳои таҳкими асосҳои иҷтимоии давлати миллӣ бо тамоюлоти худшиносии аъзои ҷомеа созгор карда шаванд. Бинобар ин, масъалаи дигари муҳим, ки дар назди вакилони мардумӣ меистод, қабули рамзҳои давлатӣ - Парчам ва Нишони давлатӣ, муайян кардани самти минбаъдаи инкишофи кишвар ба сӯйи ҷомеаи демократӣ, ҳуқуқбунёд ва дунявӣ буд. Ҳанӯз дар ҷараёни иҷлосия Сарвари давлат муҳтарам Эмомалӣ Раҳмон ҷонибдории худро аз бунёди давлати демократию ҳуқуқбунёд баён карда буданд. Баъдан, дар тақвияти ин андешаи худ таъкид карданд: «Мо чандин маротиба гуфтаем ва боз ҳам мегӯем, ки тарафдори сохтани давлати демократии ҳуқуқбунёд ва дунявӣ мебошем ва ин усули пешгирифтаи мо мутобиқ ба арзишҳои умумибашарӣ мебошад. Ҳукумат ба рушду такомул ва густариши арзишҳои демократӣ дар ҳаёти сиёсии ҷомеа кумаки худро дареғ намедорад, вале Ҳукумат намегузорад, ки касе  ё гурӯҳе дар зери парчами демократия табар бар решаи арзишҳои умумиинсонӣ занад, Конститутсия ва қонунҳои амалкунандаи  ҷумҳуриро вайрон кунад, байни мардум тафриқа андозад ва мардумро  ба  ҷанги бародаркушӣ даъвату ҳидоят намояд».
Дар ин иҷлосияи тақдирсоз Парчам ва Нишони давлатӣ қабул гардиданд. Акнун, пас аз  тақвият додани асосҳои давлати миллӣ ва фосила гирифтан аз маҳдудиятҳои ҳувияти минтақавӣ ташаккули шуури ягонаи миллӣ ва ҳувияти миллӣ ба чашм мерасид. Ин асосе буд, ки минбаъд ба ваҳдати миллӣ  оварда расонд. Аз ҷониби дигар, ин иқдом минбаъд барои ҷалби мардум дар самти пешбурди ҳаёти иқтисодии  кишвар имконоти васеъ фароҳам овард, ки имрӯз самари дилхоҳ медиҳанд.  
Хайриддин ИДИЕВ,
ректори Донишкадаи давлатии фарҳанг ва санъати Тоҷикистон ба номи Мирзо Турсунзода,
узви вобастаи Академияи илмҳои Ҷумҳурии Тоҷикистон


Баёни ақида (0)    Санаи нашр: 22.11.2017    №: 239    Мутолиа карданд: 832

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед