logo

иқтисод

ТЕРМИНАЛҒОРАТ. РОҲИ МАРДУМФИРЕБИРО КӢ МЕГИРАД?

Соҳибони терминалҳо (банкоматҳо) баъди муддате таъхир боз ба гирифтани чанд дарсади маблағи истифодабарандагони алоқаи мобилӣ даст заданд. Ин ҳолат дар аксар терминалҳо аз як то се дарсади маблағи пардохти муштариёнро ташкил медиҳад. Дар деҳотҷойҳо фоизгирӣ ҳангоми пурра шудани тавозуни симкортҳо тавассути телефони мобилӣ ва компютерҳо сурат мегирад, ки масъалаи таъмин будани ҳуқуқи истеъмолкунандаро зери суол мебарад.
Ин дар ҳолест, ки мувофиқи Қарори Ҳукумати Ҷумҳурии Тоҷикистон «Дар бораи тартиб ва талаботи пайвастшавӣ ба шабакаҳои алоқаи барқӣ ва хизматрасониҳои вобаста ба он» гирифтани фоиз аз маблағи муштариён манъ аст. Мақоми ваколатдор - Хадамоти алоқаи назди Ҳукумати Ҷумҳурии Тоҷикистон бояд татбиқи қарори мазкурро ҷидӣ назорат намояд. Хадамоти зиддиинҳисории назди Ҳукумати ҷумҳурӣ уҳдадор аст, ки ҳуқуқи истеъмолкунандаро ҳимоя кунад. Вале…
Операторони ширкатҳои мобилӣ ҳамчун фармоишгар барои пардохти маблағи муштариён бо ҷамъиятҳо (соҳибони терминалҳо) шартномаи ҳамкорӣ мебанданд. Ҷамъиятҳо ҳамчун иҷрокунанда ба манфиати  фармоишгар маблағи пардохтро аз муштариён қабул карда, ба суратҳисоби  он интиқол медиҳанд ва фармоишгар барои  иҷрои корҳо ба соҳиби терминал мукофотпулӣ медиҳад. Ҷамъиятҳо дар навбати худ бо шахсони алоҳида, яъне субдиллерҳо ҳамкорӣ карда, онҳо низ барои қабули пардохтҳо мукофоти пулӣ мегиранд.
Бисёри ҷамъиятҳо маҳз  нокифоя будани мукофотпулии мазкурро сабаби асосии гирифтани фоиз меҳисобанд. Зеро, маблағи мукофот харҷи фаъолияти терминалҳоро намепӯшонад. Хусусан, харҷи таъмири терминалҳо ва пардохти андозро.
Шояд чунин ҳам бошад, вале, агар аз 3,6 миллион истифодабарандаи телефони мобилӣ фоизи муайян ситонда шавад, ин тақрибан садҳо ҳазор сомониро ташкил медиҳад, ки маблағи кам нест.
Ҷамъиятҳо умуман фоизгириро маблағи ҳаққи хидмат ба мардум медонанд. Ба гуфтаи онҳо, дар бозори савдо ҳама гуна хизматрасонӣ арзиш дорад. Он бояд ҷуброн карда шавад.
- Воқеан, имрӯз масъалаи фоизгирии терминалҳо яке аз мушкили асосии муштариён ба ҳисоб меравад, ки пайваста аз он изҳори нигаронӣ мекунанд. Ин масъала дар ҷаласа – машварати Хадамоти зиддиинҳисории назди Ҳукумати ҷумҳурӣ бо иштироки масъулони соҳаи алоқаи барқӣ мавриди муҳокима қарор гирифта, аз операторони ширкатҳои мобилӣ, аз ҷумла ҶСП «Индиго Тоҷикистон», ҶДММ «Таком», ҶСП «ТТ мобайл» ҶММ ҶМ «Тоҷикмобайл", ҶСП «Телеком технолоҷӣ» ҶСП «Вавилон мобайл» ва  ҶСП «ТК мобайл» даъват ба амал оварда шуд, ки барои бартараф кардани қонуншиканӣ чораҳои қатъӣ андешанд. Ғайр аз ин, ба Хадамоти алоқаи назди Ҳукумати ҷумҳурӣ 2 маротиба маълумотнома оид ба андешидани чораҳои таъсиррасон нисбат ба субъектҳои хоҷагидор, ки дар самти хизматрасонии терминалҳо хилофи қонун фаъолият мекунанд, ирсол карда шуд. Мутаассифона, кор бе натиҷа анҷом ёфта, ҳолати ғайриқонунӣ гирифтани фоиз аз маблағи муштариён ҳанӯз дида мешавад.
- Ҳолате шудааст, ки ҷамъиятҳо, хусусан ҶДММ «Пардохт ТҶ» (Тоҷпей), ҶДММ «Леваканд тиҷорат», ҶДММ «Мададгори дӯстон», ҶДММ «Эмон», ҶДММ «Боварӣ М», ҶДММ «Авфар» ва ҶДММ «ССП Пайванд» дар посух ба муроҷиати хадамот гуфтанд, ки фоизгириро қатъ кардаанд. Вале, аз рӯйи мушоҳидаҳо ин маълумоти нодуруст буд, - гуфт Ислом Неъматов, сармутахассиси раёсати ҳимояи ҳуқуқи истеъмолкунандагон ва назорати фаъолияти рекламавии Хадамоти зиддиинҳисории назди Ҳукумати ҷумҳурӣ.
Ҷамъиятҳо барои додани маълумоти носаҳеҳ дар асоси протоколи ҳуқуқвайронкунии маъмурӣ ба маблағи 40 ҳазор сомонӣ ҷаримабандӣ шуданд. Умуман, маблағи ҷарима аз ҳисоби фоизгирӣ 77288,80 сомониро ташкил дода, он ҳамчун маблағи беасос ситондашуда ба буҷети давлат ворид гардид.
Айни замон тибқи супориши муовини якуми Сарвазири Ҷумҳурии Тоҷикистон барои баррасии муроҷиати дастаҷамъонаи субъектҳои хоҷагидори дар самти хизматрасонии қабули пардохтҳо фаъолияткунанда дар Кумитаи  давлатии сармоягузорӣ ва идораи амволи давлатии Ҷумҳурии Тоҷикистон аз ҳисоби вазорату идораҳои дахлдор гурӯҳи корӣ таъсис дода шуд.
Умед аст, ки бо кори самараноки ин гурӯҳ масъалаи мазкур ҳалли ниҳоии худро меёбад. Муштариён низ дар истифодаи алоқаи мобилӣ роҳи дурусти оқилона ва сарфакорона кор бурдани онро интихоб мекунанд, то буҷети оиларо аз харҷи беҳуда эмин нигоҳ доранд. Зеро тибқи маълумоти расмӣ маблағи аз ҳисоби истифодаи бемавриди алоқаи мобилӣ дар кишвар тақрибан 2 миллиард сомониро ташкил додааст, ки ҷойи нигаронист.
О. ВАФОБЕК «Ҷумҳурият»


Баёни ақида (0)    Санаи нашр: 22.11.2017    №: 239    Мутолиа карданд: 955
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед