logo

иқтисод

СОҲИБКОРӢ. ИМКОНИЯТҲО КАМ ИСТИФОДА МЕШАВАНД, ЧАРО?

Шукри беҳад, ки дар фазои сулҳу осоиш ба сар мебарем.  Марҳила  ба марҳила сатҳи зиндагии шаҳрвандон беҳтар гардида,  барои онҳо фазои озоду осуда ва имкониятҳои васеи фаъолият муҳайёст. Замин яке аз  сарватҳои  асосии  кишвар барои истифодаи  якумра ва меросӣ дар ихтиёри сокинон  қарор дорад. Онҳо дар асоси  меҳнату заҳмат  ва ақлу хиради хеш аз он даромади дилхоҳ ба даст меоранд ва дар самти рушди иқтисод саҳм мегузоранд. Ҳосили баланди зироати кишоварзӣ ва кишти майдонҳои доманфарох дар ноҳияи Лахш имрӯзҳо шаҳодати гуфтаҳои болост. Чунин пешрафту шукуфоии диёр, ки мояи сарсабзию сарбаландист, бешубҳа самари ҳаёти осудаи мо мебошад.
Баробари таъмини шароити зиндагии шоиста барои аҳолии мамлакат симои шаҳру ноҳияҳои кишвар, хусусан пойтахти кишвар,  бо қомат афрохтани  биноҳои серошёнаи замонавӣ, бунёди қасру паркҳои истироҳатӣ, мавриди истифода қарор гирифтани садҳо километр роҳҳои мумфарш  рӯз ба рӯз зеботар мегардад. Ба замми авҷи корҳои созандагию бунёдкорӣ Ҳукумати ҷумҳурӣ барои бунёди коргоҳҳои истеҳсолӣ чораҳои зиёд андешида, шароити заруриро фароҳам овардааст. Дар  заминаи дастгирии соҳибкорон ҷиҳати рушди истеҳсолоти ватанӣ дар  як муддати кӯтоҳ Тоҷикистон аз кишвари воридкунандаи семент ба мамлакати  содиркунандаи он  табдил ёфт. Арзиши ин масолеҳи сохтмонӣ нисбат ба солҳои пешӣ 15 дарсад коҳиш ёфта, афзоиши он раванди созандагию ободкориҳоро дар мамлакат суръат бахшид. Шаҳрвандон бо истифода аз сементи аълосифат акнун сохтмони манзилҳои чандқабатаро пеш гирифтанд, ки нишони сатҳи баланди зиндагист.
Аммо имрӯзҳо бо вуҷуди имкониятҳо истеҳсоли баъзе маҳсулот, аз ҷумла пойафзоли ватанӣ, дар бозору фурӯшгоҳҳои дохилӣ хеле кам ба назар мерасад. Барои хариди пойафзол маблағи зиёди шаҳрвандон ба фоидаи истеҳсолгарони хориҷӣ сарф мегардад. Ин дар ҳолест, ки пӯсту пашми чорво дар навоҳии дурдаст, аз ҷумла, Лахш, Тоҷикобод, Рашт,  ба камтарин арзиш ба фурӯш мераванд ва боз аз ҷониби соҳибкорони хориҷӣ  коркард шуда, бо нархи гарон вориди ҷумҳурӣ мегардад.
Ҳоло фурсати он расидааст, ки дар доираи дастуру ҳидоятҳои Сарвари давлат соҳибкорони ватанӣ истеҳсоли васеи пойафзолҳои чармии ватаниро ба роҳ монанд. Дар ин ҳолат сокинон аз истифодаи пойафзолҳои  сунъии зараровари хориҷӣ даст мекашанд ва маблағи хешро ба фоидаи  истеҳсолгари ватанӣ сарф менамоянд.
Исломи САИД,
директори муассисаи таҳсилоти миёнаи умумии № 51   ноҳияи Лахш


Баёни ақида (0)    Санаи нашр: 23.11.2017    №: 240-241    Мутолиа карданд: 871

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед