logo

фарҳанг

СИРКИ ТОҶИК ШУҲРАТИ ҶАҲОНӢ МЕЁБАД

Сиркбозони тоҷик аз нахустин сафари ҳунарӣ ба давлати Миср бо сарбаландӣ баргаштанд. Онҳо дар доираи лоиҳаи байналмилалии ташкилоти мисрӣ оид ба санъати сирк давоми як сол бо сиркбозони 6 давлати дунё ҳунарнамоӣ карда, сирки тоҷикро ба ҷаҳониён муаррифӣ намуданд.

Гурӯҳ иборат аз ҳафт нафар ҷавони муваффақ бо роҳбарии Обид Эргашев, роҳбари бадеии муассисаи давлатии «Сирки давлатии Тоҷикистон», хушнуд аз онанд, ки дар ин муддат тавонистанд таҷрибаи худро дучанд зиёд намуда, аз нозукиҳои санъати сирк бештар огоҳӣ пайдо кунанд.
- Азбаски рушди бозигари сирк ба ҷаҳонгардӣ ва такмили пайвастаи касб вобастагии ногусастанӣ дорад, ин сафар барои пешрафти мо, ҷавонон, имконияти хубе буд. Мо ба дӯстдорони сирк бо омезиши жанрҳои сиркӣ – торбозӣ, гимнастикаи осмонӣ ва алвонҷбозӣ тавонистем барномаи ҷолибу диданӣ ба намоиш гузорем. Аз ҷониби шаҳрвандони Миср он хуш пазируфта шуд, - гуфт Нилуфар Шоева, торбози ҷавон.
Ҳоло ҳунармандони ҷавон баъди сафари тӯлонӣ боз ба тамрин машғуланд. Онҳо ба фестивали байналмилалии сиркии Эхоазия, ки моҳи июли соли 2018 баргузор мегардад, омодагӣ мебинанд.
Ҳамчунин, сиркбозон кӯшиш менамоянд, ки ба ҳамватанони худ барномаҳои наву муассир пешкаш созанд. Ҳар барномаи нав саҳифаи тозаест барои худогоҳию зебоипарастии мардум.
- Ҳунармандони тоҷик бо намоиши барномаҳои ҷолибу диданӣ дар бисёр озмунҳои байналмилалӣ ширкат варзида, зимни рақобат бо сирки ҷаҳон соҳиби чандин медалу ҷоизаҳо гардидаанд. Сиркбозони ҷавон Мадина Назарова ва Манижа Ҳанифова дар бисёр барномаҳо аз рӯйи жанри гимнастикаи бадеӣ бо ҳунари нотакрори худ тамошобинону ҳакамонро мафтун сохтаанд. Дар арсаи байналмилалӣ ҳунари тоҷиконро дар сатҳи баланд пазируфтанд.
Айни замон аҳли ҳунари Сирки давлатӣ дар тарғибу тарбияи завқи зебоипарастии мардум ҳамвора саъю кӯшиш доранд. Соли равон дар толори сирк чандин барномаҳои ҳунарӣ бахшида ба ҷашнҳои миллӣ баргузор гардида, сиркбозон бо ҳунари волои худ мухлисони ин санъатро аз гӯшаю канори мамлакат ба ҳам оварданд. Бори нахуст сиркбозони тоҷик ба Вилояти Мухтори Кӯҳистони Бадахшон сафари ҳунарӣ анҷом доданд. Мардуми кӯҳистон аввалин сирки тоҷикро бо хушнудӣ ва самимият пазируфта, умед доранд, ки чунин намоишҳо дар вилоят бори аввал нахоҳад буд. 
Барномаҳои сиркӣ барои фароғату дилхушӣ ва ташаккули маънавиёт, санъату фарҳанги ҳар шахс муфид арзёбӣ мешавад. Мо низ дар нав-бати худ барои ташаккули маънавиёти мардум, хусусан кӯдакону наврасон метавонем аз он истифода барем. Ғайр аз ин, агар сирк якбора аз чанд давлат даъват карда шавад, ба фоидаи буҷети кишвар хоҳад буд.
Дар деҳотҷойҳо муҳайё кардани шароит барои намоиши сиркӣ яке аз самтҳои пешрафти маънавиёти мардум ба ҳисоб меравад. Камбудии асосӣ ҳам дар ҳамин аст. Ба мисол, дар Вилояти Мухтори Кӯҳистони Бадахшон, ки имсол нахустин маротиба сирки тоҷикро пазироӣ намуд, набудани ҷойи мувофиқ барои баргузории намоиши сиркӣ монеа эҷод кард. Мушкилиҳою норасоии мутахассисон, камбуди молию пулӣ барои хариди ҳайвонҳои сиркӣ, аз ҷумла аспон, ки асоси зебоӣ ва мукаммалсозии ин санъати мураккаб ба ҳисоб мераванд, ҳалли саривақтии худро тақозо дорад, - гуфт Ашӯр Раҷабов, директори муассисаи давлатии «Сирки давлатии  Тоҷикистон».  
 О. ВАФОБЕК, «Ҷумҳурият»


Баёни ақида (0)    Санаи нашр: 23.11.2017    №: 240-241    Мутолиа карданд: 1121
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед