logo

иҷтимоиёт

АСАДУЛЛО ҒУЛОМОВ МАРДИ ҲАҚИҚӢ

Асадулло Ғуломов. Номи ин марди шарифро дар тамоми Тоҷикистон бо эҳтирому муҳаббати хосса ба забон меоранд ва аз ӯ ифтихор доранд.
Зиндаёд аз зумраи инсонҳое буданд, ки бо як дидану суҳбат оростан дар дилу дида ҷо гашта, ҳам гуфтору рафтор ва ҳам амали некаш дар хотираҳо ба ёдгор мемонд.
Баъди хатми Донишкадаи политехникии Тоҷикистон бо ихтисоси муҳандис-сохтмончӣ аз соли 1976 то охирин лаҳзаҳои умр ба Ватан содиқона хизмат намудааст.
Солҳои  2003-2006 муовини Сарвазири Ҷумҳурии  Тоҷикистон ва соли 2006 муовини аввали Сарвазири Ҷумҳурии Тоҷикистон таъйин гардид.
Бо ордени Шараф дараҷаи 1 ва унвони Корманди шоистаи Тоҷикистон мукофотонида шудааст.
Ҳаммаслак ва ҳамкори Асадулло Ғуломов марди шариф Рамазон Мирзоев, ки соли 2011 директори МД ММЗ НБО Роғун буд, чун номи зиндаёдро ба забон овардам, ашк дар чашмон гуфт: “Дар бораи хислатҳои инсонӣ, фаъолияти меҳнатии ӯ чизе намегӯям, чунки ҳама медонанд. Фақат дақиқаҳои охирини ҳаёти ӯро пеши назар меорам. 3 августи соли 2011 мо, як гурӯҳ масъулони Ҳукумати Ҷумҳурии Тоҷикистон ва намояндагони Бонки ҷаҳонӣ, дар ду чархбол ба ноҳияи Шаҳритус сафар карда, дар гидропости байни Ҷумҳурии  Тоҷикистон ва Ҷумҳурии Ӯзбекистон (дарёи  Ому) музокироти байнидавлатӣ гузарондем. Ҳаво ниҳоят гарм буд, ҳароратсанҷ 53-54 дараҷа гармиро нишон медод. Чун дар ҷаласаҳои дигари комиссияи Бонки ҷаҳонӣ дар масъалаи сохтмони НБО Роғун, манфиатҳои ҳама мардуми минтақаро пешгӯӣ карда, бо ҳарорат масъалагузорӣ менамуд, ӯ бо мисолҳои мушаххас мавзӯъро матраҳу ҷамъбаст карда, сару рӯи дар арақ саршор ба чархбол нишаст. Ҳанӯз чархбол аз замин канда нашуда, Асадулло Ғуломов аз ҳуш рафт. Ҳарчанд ёрии тиббӣ расондем, нашуд, болои дастонам ҷон дод. Сарвари давлат борҳо барои табобату истироҳат кардан дастур  дода бошанд ҳам, “кори саркардаро бояд анҷом диҳем”, - гӯён ҳар ҳафта бо намояндагони Бонки ҷаҳонӣ ва мақомоти дахлдори Ҳукумати Ҷумҳурии Тоҷикистон ҷаласа - машварати корӣ мегузаронд, корҳои ҳарҳафтаинаро таҳлил намуда, ҳалли бечунучароро дархост мекард.
Яке аз ҳамкорони Асадулло Ғуломов, Муҳаммад Ҳабибов бо як ҷаҳон ихлосмандӣ ва андуҳи бепоён изҳор дошт, ки ӯ донишманд, мутахассиси аълодараҷаи соҳаи сохтмону нақлиёт буд. Ба ҳама кормандон як хел муносибат дошт. Барои гузарондани ин ё он масъалаҳои сатҳи ҳукуматӣ бо тайёрии ҳаматарафа омада, мекӯшид, ки дар вақташ босифат  иҷро шавад. Ҳамеша таъкид менамуд, ки корро дар вақту соаташ иҷро карда, дигар ба ин масъала барнагардед.
Неъматҷон Бӯриев, собиқ мушовири давлатӣ оид ба сиёсати иқтисодӣ (ҳоло вазири рушди иқтисод ва савдо) бо як ҷаҳон эҳтирому ёдоварӣ аз зиндагиномаи марҳум чунин нақл кард: “Соли 2005 ман бо Асадулло Ғуломов бо роҳхати Ҳукумати Ҷумҳурии Тоҷикистон дар Академияи хизмати давлатии Федератсияи Русия таҳсил намудем. Дар курси мо аз кишварҳои ИДМ на танҳо хизматчиёни давлатӣ, балки олимону сарварони ширкатҳои бонуфуз таҳсил мекарданд. Қариб дар ҳама масъалаҳои марбут ба мавзӯъҳои сиёсӣ, иқтисодӣ Асадулло Ғуломов баромад намуда, дар корҳои ҷамъиятӣ ширкат варзида, сазовори ҳурмати роҳбарони донишгоҳу ҳамкурсон гашта буд. Дар татбиқи ҳар як лоиҳаи сохтмонӣ, эҳёи роҳҳои автомобилгард ва бахши электроэнергетика чӣ қадар азму талошҳо намуд, манфиати давлату миллатро ба инобат гирифта, ниҳоят ҷиддӣ ва бо масъулияти баланд саҳми арзанда гузошт.
Ронандаи нақлиёти хизматии ӯ Восифӣ Мусаввиров мегӯяд: “Рӯзҳои охир дарди ҷонкоҳ ӯро азият медод, лекин акаи Асадулло инро на ба фарзандонаш ошкор месохту на ба ҳамкоронаш. Вақте ки саҳар ба мошин менишаст, даст ба пояш гузошта, “оҳ” мегуфту аз дард тоб мехӯрд, то шаҳри Роғун азият мекашид, чун ба назди коргарони неругоҳ меомадем, ӯ гӯиё дарде надошта бошад, бо табассум ва ҳазлу шӯхӣ назди онҳо омада, машварат мегузаронд... 
Оре, мард ва роҳбари ҳақиқӣ буд ӯ. Роҳбаре, ки умри кӯтоҳ, вале бобаракат дошт.
Зебуннисо САЪДУЛЛОЕВА, 
дӯст ва ҳамкори марҳум


Баёни ақида (0)    Санаи нашр: 23.11.2017    №: 240-241    Мутолиа карданд: 1160
14.08.2020


САНГВОР. ДЕҲАҲО ТАРОВАТИ ТОЗА МЕГИРАНД

ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ


Дар сомонаҳои дигари Тоҷикистон хонед