logo

иқтисод

ШАМСИДДИН ШОҲИН. ДИЁРИ РАНГИНТАБИАТУ ФАРҲАНГПАРВАР

Ноҳияи  Шамсиддин Шоҳин (собиқ Шӯрообод) бо табиати рангину   дилоро, хусусан чашмаю манзараҳои зебои мавзеъҳои кӯҳии Валвалак, Фурӯш,  Лангардара, Дашти Терай, Панҷ, Нилоб, Баҳорак ва Саричашма дар дилу дидаи сокинони кишвар ҷой гирифтааст. Баробари табиати нотакрору рангин ба шарофати сиёсати бунёдкоронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон он сол ба сол ободтару зеботар мегардад. Ба василаи роҳандозии барномаҳои гуногунсамт сатҳи зиндагии сокинони ноҳия низ беҳбудӣ ёфтааст.
Президенти Ҷумҳурии Тоҷикистон муҳтарам Эмомалӣ Раҳмон 13 сентябри соли равон ҳангоми сафари навбатӣ ба ноҳия баробари ба  истифода супурдани бинои муассисаи таҳсилоти миёнаи умумии  рақами 1 ва чанд иншооти истеҳсолию фарҳангӣ, қитъаи роҳи байналмилалии Шӯрообод – Шоҳонро бо дарозии 40 километр ва  10 пул, ки тӯли онҳо 1121 метрро  дар бар мегирад, мавриди баҳрабардорӣ қарор доданд. Ҳамчунин,  барои азнавсозии қитъаҳои роҳи Кӯлоб - Шӯрообод, Шкев - Қалъаихумб  ва баҳри бунёди иншооти дигари таъйиноти гуногун  санги асос гузоштанд. Аз баракати чунин ташаббусҳои созандаи Сарвари давлат имрӯз симои ноҳия нисбат ба солҳои пешӣ ба куллӣ дигаргун гашта, корҳои ободонӣ бо ҷӯшу хурӯш идома доранд.
Маҳз бо дастгирии Сарвари давлат маркази ноҳия, ки аз чанд бинои пастаки куҳна  иборат буд, бо қомат афрохтани иншооти наву замонавӣ ва биноҳои серошёна ободу шукуфон  гашт. Сокинон  аз гул – гулшукуфоии диёри хеш ва пешрафту муваффақиятҳои пай дар пай басо шукургузору миннатпазиранд.   Пиру барнои ноҳия  хуб огоҳанд, ки ҳама пешравиҳои иқтисодию иҷтимоии кишвар  аз фазои орому босубот маншаъ мегирад, ки бо талошҳои хастанопазири Пешвои миллат дар мамлакат ба даст омадааст.  
Тӯли солҳои охир баҳри ҳалли масоили иқтисодиву иҷтимоии ноҳия, вобаста ба амалӣ намудани  лоиҳаҳои давлатии сармоягузорӣ аз ҷониби Ҳукумати кишвар ва сарчашмаҳои дигари молиявӣ беш аз 900 миллион сомонӣ ҷудо гардид. Ҳоло барномаи рушди иқтисодиву иҷтимоии ноҳия то соли 2020 мавриди амал қарор дорад, ки вобаста ба он татбиқи 141 лоиҳа ба маблағи 70 миллион сомонӣ ҷараён дорад. Барномаи давлатии  лоиҳаи «Рушди чорводорӣ  ва чарогоҳҳо дар давраи солҳои 2012 - 2019» дар ноҳия бо маблағи  8 миллиону 412 ҳазор сомонӣ амал менамояд, ки  раванди беҳтар гардидани сатҳи зиндагии сокинонро беҳбудӣ бахшид. 
Дар доираи  шароиту имконоти фаровон дар соҳаҳои зироаткорию чорводорӣ пешравиҳои назаррас ба вуқӯъ пайвастанд. Дар ниҳоят ҳаҷми умумии истеҳсоли маҳсулоти кишоварзӣ ба 203 миллиону 542 ҳазор сомонӣ расонда шуд. Соли равон кишоварзон аз заминҳои кишт ҳосили фаровон рӯёнданд. Маҳз натиҷаи ҳамин дастовардҳои истеҳсолист, ки нақшаи даромади буҷети маҳаллӣ ба андозаи 115 фоиз иҷро гардид.
Дар  ноҳия  ба рушди соҳаи  фарҳанг – яке аз самтҳои муҳими сиёсати пешгирифтаи Ҳукумати кишвар диққати  ҷиддӣ зоҳир мегардад. Пешвои миллат дар доираи  сафари навбатиашон ба ноҳия барои  бунёди қасри бошукӯҳи фарҳанг, ки арзиши корҳои сохтмонии он 8 миллиону 272 ҳазор сомониро ташкил мекунад,  санги асос гузошта, иброз намуданд, ки ин қаср бояд солҳои тӯлонӣ ба мардуми фарҳангдӯсти ин сарзамин  хизмат намояд. Ҳоло баҳри таъмини истироҳату фароғати  мардум  32 муассисаи фарҳангӣ дар хизмати шаҳрвандон қарор дорад. Барои мустаҳкам намудани ҳолати моддию техникии онҳо тадбирҳои зиёд  андешида шуданд.
Ҳамчунин, ноҳияи Шамсиддин Шоҳин дорои имкониятҳои васеи сайёҳист.  Мақсад дорем, ки майдонҳои боғот, бахусус анорзорҳои мавзеи Анҷиробро васеъ карда, мамнуъгоҳи 20 ҳазоргектараи  «Даштиҷум» - ро, ки  дорои ҳайвоноту набототи нодир аст, ободтару диданибоб намоем. Барои  ҷамъоварию коркарди рустанию гиёҳҳои шифобахш ва ба ин васила рушди сайёҳии табобатӣ шароитҳои табии фаровон мавҷуд аст. Дашти  Терай  барои лижаронӣ ва шикор хеле  мусоид  буда, метавонад макони баргузории  тамрину мусобиқаҳо дар ин ҷода бошад.
Бахшҳои маорифу тандурустӣ низ дар ин гӯшаи дурдасти кишвар бо ғамхории бевоситаи Сарвари давлат рӯ ба беҳбудӣ доранд. Самари  шароитҳои фароҳамнамудаи Ҳукумати кишвар буд, ки яке аз хонандагони муассисаҳои таълимӣ дар Олимпиадаи ҷумҳуриявии хонандагон аз фанни риёзӣ ғолиби ҷойи аввал гардида, бо медали тилло сарфароз гашт. Дар самти бунёди биноҳои нави таълимӣ дар ноҳия тадбирҳои муассир андешида мешаванд. Ҳоло сохтмони 5 муассисаи таълимӣ ва 19 синфхонаи иловагӣ барои  3000 ҷойи нишаст идома дорад.
Дар бахши тандурустӣ бошад, давоми соли равон аз ҳисоби маблағҳои буҷетӣ ва ташкилотҳои байналмилалӣ  5 бунгоҳи тиббӣ, як беморхонаи қитъавӣ  ва 2 маркази саломатӣ мавриди истифода қарор дода шуда, таъмиру барқарорсозии як беморхонаи рақамӣ идома дорад. Имрӯзҳо дар ҳудуди ноҳия 40 муассисаи тиббӣ, баҳри ҳифзи сиҳатии аҳолӣ, фаъолият менамояд, вале,  мутаассифона,  дар онҳо қариб 20 табиби касбӣ  намерасад.
Воқеан, баланд парвоз кардану баланд ошён мондан хоси шоҳин аст. Мо азм дорем, ки аз канданиҳои фоиданоки фаровони табиати диёр босамар истифода барем ва фаъолияти корхонаҳои коркарди тиллову ангиштро  суръат бахшида,  ба рушди иқтисодиёти ноҳия иқтидорҳои навро зам намоем. Сокинони ватанпарвару заҳматдӯсти ноҳияи баландкӯҳ нақша доранд, ки бо амалҳои садоқатмандона ба миллату давлати хеш ва корҳои созандагию бунёдкорӣ ин номи баландро арзанда бошанд.


Баёни ақида (0)    Санаи нашр: 23.11.2017    №: 240-241    Мутолиа карданд: 1108
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед