logo

сиёсат

ТААССУРОТИ ВАКИЛИ ПАРЛУМОНИ АВРУПО ДАР БОРАИ ПРЕЗИДЕНТИ ТОҶИКИСТОН

Ҳайати расмии Парлумони Аврупо оид ба ҳамкорӣ бо кишварҳои Осиёи Марказӣ аввали моҳи ноябр ба Душанбе ташриф оварда буд. Вакилони Аврупоро шахсан Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳузур пазируфтанд.
Мулоқоти онҳо ба масоили ҳамкории байнипарлумонӣ ва ба иқтисоду амният бахшида шуда буд.
Яке аз аъзои ҳайати вакилони Парлумони Аврупо, вакил аз Латвия Андрей Мамикин дар саҳифаи худ дар  «Facebook» дар бораи ин мулоқот ва дар бораи он ки чӣ гуна ин мулоқоти расмӣ аз доираи қатъии протокол баромад,  чунин нақл кардааст…

«Тоҷикистон, Душанбе. Дар ду соли охир ман ба ин ҷо маротибаи дуюм омадам. Ва ин мулоқоти дуюм бо Сарвари давлат, Ҷаноби Олӣ, Президенти Ҷумҳурии Тоҷикистон Эмомалӣ Раҳмон буд. Суҳбат бо Ҷаноби Президент ба ҷои 40 дақиқаи муқарраршуда ду соат давом кард.
Президент супориш доданд, ки ба толор харита биёранд ва дар бораи зиддиятҳои дипломатӣ вобаста ба борҳое, ки ба  Осиё Марказӣ интиқол меёбанд, муфассал нақл карданд. Ман бори дигар ба фикр фурӯ рафтам: вақте Ҷаноби Эмомалӣ Раҳмон масоили сиёсати хориҷиро баррасӣ мекунанд, ин ҳама вақт ҷолиб аст, ҳарчанд агар ҳамаи ин аз Брюссел ба таври дигар менамояд.
Тоҷикистон дорои иқтидори бузурги то ҳанӯз истифоданашуда мебошад ва барои ин кишвар тариқи Афғонистон ва Покистон содир намудани канданиҳои фоиданокаш осонтар аст. Зеро аз ин ҷо то Карочи - бузургтарин бандари Осиёи Ҷанубӣ масофа ҳамагӣ 1400 километрро ташкил медиҳад. Аммо то он даме ки дар Афғонистон «Толибон» ҳастанд, истифода аз ин роҳ мушкил хоҳад буд.
Дар суҳбат бо Президенти Тоҷикистон масъалаи дигар - мубориза бо камбизоатӣ, ки ба Нақшаи Стратегияи миллии рушди кишвар то соли 2030 дохил карда шудааст, таваҷҷуҳи маро бештар ҷалб кард.
Ҳарчанд дар ин кишвар то соли 1997 бар асари ҷанги шаҳрвандӣ сатҳи зиндагӣ паст ҳам буд, аммо имрӯз дар Тоҷикистон сатҳи камбизоатӣ то 30 дарсад коҳиш ёфта, зиндагӣ рӯ ба беҳбудӣ меорад. Метавонам аз мушоҳидаҳои худам, ки бори дуюм дар шаҳри Душанбе қарор дорам, ибрози андеша намоям: он вақт номунтазамии қувваи барқ дар худи меҳмонхонаи «Серена» ҳам дида мешуд, ҳоло Душанбе бо қувваи барқ пурра таъмин аст. Тамоми ҷумҳурӣ, ҳатто он ҷойҳое, ки ду сол қабл дастрасии ниҳоят маҳдуд ба қувваи барқ доштанд, бо он таъминанд.
Дар охир мепурсам, Ҷаноби Президент иҷозат диҳед туҳфаи хоксоронаеро манзуратон намоям ва аз ҷайбам сиккаи нуқрагии хотиравии ба Райнис ва Аспаз бахшидашударо баровардам. Симои ҳайратангези корманди протоколиро мебинам: охир дар Тоҷикистон ба Президент мустақиман туҳфа додан қобили қабул нест, танҳо тавассути протокол. Ва ман фикр мекунам: «Ҳар чӣ бодо бод!».
Ин лаҳза симои Президентро низ мебинам: албатта, таваҷҷуҳ ба он кас хуш омад ва дар бораи Латвия суханҳои гарму самимӣ гуфтанд.
Дар ин ҷо охирин монеаи протоколӣ барҳам мехӯрад: Президент ба забони русӣ гузаштанд (то ин лаҳза тавассути тарҷумонашон ба англисӣ суҳбат мекарданд). Ва дар назди ман Эмомалӣ Раҳмон ҳамчун Инсон мемонанд.
Он кас ногаҳон нақл карданд, ки чаро зодрӯзашонро дигар дӯст намедоранд.
Дар зодрӯзи имсола, пас аз чанд соати видоъ, бародари калонии Президент вафот кард. «Мо бо ҳам бештар аз бародар будем ва тамоми овони кӯдакӣ зери як кӯрпа мехобидем …», - гуфтанд Президент. Дар ин лаҳза ин суханон бисёр самимона буданд.
Ман бори дигар мутмаин мегардам, ки ҳамаи сиёсатмадорони бузург дар масофаи наздик ҳамеша Одамони Бузурганд.
Ба ақидаи шахсии Мамикин нодиртарин дастоварди Эмомалӣ Раҳмон  ин аст, ки ӯ тавонист ба ҷанги шаҳрвандии солҳои 1992 – 1997 хотима гузорад. Чунин дастоварди бузург, тавре маълум аст, на ба ҳамаи шахсиятҳои таърихӣ даст додааст.

Р.S. Ин кори мураккаб аст: Президенти Тоҷикистон будан -  дар кишвари воқеъ дар  минтақаи душвор. Ногуфта намонад, ки беш аз ду даҳсола аст, ки Президент Эмомалӣ Раҳмон  ҳар субҳ соати 4 аз хоб мехезанд, то корро аз соати 6 оғоз намоянд. Ва ҳар як вазир медонад, ки Президент метавонанд ба вай пеш аз баромадани офтоб занг зананд. Ва вазир бояд ба ҳар як саволи Президент ҷавоб диҳад.
АМИТ «Ховар»


Баёни ақида (0)    Санаи нашр: 23.11.2017    №: 240-241    Мутолиа карданд: 1144

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД


Дар сомонаҳои дигари Тоҷикистон хонед