logo

иқтисод

ЧӢ ДУРНАМОЕ ДОРАД НОҲИЯИ ҶАББОР РАСУЛОВ?

Таҳлили ҷараёни кор дар ноҳияи Ҷаббор Расулов аз он бозгӯйӣ дорад, ки ҷалби соҳибкорон ҷиҳати корҳои созандагӣ, махсусан дар самти бахши тавлидот мувофиқи матлаб нест. Бо ишора ба ин, дар яке аз маҷлисҳои навбатӣ Абдураҳмон Қодирӣ, раиси вилояти Суғд, оид ба бунёд нашудани коргоҳҳои истеҳсолӣ ва таъсиси ҷойҳои нави корӣ дар ин ноҳия ҷиддан изҳори нигаронӣ карда буд.  Воқеан, маҳз бо сабаби аз фаъолият мондани чанд корхонаи саноатӣ дар ноҳия нақшаи пардохти андоз иҷро нашуд. Мусаллам аст, ки ободӣ, тасмиму иқдомҳои созандагӣ  асосан, аз ҳисоби таъмини барзиёди нақшаи андоз роҳандозӣ мегарданд.

Комилҷон   Салимзода, раиси ноҳияи Ҷаббор Расулов, иброз дошт, ки ҷиҳати татбиқи дастури Президенти мамлакат муҳтарам Эмомалӣ Раҳмон  оид ба соҳаи маориф  дар давоми се соли охир мактабҳои зиёд таъмиру тармим ва синфхонаҳои иловагӣ, муассисаҳои томактабӣ сохта шуданд. Бинои нави идораи маорифро соли оянда бо тамоми шароити ҷавобгӯй ба талаботи рӯз мавриди истифода қарор хоҳанд дод, ҳамчунин як мактаби нави сеошёна дар деҳаи Қӯрғонча  фарзандони аҳолиро ба таълим фаро хоҳад гирифт.  Беморхонаи марказии ноҳия, ки ба навсозӣ ниёз дошт, бо маблағгузории сармоягузорони маҳаллӣ пурра таъмир гашт.
Дар ноҳия, ҳамчунин,  ба масъалаи ободии роҳҳои мошингарди дохиливу байнишаҳрӣ  аҳамият дода мешавад, фақат дар давоми ду соли охир 26 километр роҳ бо сифати баланд мумфарш шуд.
- Чаро солҳои охир ҷиҳати рушди саноат, бунёди корхонаҳои хурду миёнаи истеҳсолӣ тасмимҳои мушаххас ба мушоҳида намерасанд? - суол мекунам аз раиси ноҳия.
- Воқеан ҳам дар ин самт камбудӣ ҳаст ва мо талош дорем шурӯъ аз соли 2018 барои рафъи он тадбирҳои муассир роҳандозӣ намоем, - иброз медорад раиси ноҳия, - мутобиқи маълумоти соҳаи геологӣ дар мавзеи Қӯрғонча, 26 километр дуртар аз маркази ноҳия, кони ангишт кашф шудааст, ки ба истихроҷи он оғоз мебахшем.  Ҷойҳои нави корӣ пайдо мешаванд ва ноҳияву вилоят бо ангишт таъмин хоҳанд шуд. Дурнамои дигар коркарди реги махсуси квартсӣ мебошад, ки аз он шиша омода месозанд.
Тибқи Барномаи рушди иқтисодию иҷтимоии ноҳия барои солҳои 2016 - 2020 барои эҳё ва рушди саноат қариб 57 миллион сомонӣ маблағ бояд сарф шавад. Сарчашмаи дигари рушди иқтисодии ноҳия иртибот дорад ба соҳаи кишоварзӣ, ки дурнамои хубе дорад. Бо маблағгузории давлатӣ, ки зиёда аз 8 миллион сомониро дар бар мегирад, коргоҳҳои хурди коркарди меваю сабзавот сохта мешаванд.
Баҳри тараққӣ додани соҳоти хоҷагии халқи ноҳия дар 4 - 5 соли охир бояд 185 лоиҳа бо маблағгузории 335,2 миллион сомонӣ татбиқ гардад, ки аз ин зиёда аз 60 дарсади он баҳри рушди саноат нигаронда шудааст.
  Ҷовиди АШТӢ,
«Ҷумҳурият»


Баёни ақида (0)    Санаи нашр: 27.11.2017    №: 243    Мутолиа карданд: 844
29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ


Дар сомонаҳои дигари Тоҷикистон хонед