logo

сиёсат

ПАРЧАМ РАМЗИ МАВҶУДИЯТ АСТ

Нияти боздид аз боғи Парчами давлатӣ маро ба даромадгоҳи он овард.  Ин боғ аз ҷониби хиёбони Исмоили Сомонӣ, аз пиёдарави шафати Осорхонаи миллӣ, дар майдони бузурге, ки бо Қасри миллат ва онсӯтар бо Нишони давлатии Тоҷикистон мепайвандад, дар ин ҳамвории кушоду зебо, дар зери осмони нилгуни кишвар доман густурдааст. Тавассути зинапояҳое, ки аз шафати роҳи пиёдарав ба боло, ба дарвозаи боғи Парчами миллӣ боло мебарорад, қадам мезанам ва як эҳсоси мутантан маро фаро мегирад, шояд  ин аз дидори боғи муҳташаму нозанине бошад, ки дар он чандин муқаддасоти Ватани азизи ман: Қасри миллат, Нишони давлатӣ ва Парчами муқаддаси Тоҷикистон сарафрозӣ мекунанд. Ин эҳсосот дар ман як ифтихор, як меҳри ватандӯстӣ, муҳаббати Тоҷикистони  азизро бармеангезад.
Воқеан, боиси ифтихор аст, ки дар як муддати кӯтоҳ чунин гӯшаи биҳиштосои сабзу хуррам, ки имрӯз маҳзари ишқу муҳаббати ватанпарастон аст, аз муҳаббати мардум ва Пешвои миллат бунёд гардид. Мисли ин ки дар ин боғ на ин гиёҳу гулҳо, на  дарахтони зебо, на ин муҷассамаҳои рамзиву гӯшаҳои хуррам, балки  ишқу муҳаббати Ватан шукуфону сарсабз гардидаву аз табассуму хандаи гулҳои ин боғ ҷавонони хуштолеи мо шодрӯҳу хандонанд, дар қомати ҳар дарахт қомати устувори ҷавонӣ ва бовару эътимоду эътиқод сабзидааст.
Боғи Парчам аз вурудгоҳ то ҳама паҳно, то ҳама гӯшаҳои он бо завқи баланд, ҳунармандона, бо камоли зебоишиносиву зебоипарастӣ бунёд ёфтааст.  Воқеан, боғи Парчами миллӣ он қадар хуҷастагиҳову зебоиҳои дилпазире дорад, ки имрӯзҳо яке аз мавзеъҳои писандидаву дӯстдоштаи мардуми мо мебошад.
Дар боғи Парчам хуҷастагиҳои зиёд шуморо интизоранд. Ҳузури Осорхонаи миллӣ ва боздид аз он бар ин хуҷастагиҳо зам мешавад. Дар даромадгоҳи боғ чашми шумо ба  саворае меафтад, ки муҷассамаи  Яъқуби Саффоррист - тоҷики сарфарозе, ки савори асп таҷассум ёфтааст (вафоташ. соли 879). Ӯ асосгузори давлати Саффориён дар Хуросон буд.  Бояд гуфт, ки дар ин боғ муҷассамаи онҳое гузошта шудааст, ки насабу миллаташон тоҷик аст. Баъдан дар боғ шумо пайи ҳам чунин муҷассамаҳоеро, ки шахсиятҳои шоистаи таърихи миллати моро  муаррифӣ мекунанд, вомехӯред.
Яке аз хуҷастагиҳои боғи Парчам боз дар он аст, ки маҳзари беҳтарин гулҳову дарахтони дунёст. Дар ин ҷо бо намунаҳои нодиртарини гулу гиёҳ, нахлу дарахтон, ки аз тамоми гӯшаҳои дунё бевосита худи Сарвари давлати тоҷикон овардаанд ва чанде аз онҳоро худашон шинондаанд, вомехӯрем. Воқеан, боғи Парчами миллӣ ва ин маҷмаа дар якҷоягӣ бо Қасри миллату боғу гулзори шафати он, Нишони давлатӣ намунаи беназир ва дилписанди боғҳои ҷаҳон аст, ки бо завқи хосса нишондаву парвариш дода шудааст.
Дар боғи Парчами миллӣ завқи шумо, рӯҳи шумо аз тамоми ин ҳама шукуфоиву сарсабзиҳо ва муҳити фарҳангпарвар ва хуҷастагиҳои зиёди дигар неруи тоза меёбад, болида мегардад. Яке аз хуҷастагиҳои дигари табиати мо накҳату шаббода ва таровати обҳои зулоли ин боғ низ дар ёд монданист. Кӯли паҳновари оби мусаффо ва фаввораҳои маҷмаа ба чашм нур бахшида, дилу рӯҳи касро болида месозад.
Бояд гуфт, ки бунёди ин боғ ва ин маҷмаа бе иштироку завқи баланди Сарвари кишвари мо нест. Пешвои табиатдӯсти мо, ки  дар оғози шурӯъ кардан ба кори сарварии худ, ҳанӯз дар он рӯзгори вазнин, ки мардум дар ғами нону ғами ҷон буданд,  онҳоро ба сарсабзу гулзоркунии кишвар, ба ниҳолшинонӣ даъват кардаву худ аз аввалинҳо ин иқдомро амалӣ намуда буданд. Дар он замони бисёр вазнини ноумедиҳо рӯ овардан ба сарсабзиву ниҳолшинониву гулкорӣ, агар аввалан, аз завқи зебопарастии ӯ дарак медод, баъдан, ин иқдом аз он ҷиҳат оқилона буд, ки рӯ овардан ба шукуфоиву сарсабзӣ, ба ободӣ ба мардум ҳам умед ва ҳам неруи рӯҳониву бовар бахшида, завқашонро мепарварад. 
Рӯзона ва хусусан бегоҳ боғи Парчами миллӣ ҳамеша серодам аст. Боғ нафақат ҷойи сайру саёҳати сокинони пойтахт аст, балки бисёре аз меҳмонони хориҷӣ сайру саёҳати онро дӯст медоранд. Ба ин боғ аз ноҳияҳои гирду атрофи пойтахт ва аслан аз тамоми гӯшаҳои кишвар марду зан  ба тамошо меоянд. Ман ба худ андешидам, ки оё ҷозибаи ин боғ фақат дар шаҳомату зебоии он аст? Мо, ки боғҳои зиёди дигаре ҳам дорем, аммо чаро мардум бештар ба ин ҷо меоянд, ба боғи Парчам? Ва дарк кардам, ки ин ҷозибаи Парчами миллии мост. Парчаме, ки пирӯзӣ, рамзи сарбаландӣ, ифтихор аз озодиву истиқлолият ва ваҳдати халқамон аст. Миллате, ки аз аввалин парчамдорони дунё будааст ва нахустин Парчами худ-ро ҳазорон сол пеш чун Парчами адлу дод баланд афрохта, ҳамеша муқаддас доштааст, имрӯз дар замони пирӯзии истиқлолияти худ даҳчанд бештар ба он арҷгузорӣ мекунад. Ҷозибаи ин Парчами миллист, ки хурду бузургро ба ин ҷо мехонад, дар онҳо ифтихори миллӣ ва муҳаббату садоқати Ватанро бармеангезад.
Мо - тоҷикони  соҳибистиқлол метавонем, дар хусуси парчамдории гузаштагони худ бо ифтихору  сарбаландӣ сухан гӯем, зеро ҷои чунин ифтихор ҳаст. Аввал ин, ки парчами нахустини мо бо номи адолату ҳақиқат боло шуда, дувум ин, ки ин парчам аз байни мардум, аз издиҳоми халқ баромадааст ва пешбанди чармини Коваи оҳангар будааст, ки баъдан ба парчами давлатдории шоҳони каёнӣ ва дигар сулолаҳои давлатдории мо табдил ёфтааст. Мавриди ҷолиби дигар ин аст, ки матои Парчами миллии мо дар он замонҳои гузашта аз пӯсти шер ё паланг, яъне тавонотарин ҳайвонот сохта мешудааст, ки ин ҳам рамзи хосса дошта, гувоҳи арҷгузории баланди гузаштагони мо ба парчами хеш аст. Яъне, ин Парчам бояд ҳам қавӣ бошад ва ҳам рамзи қудрат ва тавоноӣ.
Сарвари кишвари мо, Ҳукумати Тоҷикистон, фарзандони шарифу шоиставу ҷоннисори он тавонистанд миллати моро дар зери ин Парчами муқаддаси  миллӣ ҷамъ оранд. Ҷозибаи Парчами миллӣ моро пайваста ба сӯи худ мекашад, баландии он моро вомедорад, сари худро баланд бардорем. Ва то даме, ки Парчами миллӣ дар фазои Тоҷикистони соҳибистиқлол парфишон аст, миллати мо ҳамеша дар зери он тифоқу сарҷамъ ва бо баландтарин эҳсоси ватандорӣ  бо ҳам хоҳад буд.
Камол НАСРУЛЛО,
Шоири халқии Тоҷикистон


Баёни ақида (0)    Санаи нашр: 27.11.2017    №: 243    Мутолиа карданд: 1377
14.08.2020


САНГВОР. ДЕҲАҲО ТАРОВАТИ ТОЗА МЕГИРАНД

ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ


Дар сомонаҳои дигари Тоҷикистон хонед