logo

ҳуқуқ

БОХТАР. ДАСТОВАРДҲОИ ЯК СОҲАИ МУҲИМ

Корхонаи воҳиди давлатии “Бақайдгирии молу мулки ғайриманқул” дар партави сиёсати созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар фурсати кӯтоҳ ба мудирияти беҳтар, осон шудани раванди муроҷиати шаҳрвандон ва хидматрасонии босифат комёб гардид.
Ба хотири инъикоси ин ва дигар дастовардҳо бо Азизулло Алиев, директори КВД “Бақайдгирии молу мулки ғайриманқул” дар ноҳияи Бохтар, суҳбат оростем:
- Маҳз Конститутсияи Ҷумҳурии Тоҷикистон ба таҳия ва қабули як қатор қонуну санадҳои расмии марбут ба самти кори мо асоси воқеӣ гузошт. Агар дар ёд дошта бошед, то солҳои 2014 - 2015 дар ҳама шаҳру ноҳияҳо марказҳои бақайдгирии техникӣ амал мекарданд, ки онҳо тобеи КВД “Хоҷагии манзилию коммуналӣ” буданд. Дар асл самти кории ин ниҳод аз мо фарқ мекунад. Биноан, ба хотири пайванд додани фаъолияти корхонаи мо бо сохторе, ки аз ҷиҳати самти фаъолият наздикие дорад, яъне кумитаи замин, корхонаҳои мо ба тобеияти онҳо гузаронда шуданд. Ин ба он мусоидат кард, ки мардуми корафтода аз бисёр сарсониҳои беҳуда халос мешаванд ва ҳама ҳуҷҷатҳои заруриашонро дар фурсати кӯтоҳ ба даст меоранд. Дар ҳамин замина ҳам амалиёт ва ҳам худи ҳуҷҷатҳои бақайдгирӣ хеле сода карда шуданд. Ва дар асоси қонунҳои марбутаи соҳа чандин сол боз ба корхонаи мо ба ҳайси бақайдгиранда фақат шахсони дорои маълумоти олии ҳуқуқшиносӣ ва заминсозӣ ба кор пазируфта мешаванд. Ба хотири таъмини шаффофият он амалиёти бақайдгирие, ки ба хешу ақрабои худи бақайдгирандагон дахл дорад, аз ҷониби бақайдгирандаи дигаре, ки хеши онҳо нест, анҷом дода мешавад. Пешбурди китобҳои бақайдгирӣ, харитаҳои кадастрӣ ва дафтарҳои бақайдгирии аризаҳо имрӯзҳо на фақат мисли солҳои пеш ба таври коғазӣ анҷом дода мешаванд, балки тибқи муқаррароти қонунгузорӣ он муттасил ба таври электронӣ низ гузаронда мешавад. Гузариш ба коргузории электронӣ суръати тартибдиҳии ҳама навъи ҳуҷҷатҳоро беш аз пеш зиёд кардааст. Яъне, феълан аксар амалиёт дар тӯли 7 рӯз иҷро мегардад. 
Ба ҷуз ин, аз ҳама ҷиҳат мукаммал будани Конститутсияи Ҷумҳурии Тоҷикистон имкон фароҳам овард, то ин ки серветутҳои оммавию хусусӣ таҳия гарданд. Бо ин васила бисёр баҳсҳои марбут ба замин ба осонӣ ҳаллу фасл мегарданд, ки ин, албатта, барои соҳаи мо муваффақияти бузург аст. Он ҳуҷҷате, ки марҳилаи тасдиқи бақайдгириро муайян мекунад, шаҳодатномаи бақайдгирист. Қонуни амалкунандаи дахлдор ду ҳуҷҷатро нишон додааст: сертификат барои қитъаи замин ва барои молу мулки ғайриманқул. Тибқи пешниҳоди мутахассисон дар лоиҳаи нави қонун, ки ба эҳтимоли зиёд ба наздикӣ мавриди амал қарор мегирад, ба ҷойи ин ду ҳуҷҷат як ҳуҷҷати тасдиқкунанда гирифтан кофист.
Маврид ба зикр аст, ки корхонаи мо бо бинои наву замонавӣ ва техникаю таҷҳизоти зарурӣ таъмин аст. Дар даҳ моҳи соли равон ба маблағи 834 ҳазору 210 сомонӣ корҳои барӯйхатгирии техникӣ, тайёр кардани парванда ва супурдани сертификат иҷро шудааст, ки ин 116  дарсади нақшаро ташкил медиҳад. Аз ҳисоби зиёд  кардани  ҳаҷми  кор зиёда аз 155 ҳазор фоида гирифта шуд. Ба буҷети ноҳия 240 ҳазору 601 сомонӣ андозҳо, ба фонди ҳифзи иҷтимоии аҳолӣ 112 ҳазору 421 сомонӣ маблағ пардохт шудааст. Дар ин давра 800 шиносномаи техникӣ тайёр гардида, 526 парвандаи танзими замин тартиб дода шудааст. Ҳамзамон, 769 сертификати ҳуқуқи истифодаи замин, 448 шаҳодатномаи бақайдгирӣ, 408 иқтибос ва 47 шартномаи гарав мураттаб гардидааст. Ба таври ройгон барои оилаҳои камбизоат 9 шиносномаи техникӣ, 10 парвандаи  заминсозӣ ва 9 сертификат омода гардид.
Бояд гуфт, ки агар Конститутсия ва, умуман, қонунгузории Ҷумҳурии Тоҷикистон барои мо замина фароҳам намеовард, чунин ҳаҷми корро иҷро кардан ва ҳамрадиф ба осон гардондани хидматрасониҳо бо мушкилӣ даст ёфта метавонистем. Бо назардошти ҳамин нукта, бори дигар изҳор медорам, ки усулҳои кунунии корбарию коргузории соҳаи мо, дар қатори дигар соҳаҳо, барои манфиати халқ равона гардидаанд.
Зокир ҲАСАН,
“Ҷумҳурият”


Баёни ақида (0)    Санаи нашр: 28.11.2017    №: 244    Мутолиа карданд: 775

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед