logo

фарҳанг

ФАРЁДИ ЁДҲО

Боре дар баргакҳое (картотека), ки дар онҳо  ному насаб ва суруду навоҳои иҷронамудаи ҳунармандон сабт гардидаанд, номи  ин овозхон, Ҳабибуллоҳи Бекмуҳаммад ба чашмам афтод. Ман,  ки нав ба  идораи Радиои Тоҷикистон  чун муҳаррир ба кор омада будам, бо ҳисси кунҷковӣ аз ҳамкороне, ки солҳои дароз дар ин даргоҳ фаъолият  доштанд, аз ҳунару овози ин сароянда пурсон шудам.
- Писарам, - гуфт акои Худоёр, – ин марди ҳунар аз он диёрест, ки дар он ҷо Карими Шиш ном навозандаи беҳамто ва овозхони нотакрор чашм ба олами ҳастӣ кушода.
Сипас  ба бойгонии радио, ки дар таҳхонаи бино  ҷо гирифта буд, раҳсипор гаштам. Баъди оне, ки ҳар як суруди акои Ҳабибуллоҳро мешунидам, тамоми гӯшу ҳушам бо садои хушу навоҳои дилошӯбаш буд. Лаҳни хушу нағмаҳои ҷонгудозаш мани шунавандаро мафтун менамуд.
Соате аз шунидани сурудҳояш лаззати маънавӣ бардоштам. Ана аз ҳамон дам, аз ҳамон лаҳзаҳо ман мухлиси ин ҳунарманд гаштам.
Сурудҳои Ҳабибуллоҳи Бекмуҳаммадро пиру барно гоҳ зери лаб ва гоҳи дигар баланд зам-зама мекунанд. Ӯ маҳфилоро буд. Ҳамагон дӯсташ медоштанд.
Боре аз назди студияи сабти овоз мегузаштам, ки ногоҳ як садои ошно маро аз роҳ боздошт. Бештар аҳамият додам ба он садо, ба он наво.  Дар-ёфтам, ки соҳиби он садо кист. Бале, он садо, он ово ҳамоне буд, ки дар рӯзҳои аввали ба кор омаданам шунида будам.
Ҳабибуллоҳи  Бекмуҳаммад  суруди навбатии худро менавишт:
Дар ғами дунё ба дунёбехабар бовар макун,
Эй сафарнодида, ту бар ҳамсафар бовар макун.
Дӯст бар сайри ҷаҳон хонад агар, бар ҷон бирав,
Душманат гӯяд баро бар пушти дар, бовар макун…

Дарҳол ба назди акои Қиматуллои Раҷаб, ки коргардони овози идораи барномаҳои мусиқии радио буду он лаҳзаҳо сурудҳои ба тозагӣ эҷоднамудаи акои Ҳабибуллоҳро ба фитаи овоз менавишт, рафтам. Ӯ маро иҷозат дод, ки бо ин навозандаи чирадаст ва овозхони хушсадо аз наздик дидорбинӣ намуда, атрофи сурудҳои тозаэҷодаш ба мухлисонаш суҳбат дошта бошам. Дар суҳбат ӯро чун марди сухандон, суханфаҳм, марди маънирас дарёфтам. Суҳбат аз боби ҳунару ашъори волои нобиғаҳои назми  классикии тоҷик буд. Баъди ин вохӯрӣ мо моҳе як ё ду маротиба  дар алоқа мешудему аз суруду таронаҳои тозаэҷодаш пурсон мегардидам.
Хушбахтона, он рӯзе ҳам фаро расид, ки мо ҳар рӯз ба ҳамдигар дидор медидем. Роҳбарияти онвақтаи Кумитаи телевизион ва радиои назди Ҳукумати Ҷумҳурии Тоҷикистон ҳунару истеъдоди  Ҳабибуллоҳро ба назар гирифта, ӯро ба ансамбли давлатии “Дарё” ба кор даъват намуд. Акнун рӯзҳои бедорхобии ӯ барои эҷоди суруду таронаҳои нав оғоз гардиданд. Дар як муддати кӯтоҳ як силсила сурудҳои хубу шуниданиро ба мухлисони садояш пешкаш намуд. Дар бисёре аз чорабиниҳои фарҳангии ҷумҳурӣ бо сурудҳои хуб хотири шунавандагонро шод месохт. Ҳамагон ба истиқболаш кафкӯбӣ менамуданд. Ӯро дигарбора ба саҳна мехонданд.
Баъди чанд соли фаъолият дар ансамбли «Дарё» Ҳабибуллоҳ ва чанд ҳунарманди дигарро барои пурра намудани ҳайати овозхонон ба ансамбли «Фалак» гузаронданд.
Соли 2006 ба деҳае, ки Ҳабибуллоҳ чашм ба олами ҳастӣ кушода буд, баҳри омода намудани “Накҳати шаббода”  ном барнома,ки фаъолияти сарояндагиашро фарогир буд, раҳсипор шудем. Айёми баҳорон диёри Кангурт биҳишти рӯи заминро мемонд. Кас аз бӯи муаттари талу теппаҳои сабзпӯш маст мегардид. Хушбахтона, он чанд рӯзе, ки дар ин диёри ҳунархез меҳмон шудем, як филми диданиву хотирмонро атрофи ин ҳунарманди накуном барои мухлисону пасовандон рӯи навор овардем.
Чанд соли охир васфи Ватани азизашро дар эҷодиёташ ҷо дода буд.  Ӯ ошиқи ашъори волои Ҳоҷӣ Ҳусайни нозукбаёну нозукхаёл буд. Чанд суруди  ин шоири ошиқи орифро ба фитаи овоз навишта буду мехост барномаи рангинеро  барои ҳаводоронаш пешкаш намояд. Вале марг омаду...
Ҳабибуллоҳ  марде буд ҳалиму хоксор, инсоне буд заминӣ, ҳунарманде дилогоҳ. Доимо дар пайи эҷоди суруди нав буд. Заҳмати зиёд мекашид, то дар дили мухлисонаш абадан маскан гираду як умр ба некӣ ёдаш бикунанд.
Ҳоло ҳам боварам намеояд, ки ин марди нуктадону нуктасанҷ  дар миёни мо нест. Суҳбаташро пазмон шудаам.  Ӯро ҷӯё мешавам. Бо сурудҳояш худро таскин медиҳам. Бо чеҳраи пуртабассумаш, ки доимо дар пеши назарам ҳаст, мегӯяд: “Ман аз шумо, дӯстонам, дур нестам. Ман ҷисман бо шумо набошам ҳам, рӯҳан бо шумоям. Маро аз сурудҳоям, аз навоҳоям дарёбед”.
Ҳусайн САФАРЗОДА


Баёни ақида (0)    Санаи нашр: 28.11.2017    №: 244    Мутолиа карданд: 813

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед