logo

иқтисод

ВМКБ. 1,2 МИЛЛИОН СОМОНӢ ҚАРЗИ МУАССИСАҲОИ РОҲСОЗӢ

Зимистони соли гузашта барфи зиёд бориду дар роҳҳои вилоят 250 ҳодисаи тармафуроӣ ба қайд гирифта шуд. Қабати барф дар баъзе қитъаҳо  то 1,5 метр баланд буд. Аз ин корҳои изофа дар муассисаи давлатии нигоҳдории роҳҳои автомобилгарди вилоят афзуданд.  Роҳсозон барои қатъ нагардидани ҳаракати нақлиёт аз тамоми имкониятҳо истифода бурданд. Азбаски захираҳои мавҷуда барои иҷрои фаъолияти муассиса кифоя набуд, масъулон маҷбур шуданд, ки  техникаи ширкатҳои хусусиро киро намуда, аз нуқтаҳои фурӯш сӯзишворӣ  қарз гиранд.
Дар натиҷа қарзи идораҳои зертобеи муассиса дар назди ширкатҳои хусусӣ ба зиёда аз яку ним миллион сомонӣ расид. Аз он то ҳол  як миллиону 263 ҳазор сомонӣ пардохт нашудааст, ки ин барои фаъолияти мунтазами муассиса мушкилӣ пеш овард. Барои мисол, давоми сол муассиса корҳоро дар самти таъмири пулҳо, лӯлаҳо ва роҳҳо, ки мутобиқи нақша бояд амалӣ мешуданд, ба иҷро расонда натавонист. Ҳаҷми зиёди маблағи қарз ба муассисаи давлатии нигоҳдории роҳҳои автомобилгарди ноҳияи Шуғнон ва минтақаи  нигаҳдории роҳҳои автомобилгарди водии Ғунди ҳамин ноҳия,  ки дар  қитъаи  аз  ҳама   сербарфу  сертармаи  шоҳроҳи  Душанбе – Хоруғ - Кулма  фаъолият  доранд,   рост меояд.
Дар  машварати  назди  раиси  вилоят  бо  иштироки  Азим  Иброҳим, муовини  Сарвазири  мамлакат, зикр  гардид, ки дар  пардохт  нашудани  қарзҳо худи  муассисаҳо   айбдоранд. Онҳо дар  бораи қарз  санад  тартиб  дода, ба  Вазорати  нақлиёти  ҷумҳурӣ  пешниҳод  карда  бошанд ҳам, дигар  аз  паси  ҳалли  масъала  нашудаанд. Ҳамчунин, санадҳои тартибдода  ба   меъёрҳои  ҳуҷҷатгузориҳои  молиявӣ ҷавобгӯ  нестанд.
Шодихон  Ҷамшед, раиси  вилоят,  аз  фаъолияти  сусти  муассисаҳои  роҳсозӣ  дар робита  ба  омодагиҳо  ба   мавсими  зимистони  имсола   изҳори  нигаронӣ  намуда, таъкид  кард, ки  ба  ҳисоботи омории  ин муассисаҳо  чандон  эътимод  нест. Дар  мувозинаи   онҳо  118  техникаву  механизми  роҳсозӣ  мавҷуд буда, дар  асл  қариб  50 дарсади  онҳо  корношоям  мебошанд. Раиси  вилоят  зикр кард, ки то  ҳоло  барои  зимистонгузаронии имсола  ба  миқдори  даркорӣ  сӯзишворӣ, маводи  зидди лағжиш захира  нашудааст. Ба ситоди  ҳолатҳои  фавқулода   ва  мудофиаи  граждании  вилоят  супориш  дода  шуд, ки  бори  дигар   омодагии  техникаву  механизмҳои  муассисаҳоро  дар  ҷояш  санҷида  барояд.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 28.11.2017    №: 244    Мутолиа карданд: 914

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед