logo

иҷтимоиёт

БАРГҲОРО НАСӮЗОНЕД!

Аксари сокинони пойтахти азизамон – шаҳри Душанбе кормандону масъулони ниҳодҳои дахлдор буда, пас аз соатҳои корӣ ҳамроҳи фарзандону наберагон ва дӯстони худ ба сайругашти шаҳр мебароянд. Ҳатто агар мушоҳида карда бошед, меҳмонони хориҷӣ низ баъди анҷоми корҳои худ шабҳо ба тамошои шаҳр ва боғу хиёбонҳои атрофи он мераванд. Аммо дар фасли тирамоҳ дуди ғализи баргҳои дарахтон дар фазои шаҳр печида, намегузорад, ки озодона дар кӯчаву хиёбонҳои шаҳр қадам занед ва хастагии рӯҳии вуҷудатонро дур кунед.

Сокини пойтахт будан, бо вуҷуди ифтихор, инчунин, масъулиятро низ тақозо дорад. Аз ин сабаб, аз сокинони шаҳри Душанбе эҳтиромона хоҳиш карда мешавад, ки тӯдаҳои баргро насӯзанд ва шаҳрро дар оғӯши дуд нагузоранд. Чанд вақти охир мушоҳида мекунем, ки шомгоҳон пас аз дудолуд шудани ҳавои шаҳр тирезаҳои хонаҳои баландошёна кушода намешавад, зеро баробари кушодан фазои хона низ аз дуд пур мешавад. Шахсе, ки ба хазон оташ мезанад, шояд фикр мекунад, ки танҳо гирду атроф дудолуд мешавад, аммо дуд, бавижа дуди баргҳои ҳанӯз тари дарахтон то дер вақт дар фазо мепечад ва ба маҳалҳои дигар низ рафта мерасад.
Бо чандин сокинон ва фаъолони маҳаллаҳо дар ноҳияи Синои пойтахт суҳбат доштем. Аз гуфтаҳои онҳо бармеояд, ки аз каммасъулиятиву кӯтоҳандешии баъзе шаҳрвандон дар фасли тирамоҳ шикоятҳо меафзояд. Махсусан, дар моҳҳои октябр ва ноябри соли ҷорӣ чандин раисони маҳаллаҳои навоҳии шаҳрро ба хотири маҳз ҳамин кирдори сокинон ҷарима бастаанд. Ҳоло корҳои фаҳмондадиҳӣ ва чораҳои пешгирикунанда идома доранд.
Аз ин пас, раисони маҳалларо мебояд байни биноҳои баландошёна гашта, оташзании хазонро дар нуқтаҳои гуногун назорат кунанд. Баъзе касон гумон доранд, ки хазонро пеши партовгоҳи назди бинои худ бурда оташ зананд, ба манфиати кор аст. Ҳол он ки дуд аз куҷое ҳам сар занад, боз роҳаш сӯи биноҳо ва маҳалҳои истиқоматии шаҳрвандон аст.
Маҳастӣ Муродова, сокини шаҳр, изҳор медорад, ки дуди хазон бештар ба саломатии кӯдакон зарар дорад. Онҳо, ки бештар шомгоҳон бо бозиҳои гуногун машғул мешаванд, ҳис намекунанд, ки пас аз давидану серҳаракт шудан шушашон аз дуди ғализи баргҳо пур мешавад ва зиёнаш дучанд меафзояд.
Ин дар ҳолест, ки бо иқдоми раиси шаҳри Душанбе Рустами Эмомалӣ соли ҷорӣ дар чор ноҳияи пойтахт даҳҳо майдончаҳои варзишӣ ва нуқтаҳои хушҳолии кӯдакон ба фаъолият оғоз кардаанд ва аз саҳар то бегоҳ онҳоро пур аз кӯдакони синну солашон гуногун дармеёбем.
Алидод Зоҳиров, сокини 72 - солаи пойтахт андешаҳояшро дар ин маврид чунин баён дошт: «Бо наберагони хурдсолам ҳар шом ба майдончаи варзишӣ меравем, гоҳе дар боғи ба номи Мироненко сайр мекунем. Вақте фасли тирамоҳ мерасад, маҷбур мешавем, ки баъзе шомгоҳон ба сайругашт набароем. Зеро баъзе истиқоматкунандагони шаҳр бо баҳонаи тозагӣ тӯдаи баргҳоро оташ мезананд ва маҳалларо бо дуд пур мекунанд».
Албатта, чораандешиҳои масъулон нисбат ба шаҳрвандони бемасъулият судманд аст, вале чӣ хуш аст, агар мо – сокинони пойтахт худамон аз маромномаи пойтахт, ки қабул шудааст, огоҳ шавем, қоидаву қонунҳои ҷорӣ ва баъзе тадбиру танзимҳои нонавиштаи маҳалламонро риоя кунем. То замоне, ки кормандони коммуналии шаҳр ба рӯфтану бурдани хазони пеши биноҳо меоянд, гоҳ - гоҳ худи мо низ бояд иқдом намуда, дар якҷоягӣ ба тозагии маҳаллаамон кӯшиш кунем. Аслан, маҳз дар шаҳрҳои бузург шиори «Ҳама барои як кас, як кас барои ҳама!» бояд мустақиман амал кунад, зеро кӯчактарин рафтору кирдори ношоистаи як шахс ба беҳаловативу нороҳатии чандин кас сабаб шуда метавонад.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 28.11.2017    №: 244    Мутолиа карданд: 879
14.08.2020


САНГВОР. ДЕҲАҲО ТАРОВАТИ ТОЗА МЕГИРАНД

ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ


Дар сомонаҳои дигари Тоҷикистон хонед