logo

туризм

ТОҶИКИСТОН. МУШКИЛОТ ВА ДУРНАМОИ ТУРИЗМ

Тоҷикистон бо захираҳои бойи сайёҳӣ ҷиҳати рушди туризми кӯҳнавардӣ, кӯҳӣ-варзишӣ, экологӣ, табобатӣ,  варзишӣ, шикорӣ, таърихӣ-маърифатӣ ва мардумшиносӣ дар байни давлатҳои Иттиҳоди Давлатҳои Мустақил яке аз ҷойҳои намоёнро ишғол менамояд. Аммо як қатор омилҳое мавҷуданд, ки барои рушди соҳа монеа эҷод мекунанд. Ин мушкилиҳо, пеш аз ҳама, дар самти роҳу нақлиёт, муоширату хизматрасонӣ ва ташвиқу тарғиби минтақаҳои туристӣ ба назар мерасанд.
Ба андешаи мутахассисон, мушкилии асосии инфрасохтори туризми мамлакат, пеш аз ҳама, дар таъмирталаб будани роҳҳои минтақаҳои туристӣ, набудани меҳмонхонаҳои хурд ё ҳомстейҳо ва дигар иншоотҳои хизматрасонӣ ифода меёбад. Таҷрибаи ҷаҳонӣ нишон медиҳад, ки сайёҳон ҳамон вақт ба минтақаҳои аз ҷиҳати экологӣ тоза сафар хоҳанд кард, ки ба талаботҳои муосир ҷавобгӯ бошанд. Бо вуҷуди дидани  иқлими хуб, табиати зебо, олами набототу ҳайвонот, ҳамчунин, бояд сайёҳон аз шароитҳои истироҳату фароғат, табобату мулоиҷа бархӯрдор гарданд. Ҳамин аст, ки имрӯз мутахассисон кӯшиш менамоянд, масъалаи омӯзиши минтақаҳои туристиро вобаста ба имкониятҳои сайёҳии кишвар ба роҳ монданд. Қайд кардан бамаврид аст, ки минтақаҳои туристии Вилояти Мухтори Кӯҳистони Бадахшон, водии Зарафшон, мавзеъҳои Сари Хосор, Чилдухтарон ва дараҳои Варзобу Ромит бо назардошти он ки дар ин минтақаҳо базаи моддию техникӣ  аз замони Иттиҳоди Шӯравӣ боқӣ монда буд, имрӯз дар ҳоли рушд қарор доранд. Барои рушди соҳа дар дигар минтақаҳо бошад, ҳамкории  зичи мақомоти маҳаллӣ бо муассисаҳои дахлдор  зарур аст, зеро ин омил ба таъсиси ҷойҳои нави корӣ ва ғанӣ гардидани буҷети маҳаллӣ мусоидат хоҳад кард. 
Дар баробари ин, ба андешаи коршиносон, дар минтақаҳои наздисарҳадӣ  ва фурудгоҳҳо низ баъзе камбудиҳо ҷой доранд. Сайёҳон аллакай дар фурудгоҳ бо баъзе монеаҳо рӯ ба рӯ мешаванд, аз ҷумла одоби муошират. Дар ин росто, кормандону масъулонро мебояд донандаи хуби забонҳои хориҷӣ ва одоби муошират бошанд, то ки мизоҷони ватанию хориҷиро бо фарҳанги воло пешвоз бигиранд.
Ҳамчунин, тарғибу ташвиқи минтақаҳои туристӣ яке аз масъалаҳои муҳими соҳа ба ҳисоб меравад. Дар ин самт ҳарчанд Кумитаи рушди сайёҳӣ филмҳои мустанадро ба забони англисӣ омода намуд, аммо ин ҳанӯз ҳам кофӣ нест. Зеро Тоҷикистон то ҳол барои доираи васеи сайёҳони кишварҳои хориҷӣ ноошност.
Ба андешаи Фазлиддин Қодиров, мудири кафедраи туризми Донишкадаи соҳибкорӣ ва хизмат, зарур аст, ки объектҳои сайёҳии кишвар ҳар чи бештар тариқи ВАО ва интернет тарғибу ташвиқ шаванд. Зеро захираҳои туристии мамлакат то ҳол ба таври бояду шояд тарғибу ташвиқ нашудаанд. Қатъи назар аз он ки Тоҷикистон иштирокчии фаъоли бархе аз чорабиниҳои сайёҳӣ, аз қабили ҳамоиши байналмилалии туристӣ дар шаҳри Берлин, ЭКСПО ва ғайра мебошад, хуб мешуд ҳамасола чунин чорабиниҳо дар кишвар ба роҳ монда шаванд ва дар он доираҳои васеи туристони кишварҳои хориҷӣ иштирок намоянд. Ин омил, бешубҳа, барои муаррифии иқтидору имкониятҳои туристии мамлакат ва ҷалби бештари сайёҳон мусоидат хоҳад кард.
Имрӯзҳо кишварҳои пешрафтаи олам минтақаҳои туристии худро тариқи телевизионҳои байналмилалӣ тарғиб мекунад, ки ин боиси пешрафти туризм дар ин кишварҳо гаштааст. Бо вуҷуди гарон будани нархи чунин рекламаҳо бояд аз он самаранок истифода барем.
Пас, метавон гуфт, ки бо азнавсозӣ намудани роҳҳову беҳтар кардани хизматрасонии нақлиётӣ, бунёди меҳмонхонаҳои ҷавобгӯ ба стандартҳои байналмилалию дигар иншоотҳои хизматронӣ ва тарғибу ташвиқи минтақаҳои сайёҳӣ индустрияи туризм пеш рафта ба рушди иқтисодиёти кишвар замина хоҳад гузошт. 
Комрон САФАР,
“Ҷумҳурият”


Баёни ақида (0)    Санаи нашр: 30.11.2017    №: 245    Мутолиа карданд: 1163
03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД

ЛИГАИ БОНУВОН. "ХАТЛОН" БА САДРИ ҶАДВАЛ БАРОМАД

СҶТ: «ДУНЁ ТАНҲО ЯК МАВҶИ КОРОНАВИРУСРО АЗ САР ХОҲАД ГУЗАРОНД»

ҶАҲОН ДАР ЯК САТР

28.07.2020


ТОҶИКИСТОН. 6 ҲАЗОРУ 28 ГИРИФТОРИ БЕМОРИИ COVID-19 ШИФО ЁФТ

ШСХК «БАРҚИ ТОҶИК». 11 ҲАЗОРУ 931 ҲОЛАТИ ИСТИФОДАИ ҒАЙРИҚОНУНИИ НЕРУИ БАРҚ

КВД «ХОҶАГИИ МАНЗИЛИЮ КОММУНАЛӢ». 200 ҲАЗОР АҲОЛИИ ДЕҲОТ БО ОБИ НӮШОӢ ТАЪМИН МЕШАВАД

ТОҶИКАЭРОНАВИГАТСИЯ. МАҶМӮИ МАЪЛУМОТ МИНБАЪД ДАР КИШВАР ТАҲИЯ ВА НАШР МЕГАРДАД

САҲМИ ДУШАНБЕ ДАР ММД-И КИШВАР БА 20,7 ДАРСАД РАСИД

МТС. ҲАМКОРИҲО ТАВСЕА МЕЁБАНД

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. 38 ҲАЗОР ҶОЙИ КОР ТАШКИЛ ЁФТ

КОНФРОНСИ ДУЮМИ БАЙНАЛМИЛАЛИИ САТҲИ БАЛАНД СОЛИ 2021 БАРГУЗОР МЕГАРДАД


Дар сомонаҳои дигари Тоҷикистон хонед