logo

иқтисод

РОШТҚАЛЪА - ЗОДАИ ДАВРОНИ ИСТИҚЛОЛИЯТ

Ҳукумати мамлакат аз нахустин рӯзҳои соҳибистиқлолӣ ба таъмини рушди устувору муттасили ҷомеа, инкишофи бемайлони сиёсӣ, иқтисодӣ ва иҷтимоии он, муҳайё намудани шароити ҳар чи беҳтари зиндагӣ барои сокинони кишвар таваҷҷуҳи хос зоҳир менамояд. Дар ин росто, дар ноҳияи Роштқалъа низ барномаҳои зиёд амалӣ шуданд, ки ба рушди бесобиқаи ин гӯшаи диёр мусоидат намуданд.

Дар даврони соҳибистиқлолӣ бо дастгирии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ноҳияи Роштқалъа симояшро ба куллӣ дигаргун кард. Дар натиҷаи амалигардонии барномаҳои давлатӣ дар соҳаи кишоварзӣ дастовардҳои зиёд ба даст омаданд. Ислоҳоти куллии соҳа, ба талаботи иқтисоди бозаргонӣ мутобиқ гардондани он ба афзоиши истеҳсоли маҳсулоти чорво, сабзавоту картошка, беҳтар шудани вазъи молиявӣ ва дар ин замина баланд гардидани сатҳи зиндагии сокинони ноҳия мусоидат кард. Ҳаҷми истеҳсоли маҳсулоти кишоварзӣ танҳо дар соли равон ба зиёда аз 30 миллион сомонӣ баробар гардид.
Дар ноҳия ба равнақи соҳаи қутоспарварӣ, ки яке аз манбаъҳои сердаромад ба ҳисоб меравад, диққати ҳамаҷониба дода мешавад. Имрӯз хоҷагиҳои фермерӣ ва инфиродӣ дар водии Ҷавшангоз 848 сар қутос парвариш карда, аз ин ҳисоб фоидаи калон ба даст меоранд.
Ислоҳоти куллӣ дар соҳаи кишоварзӣ барои ба соҳибони асосии замин - деҳқонон додани ихтиёрдории замин мусоидат кард. Имрӯз 99 дарсади заминҳои ноҳия дар дасти мардум аст ва онҳо ба замин ҳамчун соҳибмулк муносибат мекунанд. Дар ҳудуди ноҳия 33 хоҷагии деҳқонӣ (фермерӣ) ва 6 хоҷагии деҳқонии инфиродӣ фаъолият менамоянд. Соли ҷорӣ дар майдони 1544 гектар ғалладонагӣ, картошка ва сабзавот кишт шуда, 4 гектар боғи нав бунёд ва 8,4 гектар боғҳои куҳна барқарор гардиданд. Шароити  камзаминии  ноҳияро ба  назар  гирифта, мутобиқи  дастури Президенти кишвар, ки аз Паёми навбатиашон ба Маҷлиси Олӣ бармеояд, ҳамасола дар самти ба кор андохтани заминҳои бекорхобида  корҳои муайян анҷом дода мешаванд. Танҳо дар Ҷамоати деҳоти Сежд  аз тарафи хоҷагидорони алоҳида 26 гектар замин ба гардиши кишоварзӣ дароварда шуд, ки дар шароити кӯҳистон нишондиҳандаи хуб аст.
Барои рушди тамоми самтҳои хоҷагии халқ “Барномаи рушди иҷтимоӣ - иқтисодии ноҳияи Роштқалъа барои солҳои 2016 - 2020”  қабул шудааст. Дар доираи ин барнома корҳои ободонию созандагӣ, ташкили корхонаҳои хурди истеҳсолӣ дар заминаи рушди соҳибкории хурду миёна, бо амалигардонии 133 лоиҳа ба маблағи миллионҳо сомонӣ, ба нақша гирифта шудааст. Дар 29 иншооти сохташаванда аз ҳисоби ҳамаи сарчашмаҳои маблағгузорӣ бо ҷалби беш аз 29 миллион сомонӣ корҳои сохтмонӣ, таъмиру навсозӣ идома доранд. Айни замон аз тарафи Дирексияи сохтмонии иншооти ҳукуматии Дастгоҳи иҷроияи Президенти Ҷумҳурии Тоҷикистон дар ноҳия сохтмони бинои  нави беморхонаи касалиҳои рӯҳӣ босуръат давом дорад.
Бо иқдоми Ҳукумати мамлакат ва ҷалби сармояи хориҷӣ лоиҳаи сохтмони НБО «Себзор» бо иқтидори 10 мВт таҳия гардида, хишти аввали он моҳи июли соли 2015 аз тарафи Пешвои миллат муҳтарам Эмомалӣ Раҳмон гузошта шуд. Барои сохтмони неругоҳ 35 миллион доллари амрикоӣ пешбинӣ гардида, корҳои тахту ҳамворкунӣ барои насби дастгоҳи шағалбарорӣ ба анҷом расид. Мутобиқи шартномаи ҳамкориҳои Ҳукумати Ҷумҳурии Тоҷикистон бо Ҷумҳурии Федеролии Олмон чанде пеш ин шарики боэътимоди рушд тасмим гирифт, ки  сохтмони иншооти мазкурро  маблағгузорӣ намояд. Бо бунёд гардидани неругоҳ имкониятҳои бештар барои таъсиси ҷойҳои нави корӣ, ташкили корхонаҳои хурди саноатӣ ва баланд бардоштани сифати зиндагии мардум муҳайё мегарданд.
Соли ҷорӣ барои сохтмони роҳи мошингард ба деҳаи баландкӯҳи Хичих, ки то ҳол танҳо роҳи душворгузари пиёдагард дошт, аз тарафи Сафорати Ҷопон дар Тоҷикистон 90 ҳазор доллари амрикоӣ ҷудо гардид. Мувофиқи нақша  ин роҳ то охири сол мавриди истифода қарор мегирад. Бо дастгирии Ҳукумати Ҷумҳурии Тоҷикистон соли равон дар деҳаи Хабости Ҷамоати деҳоти Қурбоншоҳ Гадолиев сохтмони муассисаи таълимии рақами 1 ба итмом расид ва навсозии мактаби рақами 6 идома дорад. Ҳамчунин, корҳои сохтмонӣ ҷиҳати анҷоми бунёди такягоҳҳои пули километри 42 - юми роҳи Хоруғ - Ҷавшангоз ба маблағи 700 ҳазор сомонӣ босуръат идома доранд.
Дар ноҳия ба тарбияи насли наврас, эҳёи ҳунарҳои мардумӣ ва таъсиси ҷойҳои нави корӣ таваҷҷуҳи хос зоҳир мегардад. Саҳми ҷавонон дар корҳои созандагию бунёдкорӣ рӯз ба рӯз  бештар мешавад. Дар давоми соли ҷорӣ 105 нафар ҷавони бешуғл ба касбомӯзӣ фаро гирифта шуда, 15 зани хонашин ҳунари адрасбофиро аз худ кардааст.
Сокинони ноҳияи Роштқалъа бо шукргузорӣ аз сиёсати бунёдкоронаи Пешвои муаззами миллат муҳтарам Эмомалӣ Раҳмон ва ғамхориҳои пайвастаи Ҳукумати мамлакат дар талоши онанд, ки барои рушду пешрафти ин гӯшаи зебои диёр, дар маҷмӯъ кишвари маҳбубамон - Тоҷикистони соҳибистиқлол ҳар чи бештар саҳмгузор бошанд.
Юсуф СУЛТОННОЁБОВ,
раиси ноҳияи Роштқалъа


Баёни ақида (0)    Санаи нашр: 30.11.2017    №: 245    Мутолиа карданд: 721
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед