logo

иҷтимоиёт

ТОҶИКИСТОН ВАТАНИ СЕБ

Мирзошоҳи Акобир соҳибкорест, ки дар ноҳияи Рашт ба эҳёи ҳунарҳои мардумӣ ва боғдорӣ машғул аст. Бобояш Акобир дар дараи Ясмани Ҷамоати деҳоти Ясман боғдори номӣ буд ва падараш Искандаршо нафарест, ки навъи себи хубониро аз хонаи кампири Хубон дарёфт намуда, тариқи пайванд дар водии Рашт паҳн кардааст.
Мирзошоҳ низ аз кӯдакӣ ба ниҳолпарварӣ  завқ дошт. Ӯ баъди хатми мактаби  миёнаи № 24 - и ноҳия  дар Совхозтехникуми  шаҳри  Қӯрғонтеппа ва баъдан дар Донишгоҳи аграрии Тоҷикистон таҳсил карда, соҳиби ихтисоси агроном – олим гаштааст.
Соли 1987 ба бунёди боғи ботаникӣ - фарҳангӣ шурӯъ карда, онро «Кӯҳсори аҷам» номид. Мақсад аз бунёди боғ ҷамъоварӣ ва нигоҳдории навъҳои маҳаллии дарахтони мевадиҳанда буд.
Ҳоло дар боғ 64 навъи себи маҳаллӣ, 36 муруд, 24 зардолу, бодом, олу, гелос, чормағз, ангур ва шафтолу нигоҳдорӣ ва парвариш мегардад. Ҳамасола дар ниҳолхона соле  6-7 ҳазор бех ниҳоли пайвандиро тайёр карда, ба фурӯш мебарорад.
Даромади фурӯши ниҳолро низ ӯ ба кори хайр сарф мекунад. Дар осорхонаи бунёдкардаи ӯ зиёда аз 2200 номгӯи нигора ва экспонати таърихию фарҳангӣ нигоҳдорӣ мешавад, ки  онҳо осори замони Юнону Бохтариҳо, ҷавшани замони Искандари Мақдунӣ, хуме, ки дар он устухони ҷасади инсон нигоҳдорӣ мешуд ва дастхатҳои нодири таърихи беш аз 2,5 ҳазорсоладошта мебошанд.
Дар заминаи боғи ботаникӣ - фарҳангиаш маркази ҳунармандӣ низ таъсис додааст, ки дар он маҳсули дасти 52 нафар ҳунарманди водӣ ба намоиш ва фурӯш бароварда мешавад.
Мирзошоҳ дар корҳои ободонию созандагии ноҳия низ ҳамеша саҳм мегузорад. 1,5 гектар боғи таҷрибавии назди муассисаи таҳсилоти миёнаи умумии № 24 ба маркази таълимӣ табдил ёфтааст. Яке аз амали хайри Мирзошоҳ ба масофаи 3,5 км хати об кашида, мардуми деҳаи Ҷафрро бо оби нӯшиданӣ таъмин кардан мебошад.
 - Тавассути заҳмат дар ин касб ман ба 24 давлати дунё сафар кардам, - мегӯяд ӯ. - Дар  ҳар як сафар мо тавонистем Тоҷикистонро ҳамчун ватани себ ва донишҳои мардумӣ муаррифӣ намоем. Соли 2014 дар яке аз сафарҳо ба давлати Ҷопон, ки дар он конфронси байналмилалӣ баргузор гардид, ман  оид ба гуногунии биологӣ  ва таъмини озуқаворӣ дар шароити дигаргуншавии иқлим баромад намудам. Ман ҳамаи ин дастовардҳоро аз фароҳам сохтани шароити ҳуқуқӣ ва муҳити озоди фаъолияти соҳибкорӣ мебинам, ки онро барои мо, соҳибкорон, Пешвои муаззами миллатамон фароҳам овардаанд.
Мо, ҳамеша саъй дорем, ки таҷрибаи худро аз доираи як водӣ ба сатҳи ҷумҳурӣ ва ҷаҳон расонем. Тоҷикистонро ҳамчун ватани себ муаррифӣ намоем, ки фикр мекунам, орзуи ҳар як фарди соҳибватан низ ҳамин ободии Тоҷикистони азиз аст.
Худодод ЗАЙНИДДИН,
«Ҷумҳурият»  


Баёни ақида (0)    Санаи нашр: 01.12.2017    №: 246    Мутолиа карданд: 755

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед