logo

фарҳанг

САФАРЕ БА ВОДИИ ФАЛҒАР

Инҷониб бо ҳамвандони водии Фалғар ҳанӯз аз ҷавонӣ ошно будам ва зодагони ин сарзаминро донишпарвар, бохирад, боистеъдод, меҳрубон ва нигаҳбони арзишҳои миллӣ дарёфтаам. Ба ин гӯшаи дидании кишвар гарчи бори нахуст сафар дошта бошам ҳам, шунидаҳоям аз гуфторҳои дӯстону ҳамдарсони зодаи ноҳияи Айнӣ маро низ яке аз фалғариён гардонда буд. Ҳангоми сафар ба самти диёри дар синаи кӯҳҳо ҷойгирифта дӯстонеро, ки ҳанӯз дар ҷавонӣ онҳоро донову нуктасанҷу некманиш дарёфта будам ва акнун ба мартабаҳои баланди эҷодиву илмӣ расидаанд, ба ёд овардам. Пеш аз ҳама Гулназарро, ин соҳиби  дили дарёиро, ки дар рӯзгорони сарбозӣ ва маъмуриятҳои хидматӣ бо ҳам будем ва ба бурди мо дар ин сайр ҳамроҳамон буд, Қурбон Восеъ, доктори илми филология, Мирзошоҳрух Асрорӣ, муовини раиси Ҳаракати ваҳдати миллии Тоҷикистон, янгаи гаронмоя Софиябону Носирова, хонуми дӯсти равоншодам шоир Ҳабибулло Файзулло ва чандин ошноёни дигари зодаи ин кӯҳсорони афсонавӣ пеши рӯ меомаданд. Ҳамзамон, эҳсоси сипос аз сардабири рӯзномаи «Ҷумҳурият» Қурбоналӣ Раҳмонзода  ва раиси ноҳияи Айнӣ Неъматулло Раҳматуллозода доштам, ки бо як оқиливу доноӣ, ҷамъбасти озмуни мақолаҳои беҳтарини ба забони тоҷикӣ бахшида ва дар рӯзнома чопгаштаро дар ноҳия ороста буданд ва бад – ин васила намояндагони илму адабро дар толори қасри фарҳанги ноҳия  гирд  оварда, як нишасти бисёр ҷолиби фарҳангиву адабӣ доир намуданд. Дар ин нишаст иштирокдорон аз суханони самимӣ ва расову баҷои фарҳехтагони адабиёти имрӯзи тоҷикон, Нависандаи халқии Тоҷикистон Абдулҳамид Самад, Шоирони халқии Тоҷикистон Гулназар Келдӣ, Ҳақназар Ғоиб, Муҳаммад Ғоиб, донишмандони овозаманд Бобо - Назар Ғафор, Муҳтарам Ҳотам ва дигар меҳмонон дар мавриди сиёсати оқилонаи давлатдории Пешвои миллат муҳтарам Эмомалӣ Раҳмон, нақши забони тоҷикӣ дар нигаҳдошти ҳувияти миллии тоҷикон баҳра бурданд.
Аз роҳандозии моҳиронаи ин озмун чунин бардошт кардам, ки мавзӯи ишғоли ҷойҳо на он қадар муҳим буд ва сабқате байни нигорандагони навишторҳои пажӯҳишӣ ба чашм намехӯрд. Ин нукта муҳим буд, ки дар рӯзномаи   обрӯманди «Ҷумҳурият», ғолибан доноёни забони тоҷикӣ ва овозамандони адабу дониши кишвар ширкат варзида, дар мақолаҳои таҳлилии хеш пажӯҳишҳо ва дарёфтҳои ноб ба чоп расонданд ва ин ҳунари аҳли эҷоди рӯзнома ва сардабири он шоистаи ситоиш ва ҷонибдорӣ мебошад.
Сипоси дигари ман аз роҳандозони ин ҳамоиш он аст, ки барои зиёрати мазори шоири чирасухани тоҷик Туғрал ва гулгузорӣ бар пояи тандиси устод Садриддин Айнӣ фурсат фароҳам оварданд.
Зафар МИРЗОЁН


Баёни ақида (0)    Санаи нашр: 01.12.2017    №: 246    Мутолиа карданд: 699

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед