logo

фарҳанг

ОСОРХОНАИ УСТОД АЙНӢ ГУФТАНИҲОИ НОГУФТА

Осорхонаи устод Садриддин Айнӣ дар ҳавлии № 1 - и кӯчаи Ҳамза Ҳакимзодаи пойтахт воқеъ гардида, аз соли 1963 фаъолият мекунад. Он аз маводи илмиву адабӣ ва таърихӣ хеле бой аст. Бо як тамошо аз ин макони фарҳангӣ метавон дар бораи тамоми давраҳои фаъолияти устод Садриддин Айнӣ маълумот пайдо кард.

Моҳшариф Табарова, ки 15 сол боз дар осорхона ба ҳайси сармуҳофиз фаъолият мекунад, оид ба марҳилаҳои ҳаёту эҷодиёти устод ва экспонатҳои осорхона ба мо қисса намуда,  баён дошт, ки баъд аз устод чанд муддат ҳамсарашон дар ин макон ба сар бурдааст.
Дар осорхона нигораҳои хеле нодир маҳфуз буда, он аз чаҳор толор иборат мебошад. Толори аввал ҳаёти тоинқилобии устодро инъикос карда, ҳуҷраи дуюм зиндагии баъди онро нишон медиҳад. Дар толори сеюм маводи ҷолиби даврони шӯравии устод Айнӣ гирд оварда шудааст. Ҳуҷраи чаҳорумро китобхона дар бар гирифта, зиёда аз ду ҳазор китобҳои гуногун вобаста ба ҳаёту фаъолияти эҷодии устод ҷамъоварӣ шудаанд. Асарҳои устод ба зиёда аз 35 забони халқҳои ҷаҳон тарҷума гардидаанд, ки намунаҳои онҳо низ дар китобхона гузошта шудааст. Ҳамчунин, онҷо асарҳои олимону муҳаққиқон низ ба назар мерасанд.
- Ба осорхона омадани донишҷӯён ба таври мавсимӣ сурат мегирад, ки ин моро на он қадар хурсанд менамояд. Танҳо дар моҳҳои сентябру октябр меоянду халос. Дар дигар ҳолатҳо сайёҳони хориҷӣ ва ягон – ягон сокинони пойтахт ташриф меоранд, - гуфт Моҳшариф Табарова. Бояд таъкид намуд, ки ба таври мавсимӣ мавриди таваҷҷуҳи тамошогарон қарор гирифтани осорхонаю маконҳои таърихиву фарҳангӣ боиси нигаронӣ ва таассуф аст. Дар ҳоле, ки чунин ҷойҳо аз таъриху фарҳанги бою ғании миллат дарак медиҳанд.
 Зимни мушоҳидаҳои худ дарёфтем, ки рафтану дидан як тараф, баъзан донишҷӯёну сокинони пойтахт, ки дар шафати осорхона ба сар бурдаву таҳсили илму фан менамоянд, аз мавҷуд будани он огаҳӣ надоранд. Ба гуфтаи донишҷӯ Усмон Розиқов, ӯ ҳар рӯз аз назди осорхона мегузарад, аммо намедонад, ки инҷо хона – музейи устод Айнист. Зеро ба дидан як бинои муқаррариеро мемонад, ки дар он ҳеҷ нишонае аз осорхона буданаш дарак намедиҳад, ба ҷуз як навиштаҷоти хурде, ки аз дохили ҳавлии он дар пештоқи дари бино ноаён овезон аст. Масъулони соҳаи фарҳангро мебояд нисбат ба осорхонаҳои шахсиятҳои бузург, ки дар онҳо фарҳанги асили тоҷик маҳфуз дошта мешавад, чораандешӣ намоянд. Муассисаҳои фарҳангӣ, хусусан осорхонаҳо бояд аз бинои муқаррарӣ фарқ кунанд, зеро ҳар меҳмоне, ки аз хориҷ дохили кишвари азизамон мегардад, аввал аз ин маконҳо дидан мекунад.
Қурбон АҲМАДЗОД, «Ҷумҳурият»


Баёни ақида (0)    Санаи нашр: 04.12.2017    №: 247    Мутолиа карданд: 578

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед