logo

фарҳанг

ҚАЛЪАИ МУҒ. НАВГОНИҲОИ ШАҲРИ КУҲАН

Офтоби нисфирӯзӣ нурҳои зарринашро  болои шаҳр мепошад. Гунбази зарҳалии Қалъаи Муғ  таҳти  таъсири шуоҳои бедареғи офтоб   бо  ҷилои зиёд  чашмҳоро дурахши   дигар мебахшад.

Рӯ ба рӯйи даромадгоҳи қалъа муҷассамаи қаҳрамони мардумӣ Рустамбек бо шаҳомати хос қомат афрохта ва меболад, ки таърих боз ба ин макони муқаддас нигоҳи марҳамати хеш дӯхтааст. Агар пайкаранигораҳои гӯшаи даромадгоҳ чун муаррихони зинда аз шуҷоату ҳимояти мардум бар муқобили ҳуҷуми Искандари Мақдунӣ то диловариҳои Рустамбек ҳикоят намоянд, дар канори дигар пайкаранигораҳои ҳайвонот  баёнгари табиати афсонавии диёранд.
Зинаҳои   мармарӣ шуморо сӯйи дарвозаи чӯбии қалъа, ки бо усули қадимӣ кандакорӣ шудааст, мебарад. Навои шӯху дилангези фаввораву шаршараҳои об гулҳои гуногуни гирду атрофро ба   рақс  медарорад.  Баробари ворид шудан ба қалъа  дидани раставу хонаҳо, ки дар гирдогирд бо усули омехтаи қадимаву муосир бино ёфтаанд,  касро шодиву нишот ва ҳайрат мефизоянд. Ҳар як раста, аз ҷумла оҳангарӣ, кордсозӣ, шонатарошӣ, кулолгарӣ, гаҳворасозӣ, аҷубасозӣ сухан аз таъриху тамаддуни  диёр мегӯяд.  Бояд гуфт, ки корвони ҳунарро мардуми ин сарзамин аз умқи қарнҳо то инҷониб насл ба насл овардаанд. Андар ин коргоҳҳо ҳунармандон ба истеҳсол машғуланд. Ҳамзамон дастранҷи худро ба намоишу фурӯш гузоштаанд. Сайёҳону сокинон аз ҳунарҳои мардумӣ  намунаеро барои ёдгорӣ мегиранд.     
Амфитеатри дорои 5100 ҷойи нишаст  дар миёна  ҷой гирифтааст. Дар он ҷашнҳои милливу давлатӣ бо шукӯҳу шаҳомати хосса баргузор мегардад. Осорхонаи таърихӣ - кишваршиносии  қалъа чун ифодагари таърихи  шаҳр арҷгузории имрӯзиёнро ба гузаштагони худ баён менамояд. Дар ин ҷо нигораҳои таърихӣ, аслиҳаҳои ҷангӣ, асбобҳои хоҷагӣ, тангаҳои филизӣ, кӯзаву хумҳо, косаву табақ, либосҳои мардонаву занона, дастхатҳои қадима ва ғайра ба тамошо гузошта шудаанд.  
Имрӯзҳо барои ин гуна симо гирифтани маҷмааи таърихӣ - фарҳангии  Қалъаи Муғ корҳои сохтмониву азнавсозӣ бомаром ҷараён дорад. Аз ҷумла, таҳкурсии девори гирдогирди қалъа аз бетону арматур рехта  шуда, устоҳои моҳир ба чидани хиштҳо пардохтаанд.
Қаюм Ҳомидов, корманди масъул дар масъалаи сохтмону азнавсозии маҷмааи таърихию фарҳангии Қалъаи Муғ, зикр дошт, ки дар даромадгоҳи қалъа барои беш аз 100 мошини сабукрав истгоҳ бунёд гардида, зинаҳо бо санги мармар, атрофи даромадгоҳ ва дохили маҷмаа бо шаршараҳо, фаввораҳо, гулҳои рангоранги ороишӣ ва чароғҳо  зинат дода мешаванд.
Дар қалъа барои растаҳои ҳунармандон, марказҳои хизматрасонӣ, инчунин, муаррифӣ намудани урфу одати мардуми шаҳр, хонаҳои миллӣ зиёда аз 90 ҳуҷра ҷой дода мешавад. Дарозии девори гирдогирди қалъа 540 метр буда, боми растаҳо ҳамчун роҳрав хизмат менамояд.
Тавре директори ҶДММ «Камарбанд» Диловар Расулов баён намуд, барои сари вақт ва босифат бунёд намудани маҷмаа наздики 100 нафар дар як баст меҳнат менамояд.
Воқеан, эҳёи Қалъаи Муғ ормони деринаи мардуми ҳунарманди шаҳри бостонист.
Алишер РАҲМОНӢ,
шаҳри Истаравшан


Баёни ақида (0)    Санаи нашр: 04.12.2017    №: 247    Мутолиа карданд: 779

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед