logo

иҷтимоиёт

МАРКАЗИ ТАЪЛИМИ КАЛОНСОЛОН. СЕ САМТИ ФАЪОЛИЯТ

Давоми нуҳ моҳи соли равон дар Маркази таълими калонсолон ва филиалҳои он 30412 нафар шаҳрванд ба тайёрии касбӣ ва шаҳодатномакунии малакаи касбӣ фаро гирифта шуд. Аз ин шумор 11578 нафар  тавассути маблағҳои Барномаи давлатии мусоидат ба шуғли  аҳолии Ҷумҳурии Тоҷикистон касбу ҳунар омӯхт.

Бо вуҷуди ин, муассисаҳои таълимии касбии кишвар бо сабабҳои  гуногун, аз ҷумла маҳдуд будани имкони қабул ҳанӯз ҳам наметавонанд ҳамаи захираҳои меҳнатиро ба таҳсил фаро бигиранд. Дар натиҷа, ҳамасола ҷавонони зиёди бе  касб  вориди бозори меҳнат мешаванд, ки ин ҳолат, дар навбати худ, метавонад ба рушди шуғл дар  кишвар таъсири манфӣ расонад. Дар ҳалли ин мушкил Маркази таълими калонсолон ҷиҳати касбомӯзӣ ва боло бурдани малакаву маҳорати касбии захираҳои меҳнатии кишвар нақши муҳим дорад.
Ҳадафи асосии фаъолияти марказ, пеш аз ҳама, баланд бардоштани савияи  касбии шаҳрвандон, бахусус муҳоҷирони меҳнатӣ тавассути омӯзиш, бозомӯзӣ, такмили ихтисос, валидатсия  мебошад.
Бино ба иттилои Шукурулло Салимов, муовини директори Маркази таълими калонсолон, ҳоло дар шаҳру навоҳии кишвар маркази мазкур 34 филиал дорад. Дар онҳо шаҳрвандон  мувофиқи талаботи бозори меҳнат касбҳои гуногунро аз қабили кафшергар, нозири барқ, сантехник, харрот, челонгари мошин, бинокор, дуредгар, сангтарош, заргар, тарроҳ, ороишгари мӯю рӯй, муҳосиб, ошпаз, қаннод, оператори алоқа, барномасозӣ  аз худ менамоянд.
Ба хотири ҷалби бештари шаҳрвандон ба касбомӯзӣ дар ноҳияҳое, ки филиалҳо фаъол нестанд, 23 намояндагии онҳо ташкил шудаанд. Дар  марказ ва филиалҳои он шаҳрвандон имкон доранд 76 навъи касбро аз худ намоянд. Интихоби касб озод буда, мувофиқи талаботи бозори меҳнатии минтақаҳо роҳандозӣ шудааст. Масалан, дар ноҳияҳои Тоҷикобод ва Рашт дар баробари дигар касбу  ҳунарҳо, боғдорӣ, занбӯриасалпарварӣ, коркарди меваю  сабзавот низ омӯзонда мешавад, зеро бозори меҳнати минтақа ин касбҳоро талаб мекунад.
- Марказ аслан се самти фаъолият дорад, - мегӯяд Шукурулло Салимов. - Самти аввал ин тавассути роҳхати агентии меҳнат ва шуғли аҳолии шаҳру ноҳияҳо ба касбомӯзӣ ҷалб намудани шаҳрвандон мебошад. Чунин нафарон аз ҳисоби маблағҳои буҷетӣ ба касбомӯзӣ ҷалб мегарданд. Онҳо нафароне ҳастанд, ки аз ҷониби мақомоти шуғли аҳолӣ ҳамчун шахсони бекасб ба қайд гирифта шудаанд ва тибқи роҳхати ин мақомот ба марказ барои касбомӯзӣ меоянд.
Самти дувум ин касб омӯхтан ба шаҳрвандон тавассути маблағи худи онҳо мебошад. Муҳлати омӯзиш се моҳро дар бар мегирад. Интихоби касб дар ин маврид барои касбомӯзон озод аст.
Самти сеюми фаъолият валидатсиякунӣ, яъне эътирофи  расмии салоҳияти касбии шаҳрванд, ки дар шароити ғайрирасмӣ ба даст овардаанд, мебошад. Яъне, шаҳрванд аллакай ин ё он касбро омӯхтааст ва дигар ба хондан эҳтиёҷ надорад.  Барои чунин нафарон дар марказ барномаи алоҳида дар ҳудуди 36 соати дарсӣ муайян гардидааст. Баъд аз хондани ин дарсҳо ба таври гирифтани санҷиши назариявию амалӣ шаҳодатномаи касбӣ дода мешавад».
Марказ ва филиалҳои он дорои пойгоҳи хуби техникӣ, аз ҷумла синфхонаҳои компютерӣ, озмоишгоҳҳои таълимӣ доир ба ихтисосҳои таъмири асбобҳои рӯзгор, сантехник, кафшергари барқӣ ва газӣ, қаннодӣ, сартарош, ороишгар, рӯзгордории ҷавобгӯи стандартҳои байналмилалӣ мебошад. Шаҳодатномаҳое, ки баъди азхудкунии ин ё он касб ба шаҳрвандон дода мешавад, дар дохилу хориҷ  эътироф мегарданд.
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр: 04.12.2017    №: 247    Мутолиа карданд: 536

17.07.2018


Мулоқоти Қоҳир Расулзода ва Абдулло Орипов дар Фарғона

Ҷаласаи мушовараи мақомоти корҳои дохилӣ баргузор шуд

Ҷумҳурии Мардумии Чин дар Тоҷикистон 3 мактаби нав месозад

Мунтахаби Тоҷикистон – ғолиби мусобиқаи Ҷоми шаҳрдории Остона

Ҷаҳон дар як сатр

Путин гуфтушунид бо Трампро бобарор номид

Трамп аз натиҷаҳои вохӯриаш бо Путин нақл кард

Ҳалокати мардуми осоиштаи афғон дар ҳоли афзоиш аст

Ҳангоми чемпионати ҷаҳон 25 миллион киберҳамла пешгирӣ шуд

16.07.2018


Мулоқоти Сироҷиддин Муҳриддин бо Пратибҳа Меҳта

Машварати муовинони вазирони корҳои хориҷии кишварҳои аъзои СҲШ

Баррасии тақвияти ҳамкориҳо бо Бонки ҷаҳонӣ

РОҒУН. Бунёди иншооти нав ба муносибати 30-солагии Истиқлолияти давлатӣ

ФАРОНСА – чемпиони ҷаҳон

Ҷаҳон дар як сатр

Трамп ҷонибдори роҳандозии муносибот байни ИМА ва Британия бо Русия ва Чин аст

Чин соли 2020 «қудрати донорӣ» мешавад

Нахустин дар ҷаҳон рентгени сеҷонибаи ранга сохта шуд

Дар Дачжоу писарчаи аз ошёнаи бистум афтода наҷот ёфт

13.07.2018


Мулоқоти Сироҷиддин Муҳриддин ва Ясмин Гуедар

Баррасии Барномаи дастгирии рушди неруи инсонӣ

Баргузории конфронси «Ҳунарҳои мардумӣ: эҳё, ҳолат, рушд ва дурнамо»

Пирӯзии теннисбози тоҷик дар ИМА

ҶАҲОН ДАР ЯК САТР

Дар СҲШ зарурати тақвияти мубориза алайҳи терроризмро таъкид карданд

Трамп: «Путин рақиби ман аст, лек метавонад дӯст гардад»

Русия сазовори ҷоми макроиқтисодии ҷаҳон шуд

Бонки ҷаҳонӣ: «Бесаводии духтарҳо $30 триллион зарар меорад»

12.07.2018


Мулоқоти Сироҷиддин Муҳриддин ва Чари Атаев

Боздиди Прокурори генералӣ аз Бадахшон

Форуми ҷумҳуриявӣ дар Хоруғ ҷавононро ба ҳам меорад

Озмун бахшида ба Соли рушди сайёҳӣ ва ҳунарҳои мардумӣ

ДАНҒАРА. Ҷамъоварии ҳосили фаровони ғалла

Ҷаҳон дар як сатр


Дар сомонаҳои дигари Тоҷикистон хонед