logo

фарҳанг

АЗ "АГАР" ТО "АММО"

Дар бораи китобхонаҳои аз мадди назари масъулон дур «Ҷумҳурият», 27 сентябри соли 2017
Мақомоти иҷроияи маҳаллии ҳокимияти давлатии шаҳри Қӯрғонтеппа барои рушди яке аз самтҳои муҳими сиёсати имрӯзаи Ҳукумати Ҷумҳурии Тоҷикистон – фарҳанг мунтазам тадбирҳо меандешад.

Дар заминаи фароҳам омадани фазои мусоид барои рушди соҳа ва эҳёи арзишҳои фарҳангии миллӣ заминаи моддию техникии муассисаҳои фарҳангии шаҳри Қӯрғонтеппа зина ба зина устувору ғанӣ гардида истодаанд.
Китобхонаи марказонидашудаи шаҳр аз соли 1938 фаъолияташро оғоз намуда, бо як китобхонаи бачагона ва панҷ филиал фаъолият намуда истода, ҷамъи китобҳояш 46 118 нусхаро ташкил медиҳад. Дар давоми се соли охир ба миқдори 15 000 сомонӣ китобҳои тозанашр харидорӣ шудааст, ки аксарияти онҳо бо забони давлатӣ мебошанд. Тибқи талаботи барномаҳои амалкунандаи соҳа, китобхона бо компютер таъмин гардида, барои таъмиру тармими бинои он тадбирҳо андешида истодаем.
Мақомоти иҷроияи маҳаллии ҳокимияти давлатии шаҳри Қӯрғонтеппа дар оянда низ барои ба талаботи рӯз ҷавобгӯ намудани фаъолияти китобхонаҳо, ҷалби бештари хонандагон ва харидории асарҳои тозанашр аз тамоми имкониятҳо самаранок истифода менамояд.

А. ИСМОИЛЗОДА,
раиси шаҳри Қӯрғонтеппа

***
Мақомоти иҷроияи маҳаллии ҳокимияти давлатии ноҳияи Панҷ низ мақолаи мазкурро мавриди омӯзиш ва таҳлил қарор дод. Вобаста ба масъалаи зикршуда ба иттилоатон мерасонем, ки дар ноҳия теъдоди китобхонаҳо 18 ададро ташкил медиҳад, аз ҷумла 1 китобхонаи марказӣ, 1 китобхонаи бачагона ва 16 китобхонаҳои оммавӣ дар ҷамоатҳои деҳот фаъолият доранд.

Хазинаи умумии китоб дар онҳо 71400 нусхаро ташкил медиҳад, ки аз ин ҳисоб 26165 нусха ба забони тоҷикӣ, 38507 нусха ба забони русӣ мебошад.
Соли 2016 аз ҳисоби буҷети маҳаллӣ барои харидории китобҳои тозанашр 1000 сомонӣ маблағ ҷудо гардида, аз ҳисоби Вазорати фарҳанги Ҷумҳурии Тоҷикистон 50 нусха китоб ворид шуд.
Китобхонаи марказии ноҳия бо компютер ва принтер таъмин аст.
Мақомоти иҷроияи маҳаллии ҳокимияти давлатии ноҳия ҷиҳати бартарафсозии камбудиҳои дар мавод баёнгардида аз тамоми имкониятҳои мавҷуда истифода намуда, кӯшиш ба харҷ медиҳад, ки дар оянда бобати дастгирӣ намудани фаъолияти самараноки китобхонаҳо амалҳои саривақтиро роҳандозӣ намояд.

М. САЙФУДДИНЗОДА,
раиси ноҳияи Панҷ

***
Мақомоти иҷроияи маҳаллии ҳокимияти давлатии ноҳияи Қубодиён ҳам иттилоъ медиҳад, ки дар ноҳия мавод мавриди баррасӣ қарор гирифт.

Бо мақсади баланд бардоштани сатҳи хизматрасонӣ ба аҳолӣ дар бахши фарҳангӣ дар назди мақомоти иҷроияи маҳаллии ҳокимияти давлатӣ 4 маркази фарҳангӣ – фароғатӣ, 18 китобхонаи оммавӣ (деҳотӣ), 1  осорхонаи таъриху кишваршиносӣ, 1 мактаби бачагонаи санъат фаъолияти самарабахш намуда истодаанд.
Маврид ба зикр аст, ки дар ноҳия ба масъалаи фароҳам овардани шароити мусоид ҷиҳати таъмини фаъолияти пурсамари китобхонаҳои оммавии деҳот ва ҷалби бештари аҳолӣ ба китобхонӣ аҳамияти махсус зоҳир карда мешавад. Соли ҷорӣ ба китобхонаҳои ноҳия 70 адад асарҳои тозанашр ворид шуд. Айни замон, фонди китобхонаҳои оммавӣ 45247 ададро ташкил медиҳад.
Мақомоти иҷроияи маҳаллии ҳокимияти давлатии ноҳияи Қубодиён фаъолияти муассисаҳои фарҳангӣ, бахусус китобхонаҳои оммавии деҳотро дар самти фароҳам овардани шароити мусоиди корӣ таҳти назорати доимӣ қарор дода, баҳри баланд бардоштани сатҳи фарҳанги аҳолии ноҳия чораҳои амалӣ меандешад.

З. ФАЙЗУЛЛОЗОДА,
раиси ноҳияи Қубодиён

***
Мақомоти иҷроияи маҳаллии ҳокимияти давлатии ноҳияи Мир Сайид Алии Ҳамадонӣ хабар медиҳад, ки мақолаи мазкур дар машварати кории назди раиси ноҳия мавриди баррасӣ қарор гирифт. Дар ноҳия ҷиҳати дуруст ба роҳ мондани иҷрои масъалаҳои дар матлаб дарҷгардида чораандешӣ намуда, ба масъулини соҳа ва иҷрокунандагон дастуру супоришҳо дода шуд.

Нақши китобхонаҳои оммавӣ дар баланд бардоштани сатҳи маънавиёти шаҳрвандон, тарбияи ҳисси ватандӯстӣ, хештаншиносӣ, ифтихори миллӣ, тарғиби сулҳу ваҳдат ва якпорчагии Тоҷикистон калон аст. Айни ҳол, дар ноҳия 19 китобхонаи оммавӣ ба меҳнаткашон хизмати фарҳангӣ мерасонад. Фонди умумии онҳо 98205 ададро ташкил медиҳад. Теъдоди китобҳои тозанашр дар соли 2017 аз ҳисоби Китобхонаи миллӣ - 1000, нашриёти «Адиб» - 120, «Ирфон» - 56, «Нашриёти бачагона» - 52 адад, ҷамъ 1228 китоб афзун гардид.
То аввали соли равон аз 19 китобхонаи оммавӣ 5 - тои он дар ҳолати ногувор қарор дошт. Бо дастгирии мақомоти иҷроияи маҳаллии ҳокимияти давлатии ноҳия дар ин муддат ду китобхона ба бинои нав гузаронда шуд. Дар назар аст, ки дар ояндаи наздик нисбати бо бинои нав таъмин кардани китобхонаҳои дигар низ чораандешӣ шавад. Ҳамчунин, дар доираи Барномаи давлатии компютеркунонии китобхонаҳои давлатию оммавӣ 14 адад компютер ва 11 принтер ба маблағи 44000 сомонӣ харидорӣ гардид.
Мақомоти иҷроияи маҳаллии ҳокимияти давлатии ноҳияи Мир Сайид Алии Ҳамадонӣ минбаъд ҳам ҷиҳати таъмини иҷрои сиёсати фарҳангии Ҳукумати Ҷумҳурии Тоҷикистон ба рушди фаъолияти китобдорӣ, харидории китобҳои тозанашр, компютеркунонии китобхонаҳо, таъмини онҳо бо мутахассисони соҳавӣ тадбирҳои заруриро амалӣ месозад.

А. ВАЛИЗОДА,
раиси ноҳияи Мир Сайид Алии Ҳамадонӣ

***

Мақолаи мазкур аз ҷониби роҳбарияти ноҳияи Фархор низ мавриди баррасӣ қарор дода шуд. Вобаста ба ин, қайд менамоем, ки айни ҳол дар ноҳия шумораи  умумии муассисаҳои фарҳангӣ ба 44 адад расидааст, ки аз ин шумора як китобхонаи марказӣ ва 19 адад китобхонаҳои оммавӣ мебошанд. Шумораи китобҳо 121289 ададро ташкил дода, 34784 - тои он дар китобхонаи марказии ноҳия ҷой доранд.

Давоми соли 2017 402 адад китобҳои тозанашр ба китобхонаҳо ворид шуд. Дар доираи имкониятҳои мавҷуда ҳамасола барои хариди китобҳо маблағҳои зарурӣ ҷудо карда мешавад. Дар соли 2017 2500 сомонӣ барои харидории китобҳои тозанашр ҷудо ва харҷ карда шудааст.
Шумораи муштариён дар китобхонаи марказӣ 3427 нафар ва дар китобхонаҳои деҳот 16232 нафарро ташкил медиҳад.
Мақомоти иҷроияи маҳаллии ҳокимияти давлатии ноҳияи Фархор дар оянда низ ҷиҳати ҳалли мушкилоти дар соҳаи фарҳанг ҷойдошта тадбирҳои заруриро тарҳрезию роҳандозӣ намуда, барои рушд ёфтани соҳа ва бо кадрҳои лаёқатманду соҳибмаълумот таъмин намудани китобхонаҳо мусоидат хоҳад намуд.

С. ВАЛИЗОДА,
раиси ноҳияи Фархор

***
Мақомоти иҷроияи ҳокимияти давлатии шаҳри Кӯлоб ба самъи шумо мерасонад, ки дар шаҳру ноҳияи Кӯлоб 24 китобхонаи шабакавӣ амал мекунад. Филиали китобхонаи марказӣ дар Ҷамоати деҳоти Даҳана бо маблағгузории мақомоти иҷроия таъмир гардида, бо мизу курсӣ ва 400 адабиёти бадеӣ  таъмин гардид. Таъмири филиали китобхонаи деҳаи Ҳакимободи Ҷамоати деҳоти Зиракӣ оғоз гардида, рӯзҳои наздик ба истифода дода мешавад.

Ҳамин тавр, марҳила ба марҳила китобхонаҳои деҳаҳои Хонаобод ва Тоқакаппаи Ҷамоати деҳоти Даҳана, Саросиёб ва Офтоблиқои Ҷамоати деҳоти Зарбдор аз таъмир бароварда мешаванд.
Аз оғози сол то имрӯз ба хазинаи китобхонаҳои шаҳру ноҳия 1094 нусха, аз ҷумла 1000 китоб аз Китобхонаи миллии Тоҷикистон, 84 нусха китоб ба маблағи 3599 сомонӣ аз Корхонаи воҳиди давлатии таъминот ва савдои китоби Ҷумҳурии Тоҷикистон ба таври ройгон ва аз  дигар шахсон ҳамчун туҳфа дохил шудааст.
Дар китобхонаи марказӣ 5 компютер (3 адад дар филиали китобхонаи № 4 – и шаҳри Кӯлоб, 1 компютер дар китобхонаи  деҳаи Зиракии Ҷамоати деҳоти Зиракӣ, 1 - то дар филиали китобхонаи деҳаи  Мирапоқи  Ҷамоати деҳоти Даҳана) мавҷуд аст.
Камбудиҳо низ дар соҳа ҷой доранд, аз ҷумла то имрӯз 3 китобхона (маҳаллаҳои Кӯҳдомани шаҳри Кӯлоб, деҳаҳои Мирапоқи Ҷамоати деҳоти Даҳана ва Чорбоғи Ҷамоати деҳоти Кӯлоб) дар хонаҳои шахсӣ ҷойгир  шудаанд.
Мақомоти иҷроияи маҳаллии ҳокимияти давлатии шаҳри Кӯлоб бо кормандони васоити ахбори омма пайваста дар ҳамкорӣ буда, камбудиҳои аз ҷониби рӯзноманигорон  ошкоршударо баррасӣ ва ислоҳ менамояд. 
С. СИТАМОВ,
мудири бахши иттилооти мақомоти иҷроияи ҳокимияти
давлатии шаҳри Кӯлоб


Баёни ақида (0)    Санаи нашр: 04.12.2017    №: 247    Мутолиа карданд: 698

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед