logo

иқтисод

ДАРВОЗ. РӮ БА РУШД

Қонуни конститутсионии Ҷумҳурии Тоҷикистон «Дар бораи мақомоти иҷроияи ҳокимияти давлатӣ» барои самаранокии фаъолияти корхонаю идораҳои давлатии Вилояти Мухтори Кӯҳистони Бадахшон ва тамоми шаҳру ноҳияҳои ҷумҳурӣ ба ҳайси роҳнамо қабул шудааст. Амалисозии ин ҳуҷҷати муҳим дар ноҳияи Дарвоз дар кадом сатҳ қарор дорад? Раиси ноҳия, узви Маҷлиси миллии Маҷлиси Олии Ҷумҳурии Тоҷикистон Абдураҳмонзода Саидбурҳон Саидраҳмон  атрофи ин ва чанд масоили дигари рушд чунин ибрози назар намуд:
- Сокинони Дарвози бостонӣ имрӯз ҳам таҳти таассуроти нек ва рӯҳбахш аз дидор ва мулоқот бо Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор доранд. Сарвари давлат дар сафари навбатиашон ба ноҳия, ки моҳи август баргузор гардид, як қатор иншооти дорои аҳамияти иқтисодӣ ва иҷтимоиро мавриди истифода қарор дод ва ба корҳои азнавсозии роҳи байналмилалии Кӯлоб – Дарвоз - Хоруғ – Кулма дар қитъаи Шкев ҳусни оғоз бахшиданд.
Вазъи иқтисодию иҷтимоии ноҳияи Дарвоз чун дигар минтақаҳои кишвар дар доираи татбиқи барномаҳои минтақавӣ ва соҳавии Ҳукумати мамлакат дар ҳоли  рушд аст. Дар нуҳ моҳи соли ҷорӣ даромади буҷети ноҳия аз ҳисоби истеҳсоли барзиёди маҳсулоти саноатӣ, кишоварзӣ, гардиши моли чакана ва хизматрасонии пулакӣ ба маротиб зиёд шудааст. Ин аз он шаҳодат медиҳад, ки ноҳияи Дарвоз низ дар роҳи амалисозии ҳадафҳои стратегии давлату Ҳукумат – раҳоӣ аз бунбасти коммуникатсионӣ ва ба кишвари транзитӣ табдил додани Тоҷикистон, расидан ба истиқлолияти энергетикӣ ва таъмини амнияти озуқаворӣ қадамҳои устувор гузошта истодааст.
Шоҳроҳи  аср – Душанбе – Кӯлоб – Хоруғ – Қароқурум қариб ҳамаи  деҳоти  ноҳияро (ғайр аз Сағирдашт) убур мекунад. Дар заминаи бунёду азнавсозии роҳҳо, дар деҳот ва маркази ноҳия даҳҳо нуқтаҳои хизматрасонӣ, амсоли ошхонаву меҳмонхона, нуқтаҳои фурӯши маводи ниёзи мардум, нуқтаҳои таъмини сӯзишворӣ, таъмиру шустушӯйи мошинҳо ва ғайра ташкил шудаанд.
Айни замон, дар ҳудуди ноҳия 20 хоҷагии деҳқонии коллективӣ, як хоҷагии ҷамоавӣ ва 521 хоҷагии инфиродию оилавӣ фаъолият доранд. Камзаминии ноҳияро ба инобат гирифта, ба самаранок истифода бурдани ҳар ваҷаби он диққати асосӣ медиҳанд. Бо вуҷуди нисбатан дертар омадани баҳори имсола, кишту кор дар ҳамаи хоҷагиҳо сари вақт анҷом ёфт ва ҷамъоварии ҳосил моҳи сентябр ба охир расид. Айни ҳол, деҳқонон ба ҷамъоварии ҳосили такрорӣ машғуланд. То имрӯз қариб 2 ҳазор тонна картошка, зиёда аз 600 тонна сабзавот ҷамъоварӣ шудааст. Дар соҳаҳои боғдорию чорводорӣ низ натиҷаҳо хубанд. Имрӯз ноҳия бо лимӯву анор, анҷир ва хурмои хуштамъаш дар ҷумҳурӣ шинохта аст ва мо бо роҳи васеъ кардани майдонҳои ситруспарварӣ истеҳсоли ин навъи  меваҷотро сол ба сол зиёд карда истодаем.
Дар бахшҳои иҷтимоӣ, аз ҷумла маориф, тандурустӣ ва фарҳанг низ пешравиҳо назаррасанд. Бо беҳтар шудани базаи моддӣ – техникӣ сатҳи таълиму тарбия дар муассисаҳои таълимӣ ва хизматрасонии тиббӣ ба аҳолӣ дар муассисаҳои табобатӣ беҳтар мегардад. Албатта, камбудиҳо  низ ҷой доранд. Дар муассисаҳои таълимӣ омӯзгорони фанҳои дақиқ намерасанд, муассисаҳои табобатӣ аз духтурони баландихтисос танқисӣ мекашанд. Барои аз байн бардоштани ин мушкилот дар ҳамкорӣ бо сохторҳои вилоятиву ҷумҳуриявӣ чораҳои мушаххас роҳандозӣ  мешаванд, бо дастуру супоришҳои Сарвари давлат барои  таҳсили довталабон дар муассисаҳои олии кишвар миқдори Квотаи президентӣ бештар гардид, ки он ба ҳалли масъалаи таъминот бо кадрҳои соҳибихтисос мусоидат мекунад. Ҳамчунин, бо назардошти шароити ҷуғрофии водии Сағирдашт ва ниёзи муассисаҳои он ба мутахассисони ботаҷриба махсус барои довталабони ин ҷамоат ба таври илова боз 18 квота барои дохилшавӣ ба мактабҳои олӣ ва коллеҷҳои тиббии ҷумҳурӣ  ҷудо карда шудааст.
Дар мақомоти иҷроияи маҳаллии ҳокимияти давлатии ноҳияи Дарвоз ба  масъалаи муроҷиати  шаҳрвандон, ҳалли мушкилоти онҳо ва фароҳам сохтани шароити хуб барои кору рӯзгорашон таваҷҷуҳи махсус зоҳир мегардад. Дар нуҳ моҳи соли ҷорӣ ба дастгоҳи раиси ноҳия зиёда аз 900 муроҷиати хаттии шаҳрвандон ворид шуд. Бештари муроҷиатҳо мусбӣ ҳал шуданд. Дар рӯзҳои қабул аз тарафи раиси ноҳия, муовинон ва роҳбари дастгоҳ 211 нафар шаҳрванд қабул карда шуда, дар доираи қонун ва имкониятҳои мавҷуда арзу муроҷиати онҳо ҳаллу фасл гардид. Аз 64 нафар хизматчии давлатӣ, ки дар дастгоҳи раиси ноҳия ва сохторҳои воҳиди давлатии мақомоти ноҳия кор мекунанд, 37  нафар аз аттестатсияи навбатӣ гузаштанд. Айни  замон,  кӯшиш  дорем, ки аз ҳисоби занону духтарони фаъол дар ҳамаи сатҳҳои хизмати давлатӣ кадрҳои ҷавонро ба кор қабул кунем. Азбаски чунин занону  духтарон  дар  ноҳия зиёданд, бовар аст, ки дар ин самт дар кӯтоҳтарин вақт муваффақ  мегардем.
Раҳмони  ГУЛЗОР,  “Ҷумҳурият”


Баёни ақида (0)    Санаи нашр: 05.12.2017    №: 248    Мутолиа карданд: 639

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед