logo

иқтисод

СОЛИ 2018. ОҒОЗИ ФАЪОЛИЯТ ДАР ҶОДАИ ҲАЛЛИ МАСОИЛИ ОБ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо иқдоми пешгирифтаи хеш тавонистанд таваҷҷуҳи ҷомеаи ҷаҳонро ба мушкилоти об бештар ҷалб намуда,  дар заминаи он гузарондани ҳамоиш, конфронсу симпозиумҳои байналмилалии сатҳи баланд, актуалӣ будани масъалаи обро дар ҷаҳон  арзёбӣ кунанд. Ҳарчанд дар доираи Ҳадафҳои рушди ҳазорсола ва ташаббусҳои Тоҷикистон дар ҳалли масоили об пешрафт зиёд бошад, вале дар миқёси ҷаҳон ҳанӯз проблемаҳои вобаста ба об зиёданд. Тақрибан 1 миллиард нафар аҳолии ҷаҳон ба оби тоза дастрасӣ надоранд. Дар ҷумҳурӣ бештар сокинони деҳот аз норасоии об танқисӣ мекашанд.
Ин ва дигар масъалаҳои муҳим вобаста ба об дар конфронси ҷумҳуриявии илмию амалии Маркази тадқиқоти стратегии назди Президенти Ҷумҳурии Тоҷикистон ва Маркази исломшиносии ҷумҳурӣ дар чаҳорчӯбаи тартиботи мавҷудаи муҳокимаҳои васеъ оид ба Даҳсолаи байналмилалии амал «Об барои рушди устувор» барои солҳои 2018 - 2028 баргузор гардид, мавриди баррасӣ қарор гирифтанд.
Соли 2018, ки оғози татбиқи барномаи даҳсола барои расидан ба ҳадафҳои рушди устувор мебошад, аз тамоми сохторҳои давлатӣ ва ташкилоту муассисаҳои дохилию хориҷӣ дар роҳи ислоҳоти куллӣ, пеш аз ҳама, дар соҳаи об масъулияти баланд ва кори пурмаҳсул талаб карда мешавад. Дар ин бора Анатолий Холматов, ҳамоҳангсози гурӯҳи кории Вазорати энергетика ва захираҳои оби Ҷумҳурии Тоҷикистон, иброз намуд, ки ислоҳот дар доираи ҳадафҳо ва Барномаи ислоҳоти соҳаи оби Ҷумҳурии Тоҷикистон барои солҳои 2016 – 2025 бо таҳияи қонунҳо ва дастурамали вобаста ба оби нӯшоӣ, беҳдошти замин, тарифҳои бахши таъминот бо об, хусусан дар деҳот, фаъолияти ассотсиатсияҳои истифодабарандагони об, андозбандӣ ва таҳияи Кодекси нави оби Ҷумҳурии Тоҷикистон дар назар дошта шудааст. Ғайр аз ин, аз оғози фаъолияти даҳсола диққати  бештар ба гузарондани мониторинг ва чорабиниҳои омӯзишӣ, барқарорсозии инфрасохтори бахши коммуналӣ ҷиҳати камсозии талафи об, захира ва таъминоти аҳолии деҳот бо оби тозаи нӯшоӣ бо маблағҳои буҷетӣ 69,2 миллион сомонӣ ва сармоягузории хориҷӣ 1,8 миллиард сомонӣ равона карда мешавад. 
Азбаски манбаи таъминоти аҳолӣ бо оби тозаи ошомиданӣ пиряхҳо мебошанд,  масоили ҳифз ва нигоҳдории онҳо муҳим арзёбӣ гардид.
- Мушкили асосӣ набудани имконият барои гузарондани мониторинги пиряхҳо, ки ҳанӯз солҳои 50 – уми асри гузашта натиҷаи дақиқ доштанд, ба ҳисоб меравад. Алъон барои омӯзиш ва пайваста назорат бурдани пиряхҳо пажӯҳиши илмию амалӣ зарур аст, - гуфт Зайналобуддин Кобулиев, директори институти масъалаҳои об, гидроэнергетика ва экологияи Академияи илмҳои Ҷумҳурии Тоҷикистон.
Номбурда пешниҳод мекунад, ки  дар баробари амалисозии барномаҳои давлатии ҳифзу нигоҳдории пиряхҳо ва тайёр кардани мутахассисони баландпоя зарурати таъсиси институти алоҳидаи пиряхшиносӣ пеш омадааст. Зеро тағйирёбии иқлим ба пиряхҳо таъсири манфӣ расонда, боиси сол ба сол зиёд шудани офатҳои табиӣ гардидааст. Аз ин рӯ, фаъолият ва назорати институти пиряхшиносӣ ва марҳила ба марҳила бунёди неругоҳҳои хурди барқӣ дар минтақаҳои кӯҳистон гармиро муътадил нигоҳ дошта, хавфи сар задани офатҳои табииро коҳиш медиҳад.
О. ВАФОБЕК, «Ҷумҳурият»


Баёни ақида (0)    Санаи нашр: 05.12.2017    №: 248    Мутолиа карданд: 1035
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед