logo

туризм

САЙЁҲӢ. ТАЪМИНИ ИМТИЁЗҲОИ ҚОНУНӢ ДАР ИН САМТ

Тоҷикистон ҳамчун кишвари рӯ ба тараққӣ имрӯзҳо аз манбаъҳои гуногуни рушди иқтисодиёт самаранок баҳра мегирад. Яке аз чунин манбаъҳои муътамад ва устувор дар ҷомеаи муосир сайёҳӣ маҳсуб меёбад, ки ҳоло дар сиёсати пешгирифтаи давлат ва Ҳукумати кишвар ҳамчун самти афзалиятнок қарор гирифтааст.

Ҳалли масъалаҳои рушди сайёҳии дохилӣ, мукаммалсозии заминаи меъёрӣ - ҳуқуқии соҳа ва танзими фаъолияти ташкилоту корхонаҳо дар ин ҷода бидуни санади алоҳида мушкил аст. Бо  ташаббуси Президенти кишвар муҳтарам Эмомалӣ Раҳмон Қонуни Ҷумҳурии Тоҷикистон “Дар бораи сайёҳии дохилӣ” таҳия ва қабул гардид. Он барои фароҳам овардани маҳсулоти сайёҳӣ,  баланд бардоштани нуфузи кишвар дар тафаккури сайёҳон ва дар маҷмӯъ мавқеи хосса пайдо кардани ҷумҳурӣ аз ҷиҳати пешрафти бахши туризм дар миқёси олам нақши муҳим хоҳад бозид. 
-  Ҳадаф аз қабули қонун фароҳам овардани шароити мусоиди ҳуқуқӣ ва ба ин васила баланд бардоштани сатҳи маърифату фарҳанги сайёҳии ҷомеа, бахусус наврасону ҷавонон оид ба таъриху тамаддун, фарҳанг, урфу одатҳои миллӣ, дастовардҳои даврони Истиқлолияти давлатӣ ва тақвияти рушди инфрасохтори сайёҳӣ мебошад, - гуфт Қудратулло Ҳаитов, мушовири калони кумитаи Маҷлиси намояндагони Маҷлиси Олии Ҷумҳурии Тоҷикистон оид ба илм, маориф, фарҳанг ва сиёсати ҷавонон.
Ба гуфтаи ӯ, қонуни мазкур беш аз 30 навоварӣ  ва механизмҳои муосири танзимкунандаи муносибатҳо ва таҳкимбахши иқтисодиётро муқаррар намудааст. Ташаккули низоми роҳандозии сайёҳии дохилӣ, устуворгардии иқтидори кишвар ҷиҳати қабули сайёҳони хориҷӣ, ташкили инфрасохтори муосири хизматрасонии намудҳои гуногуни сайёҳӣ ва аз байн бурдани низоми мураккаби иҷозатномадиҳӣ ба фаъолияти сайёҳии дохилӣ дар қисматҳои алоҳидаи қонун дарҷ гардидаанд. Истифодаи ҳамаи ин имкониятҳо дар ибтидо ба таъсиси садҳо ҳазор ҷойи нави кор такон бахшида, ба пешрафти устувори иқтисодиёти кишвар сабаб мегардад.
Ҷиҳати фароҳам овардани шароити муносиб барои ҷалби соҳибкорон ва сармоягузорон дар рушди сайёҳии дохилӣ низ дар ин санад чанд муқаррарот пешбинӣ гардид. Тибқи он мақомоти маҳаллӣ барои соҳибкорони соҳаи сайёҳии дохилӣ имтиёзҳо муайян менамояд. Ташаббусҳои сармоягузорон барои ташкил ва бунёди инфрасохтори соҳа, маблағгузории барномаҳо ва лоиҳаҳои марбут ба рушди сайёҳии дохилӣ аз ҷониби давлат дастгирӣ ва ҳавасманд гардонда хоҳанд шуд.
Фаъолияти субъектҳои хизматрасонии сайёҳӣ тибқи низоми содагардондашуда танзим мегардад. Ғайр аз ин, тибқи қонун барои ташкили хизматрасонии сарироҳӣ ва тозагӣ имтиёзҳо дода мешаванд. Мақомоти иҷроияи маҳаллии ҳокимияти давлатӣ барои хизматрасонии сарироҳӣ қитъаҳои махсуси заминро ҷиҳати истифодаи оммавӣ ҷудо менамояд. Қитъаҳо дар ҳудуди муайян ва дар фосилаи ҳар 100 км - и шоҳроҳ ҷудо карда мешаванд. Дар ҳамаи ин қитъаҳо дар ҳудуди на кам аз 50 метри мураббаъ бинои болопӯшида бунёд меёбад. Намудҳои гуногуни хизматрасонӣ, бахусус савдои маҳсулоти маишӣ, хӯрок ва ташкили нуқтаҳои тозагӣ ба истифодаи озод, ройгон (бе иҷора), вале мақсаднок ба субъектҳои хизматрасонии сайёҳӣ пешниҳод мегарданд.
Барои ба роҳ мондани фаъолияти истеҳсолӣ, бахусус истеҳсоли маҳсулоти сайёҳӣ ба шахсони ҳуқуқӣ ва соҳибкорони инфиродӣ бо тартиби содагардондашуда тибқи қонун ҷудо намудани қитъаи дахлдори замин, аз ҷумла барои коркард ва ё сохтмони иншооти зарурӣ аз ҳисоби биноҳои бекорхобида пешбинӣ шудааст. Дар муҳлати ду сол ройгон таъмин намудани бино ва толорҳои зарурӣ, ҷудо намудани субсидия ва ё қарзи бефоиз барои фаъолияти истеҳсолӣ ва такмили иқтидори истеҳсолӣ, то се сол додани имтиёз барои фурӯши маҳсулоти сайёҳӣ, то панҷ соли аввали фаъолият аз санҷиш озод намудан, ба истиснои ҳолатҳои ошкор шудани ҳуқуқвайронкуниҳо имтиёзҳо муқаррар гардидаанд.
Ташаккули инфрасохтор, баланд бардоштани фарҳанги сайёҳии шаҳрвандон, таъмини имконоти озод ва ҳавасмандии ҳуқуқӣ барои машғул гардидан ба хизматрасонии сайёҳӣ аз талаботи асосии ин соҳа мебошанд, ки дар қонуни мазкур ба таври мукаммал зикр гардидаанд.
Шаҳноз ҚУРБОН, «Ҷумҳурият»


Баёни ақида (0)    Санаи нашр: 05.12.2017    №: 248    Мутолиа карданд: 1124
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед