logo

сиёсат

ПЕШВОИ МИЛЛАТ ВА НАВТАРИН БОЗТОБИ ТОҶИКШИНОСӢ

Забони миллӣ пояи асосии ҳастӣ ва ҳувияти ҳар як халқу миллат ба шумор меояд. Аз ин хотир ва бо мақсади рӯнамоии таъриху тақдири забони тоҷикӣ, ки таъриху тақдир ва сарнавишти миллати тоҷик низ маҳсуб меёбад, Сарвари давлат муҳтарам  Эмомалӣ Раҳмон зарур донистанд, китоберо таҳти унвони «Забони миллат - ҳастии миллат», ки бо сабки илмию оммавии қобили фаҳми табақоти мухталифи ҷомеа навишта шудааст, манзури соҳибзабонон ва алоқамандону ихлосмандони забони тоҷикӣ намоянд.
Таърихи забони тоҷикӣ диққати олимони зиёди Аврупову Осиёро ба худ ҷалб намуда, дар ин замина пажӯҳишҳои зиёде ба анҷом расидаанд, вале «Забони миллат - ҳастии миллат» аз аввалин китобҳои ҷомеъ ба забони тоҷикист, ки роҳи тайнамудаи забони моро бо ҳама шебу фароз бозгӯӣ мекунад.
Сарвари давлат аз истиқлолият ва имкониятҳои он барои худшиносиву худогоҳии миллӣ сухан карда, ба бардоште мерасанд, ки дар даврони соҳибистиқлолӣ масъалаи забон ва эҳтирому арҷгузории он ба ҳадде мубрам гардид, ки «онро метавон яке аз падидаҳои муҳими шуури миллӣ ва афкори ҷамъиятии ин солҳо номид». Аз дигар тараф, маҳз истиқлолият имкон фароҳам овард, ки «омӯзишу таҳқиқи таърих, забон ва фарҳанги худро бидуни бими «ранҷиши дӯстон» ва бе ороишҳои дурӯғин, ки таърихи мо аслан ба онҳо ниёзе надорад, анҷом диҳем». Дар ин замина метавон гуфт, ки аз беҳтарин ва нодиртарин таҳқиқотҳо, ки дар замони соҳибистиқлолии кишвар дар мавриди таърихи забони миллӣ анҷом ёфтааст, бегуфтугӯ, китоби «Забони миллат - ҳастии миллат» маҳсуб меёбад.
Муаллиф хосияти баҳамоварӣ ва ваҳдатофарии забони тоҷикиро, ки «на танҳо лаҳҷаву забонҳо, балки қавмҳои ҳамнажоду хешовандро дар атрофи як забони умумӣ - забоне, ки барои ҳеҷ кадоми ин қавмҳо бегона набуд, ҷамъ оварда, заминаро барои падид омадани забони адабии тавоно ва ташаккули миллати ягонаву воҳид муҳайё сохт», - махсус таъкид менамоянд.
Сифати дигари  забони тоҷикӣ, ба эътирофи Сарвари давлат, тавоноӣ ва рақобатпазирии он ба шумор меояд. Мақсад аз таълифи ин асари ҷомеъ огоҳу бедор сохтани соҳибзабонон ва махсусан насли ҷавон аст, зеро ниёгони мо новобаста ба номеҳрубониҳои таърих дар ҳифзи Ватан ва бавижа забони миллӣ бархоста, забони пуртавонеро ба мерос гузоштаанд. Имрӯз «вазифаи ворисони ин забон он аст, ки ин кохи муҳташамро аз газанди боду борони замони ҷаҳонишавӣ нигаҳ дошта, то ҷойи тавон онро бо ғановати бештар ба наслҳои оянда ба мерос гузоранд».
Муаллиф дар мавриди забони тоҷикӣ, ки аз оилаи забонҳои ҳиндуаврупоӣ маҳсуб ёфта, бо забонҳои санскрит, юнонӣ, лотинӣ, готӣ, келтӣ ва авестоӣ (зандӣ) қаробат дорад, баҳс оростаанд.
Инчунин, асар ба давраҳои таърихӣ ва даврабандии таърихи забони тоҷикӣ ихтисос дода шудааст. Бо вуҷуди он ки дар ин маврид осори зиёди илмӣ рӯи кор омада, мутахассисон ақидаҳои худро манзури аҳли илм намудаанд, «ҳанӯз ҳам масоили барои тамаддун ва фарҳанги халқҳои эронинажод ва махсусан халқи тоҷик муҳиму сарнавиштсоз саҳифаҳои норавшан зиёд дорад ва бархе масъалаҳои мубраму бунёдӣ баҳснок буда, таҳлилу таҳқиқи илмиро хоҳонанд» ва «мо - ворисони забони модариро лозим аст, то сатрҳои заррини осори таърихии хешро, ки аз гузаштаҳои дур ба мерос мондаанд, бештар омӯзем ва ҳамчун ганҷи арзишманди сарвати миллӣ ҳифз намоем» - таъкид медоранд Сардори давлат.
 Дар маҷмӯъ, асари ҷомеи «Забони миллат - ҳастии миллат» аз дастоварди навтарини илми тоҷикшиносӣ маҳсуб ёфта, ба худшиносиву худогоҳии миллии тоҷикон равона шуда, имрӯзу фардо ва фардоҳои дигар ин рисолатро адо хоҳад кард.
Мӯсо ОЛИМҶОНОВ,
номзади илмҳои филология, дотсенти
кафедраи забони тоҷикии ДДХ  ба номи академик Б. Ғафуров


Баёни ақида (0)    Санаи нашр: 05.12.2017    №: 248    Мутолиа карданд: 1084

15.11.2019


Ҳамоиш бахшида ба Рӯзи Президент

Вохӯрии Ҷамшед Нурмаҳмадзода бо ҳайати Фонди қарзии кафолатии Тоҷикистон

Хонандагони тоҷик дар озмуни «Роботтехника» сазовори ҷойи дуюм шуданд

Талаби Си Ҷинпин аз ҳукуматдорони Ҳонконг

Фоҷиа. 90 дарсади Венетсия зери об монд

Дар Франсия таҷдиди Нотр - Дам боиси ҷанҷол шуд

Дар Ӯзбекистон лоиҳаи маърифатии «Як миллион барномасоз» роҳандозӣ мешавад

Ҷаҳон дар як сатр

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад


Дар сомонаҳои дигари Тоҷикистон хонед