logo

фарҳанг

«СИМО». НАХУСТИН ФЕСТИВАЛИ ТЕЛЕВИЗИОНИИ ФИЛМҲОИ МУСТАНАД ҶАМЪБАСТ ГАРДИД

Шоми 5 декабри соли равон дар кинотеатри «Наврӯз» - и Кохи Наврӯзи пойтахт маросими ботантанаи ҷамъбасти аввалин Фестивали телевизионии филмҳои мустанад «Симо», ки ба Соли ҷавонон бахшида шудааст, баргузор гардид. Дар он ҳунармандони маъруфи кишвар, коргардонҳои шинохта, коршиносони варзида, шахсиятҳои муътабари соҳаҳои илму фарҳанг ва телевизиону синамо, роҳбарони як қатор вазорату идораҳои давлатӣ ширкат доштанд.
Маҳмадшариф Бобошоҳзода, муовини аввали раиси Кумитаи телевизион ва радиои назди Ҳукумати Ҷумҳурии Тоҷикистон, баргузории чунин ҷашнвораву озмунҳоро аз шарофати сулҳу суботи кишвар дониста, зикр намуд, ки «Мақсад аз баргузории фестивал агар аз як ҷиҳат, арҷгузорӣ ба ҳунар ва ҳунармандон бошад, аз ҷониби дигар дар татбиқи амалии тадбирҳои андешидаи Ҳукумати Ҷумҳурии Тоҷикистон вобаста ба рушди соҳа саҳм гузоштан аст. Умед аст, ки фестивал дар рафти амалӣ намудани Барномаи давлатии рушди кино барои солҳои 2018 – 2022» низ мусоидат хоҳад кард». Набӣ Набизода, директори Муассисаи давлатии телевизиони «Синамо», дарёфти истеъдодҳои нав ва мусоидат намудан ба рушди минбаъдаи синаморо аз мақсадҳои дигари фестивал арзёбӣ намуд.
Ҷашнвора бо ташаббуси Телевизиони «Синамо» ташкил шуда, аз моҳи август то октябри соли ҷорӣ идома ёфт. Дар рафти он 50 филми ҳуҷҷатӣ манзури ҳайати ҳакамон гардонда шуд. Ҳакамон аз ин миқдор 40 филмро барои ширкат дар фестивал – озмун пешбарӣ намуданд. Дар асоси қарори қабулнамудаи ҳайати ҳакамон 9 нафар документалистон барои офаридани филмҳои баландмазмун ва саҳми арзанда дар рушди кинематография бо ҷоизаҳои таъсисдодаи Телевизиони «Синамо» қадр шуданд.
Беҳтарин филми мустанад асари «Сарбозони бесилоҳ» - и Сайёд Муҳаммадов муайян гардид. Рустам Шоазимов барои офаридани филми «Парвози парвона» сазовори ҷоизаи «Беҳтарин коргардон» ва Наврӯз Саидов барои «Духтари Сайҳун»- аш беҳтарин наворбардор дониста шуданд. Бо ҷоизаи «Беҳтарин консепсия дар филми мустанад» асари Сафарбек Солиев «Комил», ки ба ҳаёт ва фаъолияти эҷодии Артисти халқии СССР Комил Ёрматов бахшида шудааст, сарфароз гардонда шуд. Ҷоизаҳои «Бозёфти эҷодӣ», «Таваҷҷуҳи тамошобин» ва махсуси ҳайати ҳакамон насиби Озод Маликов («Кавикас»), Абдулхайр Зокиров («Куҳандиёр») ва  Файзулло Файзов («Синамои тоҷик») гаштанд. Беҳтарин филм бахшида ба Соли ҷавонон бошад, асари «Соҳибватан» - и Далери Имомалӣ ва Муҳиддини Музаффар дониста шуд. Ба ҷоизаи «Барои хизматҳои шоиста дар рушди синамо» собиқадорони соҳа Лилианна Налоева ва Георгий Дзалаев сарфароз гардонда шуданд.
М. ТАБАРӢ, «Ҷумҳурият»


Баёни ақида (0)    Санаи нашр: 07.12.2017    №: 249    Мутолиа карданд: 451

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед