logo

фарҳанг

КӮҲИСТОНИ МАСТЧОҲ. ҲУНАРҲОИ МИЛЛИИ МАРДУМӢ ЭҲЁ ВА РУШД МЕЁБАНД

Дар тамоми гӯшаву канори Ватанамон занону духтарон ба омӯзиши касбҳои ниёгон - атласу адрас ва қолинбофӣ ҷалб гардиданд. Ин иқдоми зарурӣ ва саривақтӣ имкон медиҳад, ки занону духтарон соҳибкасб ва ин ҳунарҳои аҷдодӣ эҳё ва тарвиҷ ёбанду оммавӣ шаванд. Рушди ҳунарҳои мардумӣ дар ноҳияи Кӯҳистони Мастчоҳ чӣ сон ба роҳ монда шудааст? Перомуни ин мавзӯъ суҳбате доштем бо Гулҷаҳон Вазирова, муовини раиси ноҳия, ки фишурдаи он пешкаши хонандагон мегардад:
- Соли равон ба воситаи филиали Маркази таълими калонсолони Ҷумҳурии Тоҷикистон дар ноҳия 80 нафар духтар ба омӯзиши адрасбофӣ ва 60 нафар ба дӯзандагӣ ҷалб шуда, соҳиби шаҳодатномаи малакаҳои тахассусӣ гардид. Аз тарафи мақомоти иҷроияи маҳаллии ҳокимияти давлатии ноҳия барои рушду эҳёи ҳунарҳои миллии мардумӣ, аз ҷумла атласу адрасбофӣ ва қолинбофии дастӣ ҷиҳати хариди ришта, ресмон ва дигар ашёи зарурӣ барои беҳтар намудани корҳои адрасбофии дастӣ маблағи муайяне ҷудо карда шуд.
Бо мақсади тарғибу ташвиқи либоси миллӣ, тарбияи зебоипарастӣ, баланд бардоштани мақому манзалати либоси миллӣ, бахшида ба Соли ҷавонон ва 25 - солагии Иҷлосияи XVI Шӯрои Олии Ҷумҳурии Тоҷикистон дар толори бинои мақомоти иҷроияи маҳаллии ҳокимияти давлатии  ноҳия  Фестивал - озмуни «Атласу адраси Суғд - 2017» баргузор гардид. Дар ин озмун касбомӯзони дастгоҳҳои дӯзандагӣ ва бофандагӣ аз деҳаҳои Мадрушкат, Истошон, Эсиз ва Оббурдон бо маҳсулоти истеҳсолкардаашон ширкат варзиданд. Инчунин, занону духтарони ҳунарманд аз деҳаҳои Валиғонд, Истошон, Мадрушкат, Эсиз, Муждиф, Пастиғав, Падрох ва Оббурдон ҳунари худро аз рӯи чор номгӯи либос - идона, кӯдакона, рӯзмарра ва миллии қадима ба намоиш гузоштанд. Шарифамои Алиназар дар асоси лоиҳаи пешниҳоднамудааш оид ба рушди атласу адрасбофӣ дар деҳот ба гирифтани гранти президентӣ ба маблағи 10 000 сомонӣ мушарраф гардид. Малоҳати Исроилдухт низ соҳиби гранти раиси вилоят шуд.
Бо дастгирии мақомоти иҷроияи маҳаллии ҳокимияти давлатии ноҳия дар деҳаи Роғи Ҷамоати деҳоти Лангар коргоҳи хурди таълимию истеҳсолии адрасбофӣ ва дӯзандагӣ амал мекунад, ки дар он 30 нафар духтар касб меомӯзад. Қолинбофӣ дар деҳаҳои Эсиз ва Ҳатишаҳр ба роҳ монда шудааст.
- Ҳунарманд дар ҳама давру замон азизу мукаррам аст. Зеро ҳунар чашмаи зоянда асту давлати поянда, -  мегӯяд Гулҷаҳон Вазирова. Ва мисраъҳои зери Низомии Ганҷавиро ба хотир меорад:
Ҳунар омӯз к - аз ҳунармандӣ,
Даркушоӣ кунӣ, на дарбандӣ.
Мунаввари САФАР,  “Ҷумҳурият”


Баёни ақида (0)    Санаи нашр: 11.12.2017    №: 251    Мутолиа карданд: 610

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед