logo

фарҳанг

САЛОМ ОМАД, ДУРУД ОМАД БА АЙНӢ

Дар рӯзҳои тирамоҳи заррини соли 2017 дар диёри хуршедии мо ду рӯйдоди муҳими фарҳангӣ рух дод, ки бо номи Қаҳрамони Тоҷикистон устод Айнӣ алоқаманд  буданд. Яке бозсозӣ гардидани боғи устод Айнӣ ва мавриди истифода қарор додани он ва дигаре маросими ҷамъбасти озмуни рӯзномаи «Ҷумҳурият» якҷо бо мақомоти иҷроияи маҳаллии ҳокимияти давлатии ноҳияи Айнӣ бахшида ба Рӯзи забони давлатӣ ва ба хотири гиромидошти устод Айнӣ дар маркази  ноҳияи мазкур буд.

Боғи устод Айнӣ дар натиҷаи меҳнати  пурсамари коргарон, меъморон, устоҳо, рассомон, гулкорон ва ашхоси дорои касбҳои дигар дар муддати нисбатан кӯтоҳе симои худро тамоман дигар намуд. Ончунон зебу шукӯҳи тозае пайдо карда, ки гумон мекунед дар фасли хазонрез дар як гӯшаи  пойтахт баҳори сабзу хуррам якҷо бо сабзаву гулҳои чаман, бо чаманзорони шукуфои чеҳраҳо барафрӯхта, ҷилванамоӣ мекунад.
Ширкат ва суханронии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам  Эмомалӣ Раҳмон шашуми ноябр дар маросими ифтитоҳи боғи устод Айнӣ онро ба як ҷашни дилписанд ва хотирмон табдил дод.
Ду боғи боҳашамат, ки дар ду самти пойтахт ба ифтихори ду асосгузори адабиёти мо - Рӯдакиву Айнӣ бунёд шудаанд, чилчароғоне мебошанд, ки шаҳрро нурафшон намуда, ҳуснашро афзунтар ва зебоиву шукӯҳашро дучанд мегардонанд. Чунин боғҳо дар ҷаҳон камназиранд.
Ҷамъбасти озмуни рӯзномаи «Ҷумҳурият», ки рӯзи дуюми октябр дар маркази ноҳияи Айнӣ баргузор шуд, ба як ҷашни дилписанди фарҳангӣ табдил ёфт. Бояд гуфт, ки ҳам дар аснои ифтитоҳи ботантанаи боғи Айнӣ ва ҳам дар ҷамъомади ноҳияи Айнӣ ҳамеша як ном бар сари  забонҳо мавҷ мезад ва баланд садо медод ва он номи Қаҳрамони миллии мо устод Айнӣ буд.
Дар он рӯзҳои ботантана симои устод аз достони дилангези Мирзо Турсунзода «Чароғи абадӣ» пеши назар меомад, ки шоир хеле забардастона тасвир кардааст. Абёте, ки лаҳзаи истиқболи устод Айниро дар Душанбе баён менамуд, бо тантанаҳои дар Душанбе ва ноҳияи Айнӣ барпошуда ҳамнаво буданд ва бо мазмуну таровати  тоза садо медоданд:
Адиби хешро оғӯш кардем,
Заданҳои дилашро гӯш кардем.
Ба устоди қаламкаш дод пайғом,
Тамоми шаҳр аз ҳар як дару бом.
Салом омад, дуруд омад ба Айнӣ,
Саломи чун суруд омад ба Айнӣ.
Табиат ҳам ба истиқболаш омад,
Чаман дар пурсиши аҳволаш омад.
Ватан аз ҷаҳлу торикӣ шуд озод,
Ба Айнӣ шаъну шуҳратҳо  фиристод.
Худи устод машъал шуд, алав шуд,
Чароғи мардуми дунёи нав шуд.
Ба рӯяш нур бинам, барқ бинам,
Ҳувайдо саргузашти Шарқ бинам.
Барномаи ҷолибе, ки барои ширкаткунандагони озмун ва меҳмонон таҳия гашта буд, писанди ҳамагон гардид. Онҳо ба манзараҳо ва бо ободониҳову ҳаёти сокинони ноҳияи Айнӣ аз наздик шинос шуданд. Майдончаи атрофи муҷассамаи устод Айнӣ хеле дилрабо гардидааст, ки ба мо - меҳмонон писанд омад.
Махсусан зиёрати оромгоҳ, хонаву боғ, мақбараву муҷассамаи шоири номдор Нақибхони Туғрал дар оғӯши деҳаи Зосун басо хотирмон буд. Набераи Туғрал, ки як зани солхӯрда аст, меҳмононро хуш истиқбол намуд ва барояшон дастархони пур аз нозу неъмат орост.
Муҷассамаи Туғрал ва мақбараи ӯ дар майдони фарох  ва дар гулгаште бунёд гашта, ки хеле назаррабову боҳашамат мебошад. Туғрал дар ҳолате тасвир шуда, ки ӯ ба хаёл фурӯ рафта ва илҳомаш ба хурӯш омада, омодаи шеъргӯист ва гӯё пас аз лаҳзае хоҳад гуфт: «Эй Туғрали авҷи сухан, аз ошёни кистӣ»?
Сипас, дар маркази ноҳия, дар қасри фарҳанг маросими ботантанаи ҷамъбасти озмун ва супурдани ҷоизаҳо ба ғолибон доир гардид ва он ба як анҷумани бошукӯҳи фарҳангӣ ва базми шеъру суруд табдил ёфт.
Асосан муҳтавои суханрониҳо перомуни мақом ва шуҳрати забони тоҷикӣ буд, ки бо ин забон яке аз бузургтарин тамаддунҳо, шукӯҳмандтарин адабиёт, муассиртарин ҳамосаи миллии ҷаҳон, зеботарин ашъори нобу шево таълиф гардид, ки аҳли оламро ба шигифт овард. Шоирони бузургу беназири мо бо ин забон асар офариданро барои худ ифтихор медонистанд.
Иштирокчиёни озмун ва меҳмонон на танҳо бо ҳаёти мардумони ноҳия аз наздик шинос шуданд, балки ҳиммати ҳотамона ва мизбони саховатпеша будани онҳоро бо чашми сар диданд. Раиси ноҳияи Айнӣ муҳтарам Неъматулло Раҳматуллозода саъю кӯшиши зиёде ба харҷ дод, то озмун дар сатҳи баланди фарҳангӣ ҷамъбаст гардад. Ӯ шахсест бофарҳанг ва дилдодаи фарҳанг.
Бояд гуфт, ки ташаббускори асосии баргузории озмун «Ҷумҳурият» мебошад.
Озмун дар байни аҳли қалам зуд ҳамовозӣ пайдо намуд ва дар натиҷа сад мавод ба идораи рӯзнома ворид гардид ва беш аз 50 матолиби муаллифон ба нашр расид. Бамаврид аст бигӯем «Ҷумҳурият», ки солҳои пешин бо номҳои гуногун чоп мешуд, рӯзномаи расмӣ ва асосии кишвар буда, наздики сад сол аст, ки бедареғона дар хидмати халқу Ватан аст ва дар ин муддат бо ҳазорон хабарнигорону қаламкашон ҳамкории судманд намудааст.
Ман – нигорандаи ин сатрҳо худро ифтихорманд меҳисобам, ки беш аз 60 сол бо ин рӯзномаи бонуфуз ҳамкорӣ дорам. Рӯзномаи «Ҷумҳурият» садои Тоҷикистон ва садои миллати тоҷик ва оинаи пурҷилои ҳаёти халқ аст. Бигзор, садои «Ҷумҳурият» рӯз аз рӯз ва сол то сол нерумандтар ва гуворотар ба гӯши мардумон бирасад.
Раҷабалӣ ҚУДРАТОВ,
Корманди шоистаи Тоҷикистон


Баёни ақида (0)    Санаи нашр: 11.12.2017    №: 251    Мутолиа карданд: 732
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед