logo

фарҳанг

“МЕҲМОНИ НОХОНДА”. АЗ ИНТИЗОРӢ ТО ПУШАЙМОНӢ

Чанде пеш дар баъзе аз сомонаҳои интернетӣ ва марказҳои фитафурӯшӣ таблиғи филми нави тоҷикӣ бо номи “Меҳмони нохонда” – ро мушоҳида намуда, бениҳоят рӯҳбаланд гаштам, ки шумораи филмҳои тоҷикӣ зиёд гашта истодаанд ва ниҳоят соҳаи кинои тоҷик низ рӯ ба пешравӣ мениҳад. Аз наздиктарин дукони фитафурӯшии назди манзили истиқоматиам филмро харида, тамошо кардам.

Вале ғайриинтизори ман филм мазҳакаи кӯчагиеро мемонаду бас. Дар он шӯхиҳои бемаъниву ғайриахлоқӣ, ба ҳадди ифрот расондани истифодаи бемавриди лаҳҷа, тарзи либоспӯшӣ ва як қатор камбудиҳои дигар ба назар мерасанд. Ҳатто нафаре, ки аз филмофариву киносозӣ огаҳ нест, ин камбудиҳоро баръало ҳис мекунад.
Тавре эҷодкори ҷавон Хуршед Ховарӣ мегӯяд: “Ҳамчун як ҷузъи ҷомеаи солим аз тамошои чунин филм бисёр ғамгин шудам. Бояд гуфт, ки тамошои чунин филмҳо завқи бинандаро мекоҳонанд. Пеш аз ҳама, ҳузури ҳунармандони саршиноси тоҷик Марям Исоева, Ҳунарпешаи халқии Тоҷикистон ва Назирмад Мӯсоев, Ҳунарпешаи шоистаи Тоҷикистонро дар чунин филмҳо, ки дар сатҳи хеле паст офарида шудаанд, қабул надорам. Агар дар ин аср, ки технологияи навин ба таври бесобиқа пешрафт мекунад, ба ин мазмуну сифат филм офарем, ба бузургмардони кинои тоҷик чун Борис Кимёгаров, Ҳошим Гадо, Носир Ҳасанов, Қурбон Собиров ва дигар ҳунармандони асил, балки ба фарҳанги асили худ хиёнат кардаем”.
Вақте хостем фаҳмем  кӣ ва ё чӣ ҳунармандони саршиноси тоҷикро маҷбур сохтааст, то дар чунин филме, ки дар сатҳу сифати хеле пасти фарҳангӣ офарида шудааст, нақш бозанд, тамос гирифтем бо Назирмад Мӯсоев. Ҳангоми суҳбат ӯ хеле ба фикр фурӯ рафта гуфт: “Меҳмони нохонда” ин чӣ гуна филм аст ва муаллифаш кист? Ман ҳатто ин филмро тамошо накардаам...”.
Дар ҳақиқат аҷиб! Ва, ҳангоме ки ӯро аз нақши офаридааш дар филм хотиррасон намудем, гуфт: «Бале, ман дар ҳақиқат ин филмро надидаам ва ҳатто сенарияи онро нахондаам. Танҳо ба ман занг зада, хоҳиш намуданд, ки ҳамагӣ як рӯз сабт аст ва бояд дар ин филм нақш офаред. Вақте фаҳмидам, ки нақши падари қаҳрамони филмро бояд бозам, розигии худро дода сабт намудем. Дигар гуфтанд, ки баъди сабти кино онро ба шумо ҳатман мерасонем. Дар ҳақиқат иқрор мешавам, ки хатои мо - ҳунармандон аст, ки аз сенария ва муҳтавои филм огаҳ нагардида, дар он нақш мебозем».
Табиати инсонӣ чунин аст, ки ҳамеша мехоҳад аз пайи қаҳрамонҳо биравад. Бинанда дар симои қаҳрамон бояд худро бинад, ҳамроҳи қаҳрамони филм хандад, гиря кунад ва дар ҳама ҳолат бо ӯ бошад. Вақте дар филмҳои худӣ дар мисоли “Меҳмони нохонда”, инро намебинад, завқаш мекоҳад ва рӯ меорад ба филмҳои ғайр.
Муаллифи филми мазкур Дӯстмурод Шарифов дар суҳбат гуфт: “Сенарияи мо аз қайди масъулони соҳаи фарҳанг ва КВДКВ «Тоҷиккино» гузаштааст. Онро ҳам масъулон ва ҳам тамошобинон ба хубӣ пазируфтанд”. Вале, ҳангоме ки бо Хайриддини Зайниддин, муовини сардори КВДКВ «Тоҷиккино» тамос гирифтем, чунин иброз дошт: “Ин филм аз ҷониби муаллифаш ба мо ва Шӯрои бадеии студияи “Тоҷиккино” пешниҳод гардида буд. Мо рад кардем ва тавсия додем, ки филм куллан тағйир дода шавад. Филми мазкур ҳатто сенария надошт. Аммо, мутаассифона, рӯзе хабар ёфтем, ки филм бо кадом роҳе дар марказҳои фитафурӯшӣ паҳн гаштааст. Дар шабакаҳои интернетӣ низ пур шуда буд. Гарчанде масъулони соҳаи фарҳанг ва мақомоти дахлдор чунин амалҳоро дар соҳаи кино нодида мегиранд, хоҳиши онро дорем, ки ҳадди ақал ба мо ҳуқуқҳое дода шаванд, ки нисбати чунин филмофарону паҳнкунандагони онҳо чораандешӣ карда тавонем”.
Сафар Ҳақдодов, раиси синамогарони Тоҷикистон, гуфт: “Ин филм ба мо пешниҳод нашудааст ва ин гуна муаллифон хуб медонанд, ки мо филмҳои кӯчагии онҳоро ҳеҷ вақт иҷозат намедиҳем, ки сабт шуда, пешкаши тамошобинон гардад. Ҳатто филмро тамошо накардаам”.
Мусаллам аст, ки филмномаҳо инъикосгари фарҳанги мардуманд. Чуноне ки Абдурофеъ Рабизода, адиби филмноманавис, мегӯяд: “Дар ҷаҳони пуртазоди имрӯз, агар хоҳем фарҳанги худро дар арсаи ҷаҳон муаррифӣ кунем, пеш аз ҳама, бояд филмҳое офарем, ки завқи ҳам бинандаи дохилӣ ва ҳам хориҷиро бедор созад. Гарчанде дар миёни ҷомеа ҳама гуна афродро вохӯрдан мумкин аст, набояд қаҳрамонони филмномаҳои мо шахсони номуваффақу аз марзи ахлоқ берун бошанд. Зеро имрӯз яке аз шинохту комёбиҳои беназири мамолики Ғарбу Шарқ дар арсаи байналмилалӣ аз рӯйи киност”.
Дар ҳақиқат имрӯз кино яке аз воситаҳои асосиву муҳими тарғиби фарҳанги миллӣ ба ҳисоб меравад. Вале, филми “Меҳмони нохонда” ин фарҳанги тоҷиконро баръакси ҳолаш муаррифӣ мекунад, ки ҷойи таассуфу нигаронист.
Чаро аз пахши чунин "филм" - ҳо пешгирӣ накунем?
Қурбон АҲМАДЗОД, “Ҷумҳурият”


Баёни ақида (0)    Санаи нашр: 12.12.2017    №: 252    Мутолиа карданд: 681
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед