logo

иқтисод

ИҚТИСОДИ МИЛЛӢ. ИҚТИДОРҲОИ НАВИ ИСТЕҲСОЛӢ РӮЙИ КОР ОМАДАНД

Ҳукумати мамлакатро зарур аст, ки рушди минбаъдаи саноатро тавассути баланд бардоштани самаранокии соҳаи коркарди ашёи хом ва афзун намудани истеҳсоли маҳсулоти ватанӣ, таҷдиди воситаҳои асосӣ, воридоти технологияҳои инноватсионӣ ва тақвияти рақобатпазирии маҳсулот таъмин намояд.
(Аз Паёми Президенти Ҷумҳурии Тоҷикистон муҳтарам Эмомалӣ  Раҳмон ба Маҷлиси Олии Ҷумҳурии Тоҷикистон, шаҳри Душанбе, 22 декабри соли 2016)


Дар доираи дастуру супоришҳои Сарвари давлат давоми 10 моҳи соли ҷорӣ бо мақсади таъсиси корхонаҳои нави саноатӣ, барқарор намудани иқтидорҳои мавҷуда, бо шуғли доимӣ фаро гирифтани шаҳрвандони кишвар, бунёди иншооти иҷтимоӣ ва таъмини низоми мутавозини сиёсати пулию қарзӣ тадбирҳои зарурӣ амалӣ гардиданд.
Ҳаҷми  истеҳсоли маҳсулоти саноатӣ  нисбат ба ҳамин давраи соли гузашта 21,3 дарсад, кишоварзӣ 6,4, маблағгузориҳо ба сармояи асосӣ 4,6, гардиши савдои чакана 6,3, хизматрасонии пулакӣ 1,5, ҳаҷми боркашонӣ 5 ва мусофиркашонӣ 3,2 дарсад зиёд гардид. Рушди соҳаҳои номбурда ва ташаккули дигар нишондиҳандаҳои соҳаҳои иқтисоди миллӣ имкон фароҳам овард, ки суръати афзоиши воқеии маҷмӯи маҳсулоти дохилии (ММД) ҷумҳурӣ дар сатҳи 6,8 дарсад таъмин шуда, ҳаҷми номиналии он ба 48,4 миллиард сомонӣ баробар гардад.
Соли ҷорӣ бо назардошти ба кор андохтани иқтидорҳои нав, роҳандозии истеҳсоли маҳсулоти нави рақобатпазиру воридотивазкунанда, истифодаи самараноки иқтидорҳои мавҷуда, густариши иқтидори содиротии кишвар, ба маблағи 15798 миллион сомонӣ маҳсулот истеҳсол гардид, ки  суръати афзоиши он нисбат ба ҳамин давраи соли гузашта 21,3 дарсадро ташкил кард.
Имсол нахустин бор дар таърихи  соҳибистиқлолии кишвар Ҳукумати ҷумҳурӣ  ба маблағи 500 миллион доллар коғазҳои қиматноки давлатӣ (евробонд) нашр карда, онҳоро бомуваффақият дар бозори молиявии ҷаҳонӣ ба фурӯш баровард.
Таҳлили нишондиҳандаҳои асосии гардиши савдои хориҷӣ дар моҳҳои январ - октябри соли равон нишон медиҳад, ки вазъият дар бозори ҷаҳонӣ ва бозори истеъмолии кишвар нисбатан муътадил гардида бошад ҳам, коҳишёбии суръати савдои хориҷӣ ҳамоно идома дорад.
Мувофиқи маълумоти оморӣ дар ин давра гардиши савдои хориҷӣ 3227,6 миллион доллари ИМА - ро ташкил кард, ки нисбат ба ҳамин давраи соли гузашта 0,2 дарсад кам мебошад. Содироти молу маҳсулот назар ба даҳ моҳи соли гузашта 34,8 дарсад зиёд аст. Дар баробари ин, воридоти мол 10,7 дарсад коҳиш ёфт. 
Сохтори содиротии кишвар аз ҳисоби маъданҳо 31,5 дарсад, филизҳои қиматбаҳо  21,3, алюминийи аввалия ва маҳсулот аз он 16,6, нахи пахта 10,1, қувваи барқ 5,0 ва семент 3,8 дарсад ташаккул ёфтааст.                                       
Ҳукумати мамлакат барои таъмини рушди минбаъдаи кишвар ва ҷалби ҳар чи бештари сармояи мустақим ҷараёни ислоҳотро дар самти беҳтар гардондани фазои сармоягузорӣ  ва пешбурди фаъолияти соҳибкорӣ  пайваста вусъат мебахшад. Бинобар ин, мо вазифадорем, ки саъю талош ва истифодаи захираву имкониятҳоямонро барои рафъи камбудиҳои мавҷуда ва нигоҳ доштани пешрафти устувори соҳаҳои иқтисоди  миллӣ сафарбар созем. Ҳамчунин, ҷиҳати таъмини рушди минбаъдаи кишвар, иҷрои афзалиятҳои миллӣ ва дар ин асос баланд бардоштани сатҳу сифати зиндагии шоистаи мардум саҳмгузор бошем.
Завқӣ ЗАВҚИЗОДА, 
муовини  якуми вазири рушди иқтисод ва савдо


Баёни ақида (0)    Санаи нашр: 12.12.2017    №: 252    Мутолиа карданд: 465

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед