logo

маориф

МУАЛЛИМ. ТО ДАМЕ КИ МЕҲРИ КАСБ ДАР ДИЛ ҶӮШ МЕЗАНАД...

Тобистон дар деҳаи Шаватки Болои ноҳияи Айнӣ муаллими деҳа Қурбонмаҳмад Қурбонов, ки эҳтиромона Бобои Қурбонаш мегӯянд,  ҷигарбандашро хонадор мекарду аз дуру наздик меҳмонони зиёде омада буданд. Зимни суҳбат чун мавзӯъ оид ба мактабу маориф доман кашид, маълум гардид, ки меҳмонон омӯзгоранд. Дар сарашон кайҳо сафедӣ афтода, суханашон бо тамкину ҷаззоб, суҳбаташон ҳар кадоме як китоб маъною маърифат. Гӯё аз илми мантиқ баҳс меравад. Пасон маълумам гашт, ки  устодони фанни риёзианд.

Худи Бобои Қурбон алҳол омӯзгори муассисаи таҳсилоти миёнаи умумии  №3 шаҳри Бӯстон аст. Устоди варзидаи фанҳои физикаю риёзиёт, донандаи тамоми нозукиҳои касби худ. Рофиддин Қодиров, Аълочии маориф ва илми Ҷумҳурии Тоҷикистон, устоди фанни риёзии муассисаи таҳсилоти миёнаи умумии № 6 - и ноҳияи Деваштич, Неъматҷон Иброҳимов ва Файзуллоҷон Воҳидов дар муассисаҳои таҳсилоти миёнаи рақамҳои 10 ва 14 - и шаҳри Исфара солиёни зиёд заҳмат кашидаю ба нафақа баромадаанд. Шогирдонашон дар соҳаҳои  гуногуни хоҷагии халқ машғули меҳнати пурсамар, пайи ободонию гул - гулшукуфоии кишвари рӯ ба тараққиамонанд. Ба назар чунин мерасад, ки ин устодон кайҳо рисолати худро ба анҷом расонда, акнун пурра имкони осоиш доранд. Вале… Сари ҳар суханашон оид ба таълим ва тарбияи наслҳои нав. Ҳарф мезананд, аз  таҷрибаю малакаҳои худ дар ин самт, то беохир. Ҳар кадоме тақрибан 40 соли умри пурбаракати худро сарфи ин ҷодаи заҳматталаб кардаанд.
Беш аз ҳазор нафарӣ шогирдонро қатъи назар аз вазъи равонию қобилият, хислату рафторашон тарбия намуда,  ба воя расонда, тақдими ҷомеа намудаанд.
- Шаватки Боло мутахассисони зиёдеро дар соҳаҳои гуногун барои ҷумҳурӣ додааст, - мегӯяд омӯзгори фанни риёзии муассисаи таҳсилоти ҳамин деҳа Ҳоҷирасул Қориев, - аммо ман гумон надорам, ки онҳо бидуни донишҳои математикӣ ба мартабаҳои баланд расида бошанд. 
Устод Рофиддин Қодиров то дараҷае оид ба  олами илму асрори ҳастӣ ҳарф мезад, ки беихтиёр «муаллими ҳастӣ» унвон кардам он касро худ ба худ. Воқеан, имрӯз дар баробари таълиму тарбияи аҳли дабистон, инчунин, заҳмати раиси маҳалларо дар деҳаи Хоҷаҳо  ба уҳда дорад.
Риштаи сухан ноаён аз таълим ба тарбия, аз кӯдакони мактаб ба афроди синну соли гуногун, муаммоҳои ҳалталаби рӯз, нақши шахсиятҳо дар ин самт, тартиби бунёди оила ва пойдории он, усулҳои ба  талаботи замон мувофиқ, нақши фард дар бунёди ҷомеаи солим, ҳамбастагии шахсият ва ҷамъият, таъсири омилҳои инсонию табиӣ, аз ҳама муҳим, зарурати тарбия ва масъулияти омӯзгор тӯл мекашид. Бо ин нафарон суҳбат доштаму суханони олим Р. Немов оид ба мафҳуми шахсият аз пеши назарам мегузаштанд, ки аз се нишонаи асосӣ иборат аст: муносибат байни афроди ҷамъият, фаъолияти  ақлонӣ ва доштани мақоми муайян дар ҷомеа. Ҳамин буд меҳвари асосии сухани онҳо. Ҳамзамон, шук-рона аз он доштам: то даме, ки чунин омӯзгорон ва пайравони онҳо ҳастанд, кишвари азизу соҳибистиқлоли мо рӯ ба тараққию пешравист.
Шехмирзо РАҶАБӢ,
омӯзгор, ноҳияи Мастчоҳ


Баёни ақида (0)    Санаи нашр: 14.12.2017    №: 253    Мутолиа карданд: 449

22.11.2018


Баррасии таҳкими мубориза бар зидди терроризм ва экстремизм

Вохӯрии Ҷамолиддин Убайдулло бо Патрис Вершер

Бахшида ба 25 - солагии баимзорасии аҳдномаи дӯстӣ намоишгоҳ доир мегардад

Баргузории машварати Шӯрои Конфедератсияи байналмилалии иттифоқҳои касабаи роҳиоҳанчиён

МАСТЧОҲ. Рӯ ба рушд

Ҳукми абад ба гунаҳгоршавандаи асосии парвандаи куштори сайёҳони хориҷӣ дар Тоҷикистон

Кишварҳои ИДМ мубодилаи маълумот оид ба террористон мекунанд

Назарбоев: «Мактабҳоро аз тафтишҳои бешумор ҳимоя бояд кард»

Дар Чин миқёси ислоҳоти моликияти давлатӣ густурдатар мегардад

Москва ва Пекин барои парвоз ба Миррих якҷоя мушак месозанд

Ҷаҳон дар як сатр

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд


Дар сомонаҳои дигари Тоҷикистон хонед