logo

иқтисод

ЛИБОСИ ПАХТАГӢ ДАР ВАТАНИ ПАХТА ГАРОН АСТ, ЧАРО?

Истеҳсоли либоси босифати пахтагин ва барои саломатӣ безарар дар дохили кишвар ва бо  нархи дастрас пешниҳод намудани он ба муштариён аз масъалаҳое мебошад, ки солҳои охир мавриди таваҷҷуҳи бештари давлату Ҳукумат ва ҳам худи соҳибкорон  қарор дорад. Натиҷаи ҳамин таваҷҷуҳ аст, ки имрӯз як қатор корхонаҳои ватанӣ дӯхти либосҳоро бо дарназардошти зебу зинати замонавӣ ва мувофиқи хоҳиши мизоҷон омода ва пешкаш намуда, ба коҳиши  воридоти он аз хориҷи  кишвар замина мегузоранд.
- Дар мамлакати мо барои истеҳсоли  либос имкониятҳои зиёд мавҷуданд. Корхонаҳои ҶДММ «Ҷавонӣ» - и шаҳри Хуҷанд, ҶДММ «Catton», ҶСК «Гулистони Душанбе», ҶДММ «Иттиҳодияи истеҳсолии нассоҷии тоҷик» аз ашёи хоми маҳаллӣ, сар карда аз риштаи пахтагин то маҳсулоти ниҳоиро истеҳсол менамоянд. Илова бар ин, истеҳсоли курта, шиму костюми мардона, либосҳои бачагонаю кӯдаконаро омода месозанд. Иттиҳодияи истеҳсолии нассоҷии Хуҷанд  тавлиди  матои  ҷинсро ба роҳ монда, аз он шиму костюм тайёр мекунад, - гуфт Мавлуда Киромова, мутахассиси соҳаи саноати сабук.
Вале тавре мушоҳидаҳо нишон медиҳанд, бо вуҷуди муваффақиятҳое, ки дар ин самт дорем, ҳанӯз мушкилиҳои зиёди ҳалталаб низ мавҷуданд, ки аз масъулони соҳа тадбирҳои муассиреро тақозо менамоянд. Барои мисол, ҳанӯз ҳам либосҳои пахтагин, ки аксаран воридотӣ ва гаронарзишанд, на барои ҳама дастрас буда, муштариён аз ноилоҷӣ бештар ба молҳои синтетикӣ рӯ меоранд. Ҳарчанд падару модарон хуб дарк мекунанд, ки чунин сарулибос ба саломатии фарзандон бе таъсир намемонад.
- Бо супориши роҳбарият дар давоми солҳои 2009 - 2010 дар беморхонаи марказии бемориҳои пӯст тадқиқот гузарондем ва  дар натиҷа муайян шуд, ки танҳо дар давоми соли 2009 - ум  510 нафар аз ҳисоби пӯшидани либосҳои синтетикӣ ба бемории пӯст гирифтор шудаанд.
 Дар хусуси зарари синтетика ба саломатии инсон мо тариқи телевизион барномаҳо пахш намудем ва баъди он мардум, хусусан занон ба либоси пахтагин рӯй меоравардагӣ шуданд. Инчунин, солҳои охир бинобар беҳтар шудани вазъи иқтисодӣ, шаҳрвандони мамлакат бештар ба либосҳои истеҳолсолнамудаи босифат таваҷҷуҳ мекунанд. Вале, албатта, на ҳар кас имкони хариди чунин либосҳои босифат ва барои солимӣ безарарро дорад, - иброз намуд, Бозор Остонаев, мутахассиси шуъбаи назорати давлатӣ оид ба талаботи регламентҳои техникии Агентии стандартизатсия, метрология, сертификатсия ва нозироти савдои назди Ҳукумати ҷумҳурӣ. 
  Масъалаи дигари мавриди таваҷҷуҳ камчинии либосҳои кӯдаконаи истеҳсоли худӣ дар бозорҳои кишвар аст. Ин гуна либосҳои пахтагини воридотӣ, воқеан, арзиши хеле баланд доранд. Саволе ба миён меояд, ки магар корхонаҳои ватанӣ дар ин самт тавони рақобат надоранд?
  Абдумавлон Абдуллоев, ҷонишини директории генералии ҶДММ "Иттиҳодияи истеҳсолии нассоҷии тоҷик" дар ин бора чунин гуфт:
- Маҳсулоти табиии  истеҳсолнамудаи корхонаи мо пурра аз матои пахтагин омода мешавад. Асосан  корхона либосҳои мактабӣ, шиму костюм ва дигар намуди либосҳоро барои калонсолон омода месозад. Либосҳои то - мактабии кӯдакона аз ҷониби корхонаи мо истеҳсол намегардад, зеро ҳоло чунин имкон надорем. Лекин парпечҳои пахтагин барои навзодон дар ин коргоҳ омода шуда, аз ин ҳисоб ба кишварҳои Полша, Чехия, Қазоқистон, Олмон ва Русия содирот мегардад.  Ин кишварҳо ба маҳсулоти истеҳсолнамудаи корхонаи мо баҳои баланд дода, аз нигоҳи табиӣ тоза ва фоидаовар меноманд.
  Ба иттилои масъулони ҶСК «Гулистони Душанбе», корхона бо  технологияи нави замонавӣ таъмин бошад ҳам, бинобар кам будани фармоишгарон тавлиди либосҳои кӯдакона аз ҷониби он солҳои охир коҳиш ёфтааст. Қаблан аз рӯи фармоиши кишварҳои хориҷ тарроҳони корхона либоси зиёд омода месохтанд. Ҳоло талабот ба маҳсулоти иттиҳодияи мазкур кам гардидааст.
Ин ҳолат аз он шаҳодат медиҳад, ки дастовардҳои мо дар самти истеҳсоли либоси пахтагини худӣ, аз ҷумла кӯдакона ҳанӯз қонеъкунанда нест. Дар ҳоле ки Тоҷикистон кишвари содиркунандаи пахтаи аълосифат маҳсуб меёбад. Аз ин рӯ, Вазорати саноат ва технологияҳои навро зарур аст, ки дар доираи имкониятҳои мавҷуда ба масъалаи мавриди назар таваҷҷуҳи бештар зоҳир намояд. Мавзӯъ ҳатман пайгирӣ хоҳад шуд. 
Нигина РАҲМОН, «Ҷумҳурият»


Баёни ақида (0)    Санаи нашр: 14.12.2017    №: 253    Мутолиа карданд: 719
02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД


Дар сомонаҳои дигари Тоҷикистон хонед