logo

иҷтимоиёт

"ҲАЛҚАЁР" - МАРКАЗИ ТАЪЛИМӢ БАРОИ МАРЗБОНОН


Чанде пеш дар ноҳияи Панҷи вилояти Хатлон бо иштироки Сарвазири мамлакат Қоҳир Расулзода, Ёрдамчии Президенти Ҷумҳурии Тоҷикистон оид ба масъалаҳои амнияти миллӣ генерал - полковник Шералӣ Хайруллоев ва дигар шахсони расмӣ Маркази таълимии «Ҳалқаёр» - и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, ки пурра навсозӣ шуда, биною иншооти нави замонавии он бо таҷҳизоти муосири соҳавӣ таъмин гардидааст, мавриди истифода қарор дода шуд.
Дар маросими тантанавии ифтитоҳи марказ таъкид шуд, ки бунёд ва мавриди истифода қарор гирифтани он, аз ҷумлаи тадбирҳое ба шумор мераванд, ки дар  доираи дастуру супоришҳои бевоситаи Асосгузори сулҳу ваҳдати миллӣ - Пешвои миллат, Сарфармондеҳи олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон анҷом шудааст. Дар маркази таълимӣ як қатор биною иншооти нав, аз қабили «Кохи  садоқат» иборат аз 400 ҷойи нишаст, осорхона ва китобхона, хобгоҳҳо барои афсарону сарбозон, биноҳои таълимӣ,  хонаҳои хизмати сарҳадӣ, фароғатӣ ва иттилоотӣ, ҳаммом, ошхона, анбори захираҳои маҳсулот, мошинсарой, майдончаҳои варзишӣ ба таври муосир навсозиву бунёд шудаанд.
Биноҳои таълимии навбунёд аз 16 синфхона ва толорҳои бозомӯзию такмили маҳорати низомӣ иборат буда, бо дастгоҳҳои нави электронии ҳарбӣ - таълимӣ таъмин мебошанд. Дар ин ҷо аз рӯи 16 ихтисос мутахассисони хурди низомӣ омода гардида, сарбозон ба таълиму бозомӯзӣ фаро гирифта мешаванд. Ин дар ҳолест, ки Маркази таълимии «Ҳалқаёр» пойгоҳи асосии таълимию бозомӯзии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар вилояти Хатлон ба ҳисоб рафта, то имрӯз дар он шумораи зиёди сарбозони навдаъват, мутахассисони ҳарбии махсус, назири минаҷӯён, алоқачиён, кинологҳо, ронандаҳо, нишонзанҳо, тирандозон ба бозомӯзию таълим фаро гирифта шудаанд ва барои идома додани хизмат ба ҷузъу томҳои Қӯшунҳои сарҳадӣ сафарбар гардидаанд.
Бино ба таъкиди Сарвазири мамлакат Қоҳир Расулзода, тақвияти ҳифзи марзи давлатӣ, боло бурдани сатҳи омодагии ҷузъу томҳои низомӣ ва беҳсозии таъминоти моддию техникии онҳо, таҳкими интизоми ҳарбӣ, баланд бардоштани рӯҳияи маънавӣ, ҳисси ватандӯстию масъулиятшиносӣ ва таҷрибаву маҳорати касбии муҳофизони марз аз тадбирҳои муҳим ва асосие мебошанд, ки пайваста дар маркази таваҷҷуҳи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор доранд.
Дар ин бора Муҳаммад Улуғхоҷаев, масъули маркази матбуоти Қӯшунҳои сарҳадӣ ба “Ҷумҳурият” иттиллоъ дода, афзуд, ки ба муносибати мавриди баҳрабардорӣ қарор додани иншооти нави Маркази таълимии «Ҳалқаёр» - и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон бо иштироки хизматчиёни ҳарбии ҷузъу томҳои ин сохтори қудратӣ расми гузашти низомӣ доир гардид. Ҳамчунин, як қатор афсарон ва сарбозони фаъол барои хизмати содиқона ба Ватан ва ба натиҷаҳои назаррас ноил гардидан аз ҷониби фармондеҳи Қӯшунҳои сарҳадӣ бо ифтирхономаҳо, нишонҳои сарисинагӣ ва туҳфаҳои хотиравӣ сарфароз гардонда шуданд.
Ф.ҶУМЪАЕВ, “Ҷумҳурият”


Баёни ақида (0)    Санаи нашр: 15.12.2017    №: 154    Мутолиа карданд: 388

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед