logo

туризм

САЙЁҲӢ. ЧАНД ПАҲЛУИ ЯК ПРОБЛЕМА

Таҳлилҳо нишон медиҳанд, ки бо вуҷуди дар муассисаҳои таҳсилоти олӣ таъсис ёфтани бахшҳои омодасозии кадрҳои соҳаи туризм дар ин самт норасоии мутахассисони ҳирфаӣ ҳанӯз ҳам ба чашм мерасад.

Муродалӣ Ашуралиев, дотсенти кафедраи туризми Донишкадаи соҳибкорӣ ва хизмати  Тоҷикистон, мушкили  нарасидани кадрҳои соҳаи туризмро  ба чанд омил вобаста медонад.
Ӯ иброз менамояд, ки яке аз проблемаҳо аз ҷониби донишҷӯён ба таври зарурӣ азхуд накардани забонҳои хориҷӣ мебошад. Зеро агар дар курси якум забонҳои хориҷӣ бештар омӯзонда шаванд, мутаассифона,  таълими онҳо солҳои дуюм, сеюм ва чаҳорум  ба маротиб камтар мешавад.  Аз ин рӯ, зиёд кардани омӯзиши забонҳои хориҷӣ ба манфиати кор хоҳад буд.
Илова бар ин, дарсҳо  танҳо  дар шакли  аудиториявӣ сурат мегиранд, яъне донишҷӯён ҳангоми таҳсил аз дарсҳои амалӣ бенасибанд. Ба ин хотир, хуб мебуд дарсҳои амалӣ гузаронда шаванд  ва онҳо бевосита дар минтақаҳои туристӣ сурат гиранд.  Худ тасаввур кунед, донишҷӯе, ки мавзеъҳои сайёҳиро аз наздик намебинад, чӣ гуна  дар хусуси онҳо ба сайёҳон маълумот медиҳад? Бе шубҳа, ин омил метавонад барои омодасозии кадрҳои ҳирфаии туризм мусоидат намояд. 
Бино ба гуфтаи ҳамсуҳбати дигари мо директори генералии ҶСК «Курортҳои Тоҷикистон» Равшанмурод Ҳоҷиев  масъалаи нарасидани кадрҳои соҳаи туризм имрӯз нигаронкунанда мебошад. Зеро чанд кафедрае, ки ба тайёр намудани кадрҳои соҳаи сайёҳӣ машғуланд, пойгоҳи ба талаботи замон ҷавобгӯ надоранд. Аз ин лиҳоз, беҳтар мебуд, то аз байн бурдани ин мушкилот, мутахассисони ҷавонро барои таҷрибаомӯзӣ ба хориҷи кишвар фиристанд.
Ҳамчунин, мавсуф иброз медорад, ки барои рушди соҳа ва тайёр кардани кадрҳои баландихтисос таъсиси донишкадаи соҳаи сайёҳӣ зарур аст. Омили дигаре, ки метавонад барои беҳтар омоданамоии мутахассисон мусоидат кунад, ҳамкории субъектҳои хоҷагидори туристӣ бо муассисаҳои таълимии соҳаи мазкур мебошад. 
Дар ҳамин ҳол Абдулло Хуҷамов, ҷонишини декан оид ба корҳои таълимии факултети баҳисобгирии муҳосибӣ ва сайёҳии Донишкадаи соҳибкорӣ ва хизмати Тоҷикистон,  иброз дошт, ки дар факултет мутахассисон аз рӯи  ихтисосҳои фаъолияти соҳибкорӣ дар соҳаи туризм , саёҳат ва меҳмонавозӣ, менеҷмент дар соҳаи сайёҳии байналмилалӣ ва фаъолияти меҳмонхонавӣ ва маркетинг дар сайёҳӣ омода карда мешаванд.
Ба гуфтаи ӯ, ҳангоми тайёр кардани кадрҳо  таълими фарҳанги меҳмондорӣ ва дигар ҷанбаҳои хизматрасонӣ ба назар гирифта шудаанд.  Аз ҷониби  устодони кафедра оид ба туризм китобҳои зиёди таълимӣ, ба монанди  «Иқтисодиёти туризм»,  «Асосҳои туризм»  ва «Географияи сайёҳӣ» таълиф гардидаанд.  Дар баробари ин, ба хотири баланд бардоштани малакаву таҷрибаи донишҷӯён  Донишкадаи соҳибкорӣ ва хизмати Тоҷикистон бо як қатор ширкатҳои сайёҳӣ ва меҳмонхонаҳои кишвар робитаи зич дорад. Аз ҷумла, ҷиҳати омӯзиши фарҳангӣ меҳмоннавозӣ муҳассилин дар меҳмонхонаҳои  «Тоҷикистон» , «Ҳайат Реҷенс» ва «Sheraton»  таҷриба меомӯзанд.
Пас, масъулонро зарур аст, ки бо назардошти таваҷҷуҳи рӯзафзуни давлату Ҳукумат ба ин соҳаи барои кишвар ниҳоят муҳим роҳҳои ҳалли масъалаи мавриди назарро ҳар чи зудтар пайдо ва худи проблемаро бартараф созанд. Ҳамин тавр не?
Нигина РАҲМОН, «Ҷумҳурият»


Баёни ақида (0)    Санаи нашр: 18.12.2017    №: 255    Мутолиа карданд: 646

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед