logo

иҷтимоиёт

СОҲИЛБАНДӢ. ИЛОҶИ ВОҚЕА ПЕШ АЗ ВУҚӮЪ

Тавре огаҳӣ дорем, боронҳои пай дар пайи баҳори имсола ба хоҷагии халқи ноҳияҳои Балҷувон, Темурмалик ва Восеъ хисороти калони иқтисодӣ ба бор овард. Як қисми киштзор, роҳҳои мошингард, хонаҳои истиқоматӣ, саддҳои муҳофизатии дарёҳоро дар  ин ноҳияҳо хароб кард. Обхезии дарёҳои Сурхоб, Тира, Оби Мазор аз мавзеъҳои баландкӯҳи Ховалингу Сари Хосор ва Балҷувон оғоз гардида, дар маҷмӯъ оби се дарё  якҷоя бо лою сангрезаҳо хеле шиддатнок ба сатҳи поён ҷорӣ шуд.

Дар натиҷаи боришҳои бардавоми шаби 2 ва 3 – и моҳи апрел сел ба маҳаллаҳои аҳолинишин, дуконҳои тиҷоратӣ  ва  биноҳои маъмурӣ, ташкилоту муассисаҳои ноҳияи Балҷувон таҳдид намуд. Бар замми ин,  сели пуршиддат сангу симтӯрҳоро аз канори маркази ноҳия ба масофаи 110 метр, садди дарёи Тираро аз канори  деҳаи Сари Мазор ба масофаи 220 метр бурд  ва канори  деҳаи Сари Мазорро ба  масофаи 400 метр шуст.
Бино ба иттилои Неъматулло Шарофиддинзода, муовини аввали раиси ноҳияи Темурмалик зарари ба хоҷагии халқ расондаи обхезӣ дар маҷмӯъ беш аз 2 миллиону 370 ҳазор сомониро ташкил дод. Бо мақсади тағйири маҷрои оби дарё ва пешгирии сел таъҷилан ситоди ҳолатҳои фавқулода ташкил ёфта, экскаватору булдозер ва автомошинаи калони боркаши тамғаи «Дулан» сафарбар гардиданд. Ҳамзамон,  дар ҷойҳои хавфнок 88 тахтасанги  2,5 - тоннаии бетонӣ гузошта шуд. Аз тарафи Агентии беҳдошти замин ва обёрии назди Ҳукумати кишвар  ба ноҳия 40 тонна семент дастрас гардид. Аз  ҳисоби буҷети маҳаллӣ барои пешгирии офатҳои табиӣ ва соҳилбандӣ 50 ҳазор сомонӣ ҷудо гашт. Ҳар рӯз ба тариқи ҳашар ба масофаи 40 – 50 метр симтӯрҳо тайёр карда  шуданд. Имрӯзҳо корҳои соҳилбандӣ аз ҷониби Корхонаи воҳиди давлатии зудамали шаҳри Кӯлоб бомаром идома доранд.
Ба гуфтаи Эмомалӣ Ҳусайнов, сармуҳандиси  корхона, барои пешгирӣ аз боронҳои сел то имрӯз дар ноҳия 446 метр корҳои соҳилбандӣ анҷом ёфт. То фасли баҳор дарозии садд ба 2,5 километр хоҳад расид.
Давлатшоҳ Гулмаҳмадзода, раиси вилояти Хатлон, дар иртибот ба ин,  роҳбарони мақомоти  маҳаллиро  супориш дод, ки дар ҳалли масъалаҳои пешомада ҳар чи зудтар чораҷӯӣ намуда, харҷи умумии соҳилбандиро дақиқ созанд.
Аз сабаби баланд шудани сатҳи оби дарёи Сурхоб ва омадани  сел, деҳаҳои Гулобод ва Саъдулло Шарифи ҷамоатҳои деҳоти  Абдӣ Авазов ва Гулистони ноҳияи Восеъ низ зарари ҷиддӣ диданд. Майдонҳои пахта ба андозаи 89,41 гектар, ғалла 50,58,  ҷуворимаккаи дон 0,5, пиёз 3,5 ва  картошка 7,5 гектар  талаф  ёфтанд. Инчунин, садди муҳофизатии соҳили дарёи Сурхоб ба масофаи 140 метр хароб  гардид. Ҷамъи умумии зарар қариб як миллион  сомониро ташкил дод. Аз тарафи Агентии захираҳои моддии давлатии назди Ҳукумати ҷумҳурӣ 100 тонна семент, 6 ҳазор метри мураббаъ симтӯр,  200 килограмм сим, 1000 метр симтаноб, 1 тонна арматур ва  21 ҳазору 540 литр сӯзишворӣ ҳамчун кумак ба ноҳия дастрас гардид. Аз ин ҳисоб 720 дона тахтасанги бетонӣ тайёр шуда, дар мавзеъҳои Ҳоқон, Шом, Кафтархона, Ғофилобод ва Сари Ангури канори дарёи Ёхсу  хобонда шуд. Аз ҳисоби буҷети маҳаллӣ барои хариди сӯзишворӣ 25 ҳазор сомонӣ ҷудо гардид. То имрӯз дар деҳаи Ҳасан Қурбонови Ҷамоати деҳоти Тугарак ва соҳили дарёи Ёхсу ба масофаи 370 метр обгардонҳои муваққатӣ сохта шуданд.
 Дар  Ҷамоати деҳоти Абди Авазов дар мавзеи Ҷаврези дарёи Ёхсу ба дарозии 945 метр корҳои заминӣ ва хобондани 5 ҳазору 100 дона тахтасанг ба итмом расонда шуд.
Аммо мушоҳидаҳо нишон медиҳанд, ки  корҳо баҳри пешгирии офатҳои табиӣ дар канори дарёҳои навоҳии Балҷувон, Темурмалик ва Восеъ ҳанӯз барои рафъи  пурраи мушкилот ва пешгирии оқибати офатҳои табиӣ басанда нест. Масъулинро зарур аст, ки ҷиҳати пешгирӣ аз офатҳои эҳтимолии табиӣ беш аз ҳар вақти дигар масъулиятшинос бошанд. «Илоҷи воқеа пеш аз вуқӯъ» гуфтани гузаштагони мо пандест, ки аз дарси зиндагӣ маншаъ мегирад.
Холназар КАСИРОВ,
«Ҷумҳурият»


Баёни ақида (0)    Санаи нашр: 18.12.2017    №: 255    Мутолиа карданд: 546
14.08.2020


САНГВОР. ДЕҲАҲО ТАРОВАТИ ТОЗА МЕГИРАНД

ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ


Дар сомонаҳои дигари Тоҷикистон хонед