logo

фарҳанг

"САРГАРДОНӢ" ФИЛМИ НАВИ "ТОҶИКФИЛМ"

Рӯзҳои наздик дар толорҳои синамои ҷумҳурӣ филми нави истеҳсоли киностудияи "Тоҷикфилм" - «Саргардонӣ» ба намоиш бароварда мешавад. Муаллифи филмнома Муҳаммад Ғоиб ва коргардони он Абдулхайр Зокиров мебошанд.
«Саргардонӣ» силсилафилми телевизионӣ буда, дар чор қисм таҳия шудааст. Гарчанде дар он нишонаҳои   детектив ва мелодрама  ба назар расанд ҳам, филм дар жанри драмаи иҷтимоӣ офарида шудааст. Воқеаҳои асар аз он оғоз меёбанд, ки гурӯҳи ҷавонон ба дукони ширинифурӯшӣ дар хусуси омада ба ҷойи торт дар қуттиашон пайдо шудани ҷасади гурба даъво менамоянд. Мӯйсафеде ба ҷанҷоли онҳо ҳамроҳ мешавад. Соҳиби дукон барои собит намудани бегуноҳии кормандонаш ба ҳимояи онҳо бармехезаду аз мӯйсафед як асо мехӯрад. Ҳамин дам дар гӯшаи дигари шаҳр ҷасади пиразанеро меёбанд, ки дар назди ӯ ҳам қуттии торт мехобад. Гурӯҳи фаврии ковтуковӣ ба кушодани гиреҳи ин ду муаммо мепардозад.
Дар ин миён муаллифи филмнома ва коргардон панорамаи ҳаёти иҷтимоии моро хеле устокорона меофаранд. Воқеоти имрӯз дар филм бо тамоми ҷузъиёташ ба риштаи таҳқиқ кашида шудааст. Қаҳрамонҳои асарро намояндагони тамоми табақаҳои ҷомеа ташкил медиҳанд. Ба гирдоби воқеаҳои он ҳам насли калон (мӯйсафеду пиразану байтор ва ҳамсояҳояшон), ҳам миёна (сардори раёсати корҳои дохила, соҳиби дукону ҳамсараш, фурӯшандаҳо, синҳорҳои мӯйсафед) ва ҳам ҷавон (донишҷӯён, писари дукондор, муфаттишон,  набераи кампир ва  ҳамсараш) кашида шудаанд.
Аз нигоҳи аввал воқеаҳои асар хеле сода ва рафтори қаҳрамонҳояш  ҳам то андозае содалавҳона менамояд, вале дар онҳо тамоми паҳлуҳои табиату хислати ҳамзамонони мо тасвир шудаанд. Мӯйсафедро (ҳунарпеша Раҷаб Ҳусейнов) пас аз марги ҳамсар ва тағйир ёфтани арзишҳои маънавӣ гӯё замин аз зери по рафта: ӯро на дигар қаҳрамон меҳисобанду на ба андешааш гӯш медиҳанд. Аз ин ҷост, ки хеле асабонӣ ва бадқаҳр шудааст. Вале тамошогари закӣ ба хубӣ дарк менамояд, ки асабонияти ӯ аз хостаи эҳтирому арҷгузорӣ ба хидматҳояш нест. Мӯйсафед аз он дарунӣ месӯзад, ки дигар барои ҷомеа кори хубе анҷом дода наметавонад. Он ғояҳои муқаддас, ки омода буд, ҷонашро ҳам барояшон бидиҳад,  имрӯз барои баъзеҳо қурбе надоранд.
Аммо равиши воқеаҳо нишон медиҳад, ки дар ҷомеа на ҳама чунинанд. Дукондори аз назари аввал сабабгори ин ҳама мушкилотшуда марди солеҳест, ки мекӯшад маоши хонаводаашро бо меҳнати ҳалол таъмин намояд. Ҳамсараш (Фирӯза Раҳмонова) низ тимсоли модари мушфиқу ғамхор ва ҳамсари вафодор аст. Писарашон Комрон бо вуҷуди ҷавонӣ марди баору номусе ба воя мерасад. Ӯ худ таҳқиқот бурда, гунаҳкорро ҷазо доданист.
Ҳамсояҳои мӯйсафед (Абдулмуъмин Шарифӣ) ва пиронсолон (Асалбек Назриев ва Латофат Барзиева), байтор (Мирзоалӣ Муҳаммадиев) бо вуҷуди ба мушкилоти худ саргардон буданашон хешро дар ҷомеа шахси нодаркор ҳис намекунанд, ҳоло ҳам онҳо бо меҳнати ҳалол ва мавқеи муайяни шаҳрвандиашон ба нафъи ҷомеа хизмат доранд.
Полковники милиса  намояндаи насли миёнсол бошад ҳам, дар садоқат аз насли калонсол монданӣ надорад. Қаҳрамони офаридаи Ҳунарпешаи шоистаи Тоҷикистон Обид Назаров як навъ пулест миёни наслҳо ва рамзест аз садоқат ба Ватану матонат дар дифои манфиатҳои он.
Чуноне аз тавзеҳи табиати хислати қаҳрамонҳо бармеояд, ҳар кадоми онҳо дар зиндагӣ бо мушкилоти худ даст ба гиребонанд. Ҳамин барои худ зистан ва бо худ андармон буданашон аст, ки эҳсоси танҳоӣ дунболагирашон мебошад. Онҳо на ҳамдигарро мебинанд, на мешунаванд ва на кӯшиши дарк кардан доранд. Аз ин ҷост, ки дар ин худандармониҳо барои якдигар мушкилоти зиёд эҷод мекунанд. Ин раванд онҳоро дар кӯчаҳои зиндагӣ саргардон кардааст.
Силсилафилми «Саргардонӣ» - и А. Зокиров, ки, бешак, яке аз офаридаҳои дидании солҳои охир мебошад, дар худ тамоми дастоварду камбудиҳои соҳаро таҷассум намудааст. Қатъи назар аз баъзе камбудиҳои ҷойдоштаи ҷузъӣ, умед аст, ки филм ба тамошогарон писанд  афтода, дар такомули маънавии ҷомеа саҳм мегирад.
М. ТАБАРӢ, «Ҷумҳурият»


Баёни ақида (0)    Санаи нашр: 19.12.2017    №: 256    Мутолиа карданд: 495
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед