logo

иҷтимоиёт

ДИЛИ БЕДОР

Соли 1992. Алиҷон ҳанӯз донишҷӯи курси чорум буд, ки тири дайдуи нохалафе ба сутунмуҳрааш расид. Он рӯз аз кӯча мегузашту зарби тир ва фаввораи хун дар аввал ба назараш сода тофт ва андешид, ки баъди чанд рӯз ба по хоҳад хест. Вале захми тир минбаъд вуҷуди ҳассосу солими ӯро ба аробачаи маъюбӣ мехкӯб кард.
Сарнавишт шоир Алиҷони Сарбандиро, ки тахаллусаш ба зодгоҳаш ишора мекунад, бо чунин имтиҳони ногаҳонӣ санҷидан мехост гӯё. Вале ӯ ғаюру ҷасуру соҳибирода будани хешро дар муддати 25 сол собит намуд ва чашм ба чашми қисмат дӯхта гуфт:
То ман зи ту, эй чархи фалак ком нагирам,
Аз сӯхтану сохтан ором нагирам..!  
Ин ҷо шумо шояд хулоса мебароред, ки захмӣ шуд, аз роҳ гаштану бархостан бозмонд, яъне чӣ? Охир, солҳои бесарусомонӣ кам буданд магар чунин одамони ҷабрдида? Дуруст, агар ӯро дар ҳамин ҳоли вазнин ҳамсараш тарк намегуфту кӯдаки шашмоҳааш рахт аз дунё намебаст, шояд ҳеҷ боке набуд. Шамъдони умедаш аз шамъҳои ишқу отифа фурӯзон мемонданду хона низ файзу фараҳи дигар медошт. Аммо ҳамсараш, ки ягона муттакои ӯ буд, дигар бо Алиҷони барҷомонда зиндагӣ кардан нахост. Шояд ин ҷо гунаҳкор хондани собиқ ҳамсари Алиҷон низ аз рӯи адолату инсоф нест. Зеро ҳар кас роҳи зиндагии худро худ интихоб мекунад ва савобу гуноҳро дар тарозуи имону идроки хеш месанҷад.
Ҳамсараш рафт, вале марги фарзанди ягонааш дарёи аламҳои ӯро ба туғён овард, осмон омада ба замин часпид, вале зиндагӣ идома дошт…
Пас аз танҳо мондани Алиҷон парастории ӯро бародараш Валиҷон ба зимма гирифт. Инак, 25 сол мешавад, ки Валиҷон парастори шоир аст. Нозбардору ҳамрозу ҳамнафас. Офарин ба ин марди дарёдил, ки домани  Баҳоваддини балогардонро гирифтааст. Ғоибона бовар мекунем, ки Ҳаҷҷи акбари ин мард кайҳо қабул шудааст. Зеро ба қавли шоир:
Дил ба даст овар, ки ҳаҷҷи акбар аст,
Аз ҳазорон Каъба як дил беҳтар аст.
Бародари шоири мо умедгоҳи дилашро дар ҷодаи сангину пурмасъулияти эҷодкорӣ пайдо кард. То замоне ки чашми рӯзро дасти шаб кӯр мекунад, ӯ низ коғазеро сиёҳ мекунаду донаҳои дарду армон ва орзуву омоли неки худро рӯйи коғаз мекорад. Шеърҳои самимӣ мегӯяд. Ва аз ҳама муҳим аз Ишқ мегӯяд. То имрӯз бо шумораи маҳдуд панҷ - шаш маҷмӯаи шеър чоп карда бошад ҳам, ҳаргиз даъвои шоирӣ ва сухандониву сухансанҷӣ накардааст. Гоҳ - гоҳ дар саҳифаҳои интернетӣ намунаҳои шеърашро мегузорад ва қайду эрод, маслиҳату машварати аҳли адабро мепазирад ва барои беҳтар шудани сатҳу сифати маҳсули эҷод мекӯшад.
Вақте тафсилоти рӯзгори Алиҷонро аз шоир Исмоил Зарифӣ, ки чанде қабл аз аёдати ӯ баргашт, шунидем, нахуст боварамон наомад. Вале, баъдан як чизи бисёр қиматеро дарк кардем, ки дар фазои маҷозӣ паси ҳар як аксу ному насаб инсоне ниҳон аст бо дили бузург ва ормонҳои бешумори хеш. Бовар дорам, ки зиндагии Алиҷон барин ҷавонмардони боирода намунаи рӯшани одамигарист барои бархе аз нафарони сиҳатманду солим, аммо бедилу беэҳсос…

Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 21.12.2017    №: 257    Мутолиа карданд: 603
14.08.2020


САНГВОР. ДЕҲАҲО ТАРОВАТИ ТОЗА МЕГИРАНД

ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ


Дар сомонаҳои дигари Тоҷикистон хонед