logo

фарҳанг

КИНО. АЗ КАМБУДИҲОИ ҶОЙДОШТА ТО БАРНОМАИ РУШД

Синамо як ҷузъи муҳими фарҳангро ташкил дода, муаррификунандаи таъриху тамаддун ва инъикоскунандаи ҳаёти имрӯзи мардум маҳсуб меёбад. Тамошогари тоҷик ба филмҳое, ки гузаштаву имрӯзро воқеъбинона инъикос намоянду  масъалаҳои муҳими ҳаёти ҷомеаро тасвир сохта, тарғибгари анъанаҳои миллӣ бошанд, беш аз пеш ниёз дорад. Ҳукумати мамлакат ҷиҳати таҳким бахшидани соҳа як қатор барномаҳои давлатиро қабул намудааст.
Бо мақсади дастгирии соҳа соли 2005 “Барномаи рушди кино барои солҳои 2006 - 2010” қабул гардид. Он то соли 2015 тамдид ҳам карда шуд. Дар ин давра як қатор корҳои назаррас анҷом ёфтанд. Аз ҷумла, азнавсозии заминаи моддию техникии “Тоҷикфилм” роҳандозӣ гардида, 44 филми гуногунмазмун рӯйи навор омад. Ҳамчунин, солҳои 2011 - 2015 аз ҳисоби маблағҳои буҷетӣ ба соҳа беш аз 7 миллион сомонӣ ҷудо гардид, ки дар доираи он “Тоҷикфилм” 50 филми нав, аз ҷумла 12 филми ҳунарӣ, 22 филми мустанад, 9 филми кӯтоҳ, 1 филми кӯдакона ва 6 филми аниматсионӣ истеҳсол кард. Соли равон аз ҷониби Ҳукумати ҷумҳурӣ “Барномаи рушди кинои Ҷумҳурии Тоҷикистон барои солҳои 2018 - 2022” қабул шуд.
Тавре Толиб Раҳматуллоев, муовини директори Киностудияи давлатии “Тоҷикфилм”, иброз дошт, барномаи мазкур самтҳои афзалиятнок, вазифа ва механизми татбиқи сиёсати давлатиро дар соҳаи кино муқаррар намуда, барои баланд бардоштани сифати истеҳсол ва намоиши филмҳо шароит фароҳам меорад. Асоси ин барномаро истеҳсоли кинои ватанӣ ташкил медиҳад.
Дар натиҷаи татбиқи он дар назар аст, ки 10 филми ҳунарӣ барои синамобазмҳои байналмилалӣ, 9 силсилафилми ҳунарӣ, 15 филми мустанад вобаста ба сохтмонҳои аср ва шахсиятҳои маъруф, 10 филми кӯтоҳи бадеӣ, 8 филми аниматсионӣ, 5 силсилафилми аниматсионӣ, 10 филми кӯтоҳи омӯзишӣ аз ҷониби мактаби кинематографистони ҷавон офарида шуда, 25 филм тарҷума ва дубляж карда шавад. Ҳамчунин, кинотеатрҳо низ барқарор мешаванд.
Боиси тазаккур аст, ки  солҳои охир саноати филмофарии тоҷик ба марҳилаи  нав ворид гардида, истеҳсол  ва мазмуну мундариҷаи филмҳо беҳтар гардид. Филмҳои  «Оинаи беҷило», “Гунҷишки сафед”, “Хоби ҳамдуна”  ва «Муаллим» ҷоизаҳои кинофестивалҳои байналмилалиро соҳиб гардиданд. Аммо, бо вуҷуди ин, камбудиҳо дар ин самт ҳанӯз ҳам ҷой доранд. Ҳамсуҳбати мо дар ин бора чунин гуфт:
- Воқеан ҳам, нарасидани мутахассисон аз масъалаҳои муҳими соҳа мебошад. Ҳоло «Тоҷикфилм» ба 36 мутахассис, аз ҷумла  коргардону филмноманависон, садобардору танзимгари  синамо ва садо, пиротехникҳо, наворбардорон, коргардони овоз, пардозгари  филм ва рассомон ниёз дорад, - афзуд Т. Раҳматуллоев. - Дар Корхонаи воҳиди давлатии “Тоҷиккино” низ вазъият чунин аст. Донишкадаи давлатии фарҳанг ва санъати ба номи Мирзо Турсунзода яке аз муассисаҳои асосии омода намудани мутахассисон аст. Аммо он ниёзи соҳаро пурра қонеъ карда наметавонад. Аз ин рӯ, ба нақша гирифтаем, ки дар доираи барномаи мазкур ва дар ҳамкорӣ бо Вазорати маориф ва илм донишҷӯёнро ба донишгоҳҳои кинематографии хориҷи кишвар, аз ҷумла Русияю Фаронса ва Англияю Италия сафарбар намоем, то аз таҷрибаи пешқадам бархӯрдор гардида, ба ин восита барои рақобатпазир шудани синамои миллӣ саҳм гузоранд.
Набудани кинотеатрҳо аз мушкилиҳои дигари соҳа мебошад. Беш аз 70 дарсади аҳолии кишвар дар деҳот зиндагӣ мекунанд. Мутаассифона, дар бештари нуқтаҳои аҳолинишин  толорҳои намоиши филмҳо фаъолият намекунанд ва бо таҷҳизоти рақамии замонавӣ ҷиҳозонида нашудаанд. Кинотеатрҳои пойтахт низ аз қабили “Ватан”, “Орлёнок”, “Зебунисо” ва  “Ситора” ба таъмиру тармим ниёз доранд.
- Ҷиҳати мусбати барнома он аст, ки бо роҳи барқарор намудани толорҳо пеши тамоюли аз байн рафтани намоиши кино гирифта мешавад ва анъанаи хеле муҳими соҳа эҳё мегардад, - мегӯяд Сафар Ҳақдод,  раиси Иттифоқи синамогарони Тоҷикистон. - Чун тамошои филм дар кинотеатр таъсири дигар дорад ва муҳимтар аз ҳама фишангҳои фоидаовари иқтисодии синаморо ба кор медарорад. Ба андешаи ман аз барқарор кардани кинотеатрҳои пешин дида, сохтани кинотолорҳои нав (мултиплексҳое, ки 80 – 100 – 220 нафар ҷой доранд) қулайтар аст. Дар онҳо системаи ягонаи билети кинотеатрро ҷорӣ намуда, метавон намоиши сартосарии филмҳоро дар ҷумҳурӣ ба роҳ монд.  Маблағе, ки аз пахши филмҳо ба даст меояд, агар як қисмаш барои нигаҳдории толору бо таҷҳизот таъмин намудани он сарф шавад, қисми дигараш заминае мешавад, барои истеҳсоли филмҳои нав.
Мутахассисони соҳа пешниҳод менамоянд, ки бояд сохтори алоҳидаи кинематографияи миллӣ таъсис дода шавад ва сиёсати давлатиро дар соҳа татбиқ намуда, муносибати истеҳсол, пахш ва филмворидкунандаро  назорат ва ба танзим дарорад.

Меҳрангез ҚОДИРОВА, «Ҷумҳурият»


Баёни ақида (0)    Санаи нашр: 21.12.2017    №: 257    Мутолиа карданд: 377

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед