logo

сиёсат

ИЛМ ВА АМНИЯТИ МИЛЛӢ

Аз ҷиҳати сиёсӣ истилоҳи  “амният” ҳаммаънои калимаи “давлат” буда, таҳти мафҳуми  “давлат” муҳимтарин системаи сиёсӣ - зарурати таъмини амнияти худи инсон ва ҷомеа дар назар дошта мешавад. Амнияти миллӣ хосси як самт набуда, ҳамаи кори давлатдорию давлатсозӣ, аз ҷумла ҳимояи сарҳад, иқтисод, фарҳанг, дин, пешгӯи аз бесарусомониҳо, зуҳури гурӯҳҳои экстремистӣ, террористӣ ва боз чандин ҷабҳаҳои дигарро зери назорати худ мегирад.

Амнияти давлат мафҳуми системавӣ буда, он аз ячейкаи одии давлат оғоз ва дар олитарин муассисаҳои давлатӣ ба тарзи принсипиалӣ таҷассум меёбад. Муҳтавои ин масъала дар Конститутсияи асосии кишвари мо низ сабт гаштааст. Тибқи он, дар давлат шахсият, муассиса, корхонае вуҷуд надорад, ки амали вай берун аз манфиатҳои таъмини амнияти давлат мавриди назар гирифта шавад.
Агар ба хотири барпо кардани давлат чи қадар ҷоннисориҳо шуда бошад, барои ҳифз кардан, дар амну осудагӣ ва рушду тараққӣ нигоҳ доштани он на камтар аз он ҷоннисорӣ мехоҳад. Фаъолияти ҳаррӯзаи Асосгузори сулҳу ваҳдати миллӣ -  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нишонгар ва намунаи олии ҳамин гуна муносибат ба тақдири имрӯзу ояндаи давлати мо мебошад.
Хатарҳое, ки зидди осудагии як миллат, барои ба гирдоби бало андохтани он тарҳрезӣ  мешаванд, зуҳуроти тасодуфӣ нестанд. Дар асоси нақшаҳои муайян коркардашуда, аз ҷумла таҷрибаи хадамоти махсуси давлатҳои манфиатдор роҳандозӣ мегарданд. Терроризм, экстремизм, дигар намудани тахрибкорӣ ба муқобили субъекти муносиботи байналхалқӣ, давоми “сиёсати сиёҳ” - и кишварҳои манфиатдор бо роҳ, усул ва методҳои дигар мебошад.
Падидаҳои “ДОИШ”, “Ал - Қоида”, “ҲНИТ”, “Ваҳҳобия”, “Салафия”, “Ҳизбу - т - таҳрир” ва монанди ин ҷараёнҳои террористиву тундрав зуҳуроти нав нестанд. Ин гуна ҳаракатҳо дар таърихи инсоният ҳазорҳо сол инҷониб вуҷуд доштанд, аммо ба  шаклҳои дигар.
Таҳлили нутқи хаттӣ ва шифоҳии ашхоси муайяни мавриди назар тавассути воситаҳои электронӣ, ки аз дуриҳои дур гоҳ - гоҳе “доди ватанхоҳӣ” мезананд, мисоли ҳамин гуна тасаввуроти сода, омиёна нисбат ба миллат, давлат, давлатсозӣ ва давлатдорӣ мебошад. Онҳо ин корро саҳл шумурдаанд. Мехоҳанд бо ҳар роҳ ба он даст дошта бошанд, бо тақдири миллат бозӣ кунанд.
Дар замоне, ки қудрати офариниши инсон ба дараҷаи ҳайратангез расида, қадри арзишҳои маънавӣ коҳиш меёбад, такрор ба такрор рӯ овардан ба мероси маънавии ниёгон тақозои замон аст.  Дар гузашта инсонҳоро ба василаи зӯроварӣ ва пӯшондани “пӯсти уштур” манқурт месохтанд. Имрӯз ба тариқи ВАО ва технологияи муосир ин амалро ба сомон мерасонанд. Инро дар мисоли кинофилмҳо, киноклипҳо, интернет, шиорҳои озодӣ метавон дид.
Дар тақдиру толеи инсоният ҳеҷ гоҳ монанди имрӯз барои рушд ва инкишофи сохтори тафаккуру тасаввур имконият фаро нарасида буд. Дар замоне, ки мо онро пасонавгароӣ (пасомодернизм) мехонем, зарур аст, ки “инсоншиносӣ”, “психология ва таҳлили психологӣ” барин илмҳо ба ҷавонон боз ҳам васеътар омӯзонда шаванд.
Хулоса, омӯзиши фарохтари донишҳои илмӣ дар самти таъмини амнияти миллӣ нақши муассир дошта метавонад. Бе донишҳои илмӣ ба осонӣ метавон мафтуну пойбанди овозаҳо, суханҳои бофта, беасос, ғаразнок, айбҷӯии бедалели хатарнок ва хурофот гашт.
Абдусаттор АЗИЗЗОДА,
донишҷӯи ДДТТ ба номи Абуалӣ ибни Сино


Баёни ақида (0)    Санаи нашр: 25.12.2017    №: 259    Мутолиа карданд: 449

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед