logo

сиёсат

ПАЁМ. ҲИДОЯТНОМАЕ БА ҚАЛАМРАВИ САОДАТ

Соли дувум аст, ки Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон моҳи декабр, дар поёни соли милодӣ манзур мегардад. Тааммул дар ин иқдоми шоёни Пешвои миллат дар навбати аввал як тадбири муҳимро барои мо шарҳу тафсир месозад, ки барҳақ, дар фароварди соли ҷорӣ ва фурсатҳои наздик ба ҳузури Соли нав ироа гардидани ин номаи ҳидояти мардуми тоҷик мақом ва манзалати онро ҳамчун барномаи як соли рӯзгори мардум муқаррар месозад.
Аз матолиби муҳим, ки дар сароғози Паём изҳор гардид, ба таҳлили вазъи сиёсии ҷаҳони муосир ва ҳамгироии Тоҷикистон бо ҷомеаи ҷаҳонӣ пайванд мегирад. Пешвои муаззами миллат зимни таҳлили амиқи фазои ҷаҳони муосир ҳамоно сиёсати “дарҳои кушод”- ро дар низоми муносибатҳои байналмилалии кишвар таъкид намуда, омодагии Тоҷикистонро барои ҳамкорӣ бо тамоми созмонҳои минтақавию байналмилалӣ ҷиҳати ҷилавгирӣ аз ҳамагуна хатарҳои афзояндаи терроризму ифротгароӣ ва дигар таҳдидҳои замони муосир ба таври махсус изҳор доштанд.
Таваҷҷуҳи бевоситаи Пешвои миллат ба вазъи кунунии Афғонистон ва таъкиди хосса ба ёриҳои беғаразонаи Тоҷикистон барои таъмини оромишу субот дар минтақа баёнгари он аст, ки дар ҳақиқат кишвари мо ҳамон фарҳанги ҳамгироиро барои ҳаллу фасли муаммоҳои ин сарзамин идома медиҳад.
Дар баробари шарҳу тафсири тадбирҳои муҳими арсаи байналмилалӣ ва нақши созандаи кишвари мо дар ҳаллу фасли муаммоҳои ҷаҳони муосир дар Паёми солонаи Президенти мамлакат муҳимтарин барномаву ҳадафҳои фардоафрӯзи сиёсати дохилӣ мавриди баррасӣ қарор гирифтанд. Чунон ки гуфта шуд, падидаҳои олии мардумсолорӣ ва халқпарварӣ, баррасии масъалаҳои иқтисодиву иҷтимоӣ дар доираи манфиатҳои мардум, пешниҳоди сабукиҳо ба соҳибкорон, коҳиш додани санҷишҳои ғайримунсифонаи коргоҳҳои истеҳсолӣ ва фаротар аз ҳама боло бурдани маоши кормандони соҳаҳои буҷетӣ аз он башорат медиҳанд, ки маҳак ва меҳвари барномаи боз як соли пешрафтҳои кишвари моро ҳамон ҳадафи олии сиёсати иҷтимоии Сарвари давлат - таъмини зиндагии шоиста ба вуҷуд овардаанд. Маҷмӯи ин сабукиҳо воқеан, имконият фароҳам хоҳанд овард, ки дар навбати аввал мардуми тоҷик ба таври шоиста аз маҷмӯи имкониятҳои дар ихтиёрдошта истифода намуда, дар амри расидан ба ҳадафҳои наҷиб талош намоянд.
Яке аз нуктаҳои қобили таваҷҷуҳ дар Паёми имсола он буд, ки соли 2018 аз ҷониби Пешвои миллат Соли рушди сайёҳӣ ва ҳунарҳои мардумӣ эълон гардид. Дар партави ин иқдоми наҷиб, пеш аз ҳама истифодаи босамар аз имкониятҳои мавҷудаи мамлакати мо ба хотири таъмини рушди устувори он ва рӯзгори босаодати мардум қарор мегирад. Воқеан, Тоҷикистон яке аз кишварҳои дорои имкониятҳои фаровони сайёҳӣ ба шумор меравад, ки бояд аз он ба таври зарурӣ ва босамар истифода шавад. Сарвари давлат бо таваҷҷуҳ ба ин масъала, таъмини муҳимтарин имтиёзҳо барои ниҳоду ширкатҳои сайёҳиро таъкид дошта, изҳор карданд: “Воридоти таҷҳизот ва масолеҳи сохтмон барои иншооти сайёҳӣ аз пардохтҳои андозу гумрук ва ширкатҳои сайёҳӣ дар панҷ соли аввали фаъолияташон аз пардохти андоз аз фоида озод карда шудаанд”. Ин тадбирҳои муҳим дар навбати аввал ба он хотир андешида мешаванд, ки ба таъбири Пешвои миллат “Сайёҳӣ яке аз соҳаҳои муҳими бо шуғл фаро гирифтани аҳолии қобили меҳнат, баланд бардоштани сатҳи зиндагии мардум, рушди дигар соҳаҳои хизматрасониву истеҳсолӣ, инчунин, муаррификунандаи таъриху фарҳанг, табиат ва анъанаҳои миллӣ ба ҳисоб меравад”.
Рушди ҳунарҳои мардумӣ низ дар мамлакат яке аз воситаҳои муҳими таъмини зиндагии шоиста аст. Зеро, имрӯз дар минтақаҳои мухталифи кишвар  ҳунарҳои халқӣ, аз ҷумла косибиву ҳунармандӣ аз ҳар роҳу шева ривоҷ меёбад. Эълони соли 2018 ҳамчун Соли рушди сайёҳӣ ва ҳунарҳои мардумӣ метавонад, дар навбати аввал барои ташаккули фарҳанги миллӣ ва арзишҳои маънавӣ тавассути ривоҷи ҳунарҳои халқӣ мусоидат намояд. Аз сӯи дигар, додани имтиёзҳои давлатӣ ба ин гурӯҳи ҳунарварон имконият медиҳанд, ки баробари боло рафтани сатҳи некуаҳволии халқ беҳтарин намунаҳои ҳунармандон ба бозори ҷаҳонӣ роҳ ёфта, сарватҳои маънавӣ ва арзишҳои фарҳангиро муаррифӣ намоянд.
Нуралӣ НУРЗОД,
дотсенти ДДХ ба номи академик Бобоҷон Ғафуров


Баёни ақида (0)    Санаи нашр: 25.12.2017    №: 259    Мутолиа карданд: 522

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД


Дар сомонаҳои дигари Тоҷикистон хонед