logo

иҷтимоиёт

КОРКАРДИ ГИЁҲ. РУШДИ СОҲАРО ЗАМОНА ТАҚОЗО МЕКУНАД!

Дар Паёми имсолаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ба масъалаи саломатии аҳолӣ, бавижа коркарди гиёҳҳои шифобахши кишвар таваҷҷуҳи махсус зоҳир гардид. Дар ин замина, таъкид шуд, ки бо вуҷуди мавҷуд будани зиёда аз 3500 намуди гиёҳҳои дармонӣ ҷараёни коркард ва пешниҳоди онҳо ба мардум қонеъкунанда нест. Дар ин маврид, суҳбате доштем бо директори Маркази таълимӣ -  истеҳсолии «Ҷамъоварӣ ва коркарди гиёҳҳои шифобахш» Муҳсиддин Холбобоев.
-  Дар маркази мо се дастгоҳи замонавӣ барои коркард ва истеҳсоли доруҳои гиёҳӣ фаъоланд. Онҳо барои гиёҳҳоро резаву хока кардан ва барои омода сохтани халтачаҳои полоишӣ хизмат мекунанд. Бо пешниҳоди Пешвои миллат Эмомалӣ Раҳмон аз соли 2018 воридоти технологияҳои навтарин барои корхонаҳои дорусозӣ аз андоз ва арзиши иловашуда ва боҷи гумрукӣ озод карда мешаванд. Бовар дорем, ки аз ин имконияти муносиб истифода бурда, шумори дастгоҳҳоро зиёд мекунем ва гиёҳҳои дигарро низ мавриди истифода қарор медиҳем. Ҳоло дар муассисаи мо даҳ намуди гиёҳчой: пудина, гули бобуна, субинак, чойкаҳак, сӯзанкаҳ, чачрақӣ истеҳсол шуда, ба дорухонаҳои ҷумҳурӣ тақсим карда мешавад, - изҳор медорад Муҳсиддин Холбобоев.
Ба гуфтаи ӯ, аксари гиёҳҳое, ки ҳоло Тоҷикистон роҳу усулҳои коркарди онро пайдо кардааст, дар замони шӯравӣ набуд ё ба истеҳсоли онҳо таваҷҷуҳи кам зоҳир мегашт. Муассисаи мазкур фаъолияти худро аз 25 сентябри соли 2013 дар заминаи осоишгоҳи муассисаи давлатии таълимии  коллеҷи тиббии ҷумҳуриявӣ ба роҳ монда, асосан барои истеҳсоли доруворӣ, коркарди гиёҳҳои шифобахш, савдои чаканаи маводи доруӣ ихтисос ёфтааст. Ин гиёҳшинос соли ҷорӣ бо донишҷӯёни ихтисосманд ба минтақаҳои Сари Хосор, Канаск, Шамсиддин Шоҳин, Харангон сафар намуда, шинохти гиёҳҳо, шарту шароити хушконидан, коркарди аввалия ва дигар вижагиҳои гиёҳдармониро амалан ба онҳо омӯзондааст.
Пас аз дидани коргоҳ ва анбори маҳфуздории гиёҳҳо маълум гашт, ки барои истеҳсоли гиёҳҳои дармонӣ техникаву технологияи мураккабу гаронарзише лозим нест. Роҳи омода карданашон басо содаву аз назари хароҷот ҳам гарон нест. Ду таҷҳизотро худи роҳбарият ва мутахассиони ин коргоҳ дуруст кардаанд ва дастгоҳи қуттисозиро аз Чин овардаанд. Марказ аз рӯзи таъсисёбӣ то имрӯз 50 ҳазор қуттии гиёҳчой истеҳсол намудааст. Кору фаъ-олияти он бо машғулиятҳои амалии донишҷӯёни факултети кори форматсевтӣ якҷоя ҷараён мегирад.
- Аксари кишварҳои пешрафта гиёҳҳоро на танҳо барои омода кардани доруворӣ, балки барои истеҳсоли маҳсулоти гуногуни тозашӯӣ, собун, атр, гулоб, хокаҳои гуногуни дандошӯӣ ва ғайраҳо васеъ истифода мебаранд. Бавижа, дар Чин гиёҳдармонӣ чунон рушд ёфтааст, ки  ҳатто молу маҳсулот, аз ҷумла гиёҳчойҳои чинӣ имрӯз дар Тоҷикистон мавриди истифодаи мардум қарор дорад. Аммо, агар дар кишвари мо чунин гиёҳҳои шифобахш набошанд, пас бояд рӯ ба дигар маҳсулоти хориҷӣ овард. Вақте ки сарзамини худамон аз чунин гиёҳҳо саршор асту дар гузашта низ мактаби бузурги гиёҳдармонӣ дорем (дар саргаҳаш Ибни Синову Закариёи Розӣ меистанд), бояд худамон истеҳсол кунем. Мо дар оянда нияти истеҳсоли зиёда аз 40 намуди гиёҳчойро дорем, - таъкид мекунад Муҳсиддин Холбобоев.
Мақсади ташкил намудани чунин марказ пеш аз ҳама омода кардани мутахассисони соҳаи гиёҳдармонӣ, ки дар Тоҷикистон теъдодашон кам аст ва беҳтар сохтани раванди таълим тавассути таҷрибаомӯзӣ дар коллеҷ маҳсуб меёбад.
Сарвари давлат ҷиҳати бо таҷҳизоти муосир таъмин намудани озмоишгоҳи ташхиси маводи доруворӣ ва молҳои тиббӣ ба масъулон супоришҳои мушаххас дода, таъкид намуданд, ки фаъолияти 32 корхонаи хурди соҳа ва 240 номгӯйи маводи доруворӣ ва тиббӣ ҳанӯз ниҳояти кор нест. Аз ин рӯ, истифода аз имконот, овардани технологияи муосир, сарфи дурусти маблағҳои ҷудогардида ва ташкили инфрасохтори муосири табобативу солимгардонӣ ба рушди коркарди гиёҳҳо мусоидат карда, воридоти пайвастаи дорувории хориҷиро ба кишвар коҳиш медиҳад.
Бузургмеҳри БАҲОДУР,
«Ҷумҳурият»  


Баёни ақида (0)    Санаи нашр: 26.12.2017    №: 260    Мутолиа карданд: 358

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед