logo

туризм

САЙЁҲӢ. ТОҶИКИСТОН ЗЕБОТАР АЗ ОН АСТ, КИ МЕПИНДОРЕМ

Сайёҳӣ ва ҳунармандӣ ду самти афзали сарватҳои миллӣ ҳастанд, ки бо ҳам алоқамандии зич доранд. Сайёҳон ба таваҷҷуҳ ба  ҳунарҳои миллӣ ба кишвар  рӯ меоранд ва тавассути онҳо чунин ҳунарҳо  ба ҷаҳониён муаррифӣ мегарданд. Ҳоло ин ду ҷода дар тамоми давлатҳо  дар якҷоягӣ аҳамияти зиёди иқтисодию иҷтимоӣ касб менамоянд. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни Паёми навбатии хеш ба Маҷлиси Олии мамлакат соли 2018 - ро - Соли рушди сайёҳӣ ва ҳунарҳои мардумӣ эълон доштанд. Ҷанбаъҳои дигари ин иқдоми муҳимро аз  мутасаддиёни соҳа пурсон шудем. Лола Мамадризоева, менеҷери ширкати сайёҳии «Айстур» дар ин бобат чунин гуфт:
- Аз рӯйи баҳогузории сайёҳони хориҷӣ сифати маҳсулот ва  гуногунрангии табиату тамаддуни кишвари мо нисбат ба бисёри мамолики дигар беҳтару ҷолибтар аст. Дар аксари мавзеъҳои тамошобоби Тоҷикистон баробари кӯҳсор ва обҳои мусаффои чашмаю рӯдҳои хурӯшон, инчунин, осори ғании таърихию фарҳангӣ мавҷуд аст. Ҳамаи ин вижагиҳои диёри мо имконият медиҳанд, ки сайёҳон аз тамоми гӯшаю канор ба сарзамини мо ворид гарданд. Барои истифодаи самараноки чунин манбаъҳо дар роҳи рушди иқтисодӣ дастгирию ғамхории Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон  мавқеи  асосӣ дорад. 
Боиси хурсандист, ки Сарвари давлат имтиёзҳои зиёдро дар самти фаъолияти ширкатҳои туристӣ фароҳам оварданд, ки чунин шароити кор дар кишварҳои дигар ба назар намерасад.
 «Айстур» -  яке аз ҷавонтарин  ширкатҳои сайёҳист, ки дар доираи дастгириҳои Сарвари давлат соли равон  фаъолияташро дар Тоҷикистон ба роҳ монд. Он аз имтиёзҳои муҳайёнамудаи давлату Ҳукумати кишвар бархӯрдор буда, дар  муддати кӯтоҳ  эътибор пайдо намуд ва  меҳмонони хориҷиро, бештар аз кишварҳои Амороти Муттаҳидаи Араб, Олмон ва Чин  ба гӯшаю канори Тоҷикистон овард. Дар гармчашмаҳои ноҳияи Ишкошим бинобар теъдоди зиёди меҳмонон норасоии ҷойи хоб ба вуҷуд омад. Ҳоло дар ин мавзеъ зарурати   ташкили меҳмонхонаҳои зиёдтар  пеш омадааст, то масъулон  имконият пайдо намоянд, ки шумораи бештари сайёҳонро фаро бигиранд. Хусусан, бунёди хостелҳо, яъне меҳмонхонаҳои хурд-хурд дар фосилаҳои муайяни як мавзеъ мувофиқи талаби замон аст. Соли рушди сайёҳӣ ва ҳунарҳои мардумӣ эълон шудани соли 2018 боиси ҳавасмандии зиёди роҳбарияти ширкат гардид. Мо мақсад дорем, ки соли оянда  саёҳати сокинони кишварро  ба минтақаҳои ҳамдигар  роҳандозӣ намоем. Шаҳрвандони мамлакат ба ин васила аз дороии табиати нотакрори Ватани хеш зиёдтар огоҳӣ пайдо менамоянд.
Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 29.12.2017    №: 262    Мутолиа карданд: 618

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед