logo

иқтисод

ДОРУ. РОҲИ ҲАЛЛИ МУШКИЛОТ МАВҶУД АСТ, АГАР …

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми имсолаи худ ба Маҷлиси Олии Ҷумҳурии Тоҷикистон ба ҳалли масоили вобаста ба тандурустии аҳолӣ, хусусан норасоии доруворӣ, сифати пасти он ва рушд накардани саноати дорусозӣ, бо нигаронӣ изҳори андеша намуда, ба мақомоти дахлдори соҳа барои ҳалли мушкилот супориш доданд. Ин масъала дар Паёми соли гузашта ва соли 2015 низ мавриди нигаронии Сарвари давлат қарор гирифта буд.
Фарида Муъминова, муовини директори Маркази тадқиқоти стратегии назди Президенти Ҷумҳурии Тоҷикистон, зимни баргузории ҷаласа дар мавзӯи «Таъмин ва назорати дору дар Тоҷикистон» иброз дошт, ки алъон кӯшишҳои давлату Ҳукумат дар самти беҳтар кардани вазъи иҷтимоӣ ва тандурустии аҳолӣ бо назардошти кам кардани ҳиссаи хароҷоти аҳолӣ дар дастрасӣ ба дору равона шудааст. Қариб 65 дарсади  харҷи соҳаи тандурустӣ бо хароҷоти худи беморон, ки дар раванди ташхис ва табобат ба амал меояд, марбут аст. Мутаассифона, новобаста аз он, ки давоми ду соли охир дар ҷумҳурӣ садҳо муассисаҳои нави тиббии дорои таҷҳизоти муосир бунёд ва сатҳу сифати хизматрасонӣ беҳтар шудааст, бештари беморхонаҳо имконияти бо дору ва ғизо таъмин кардани беморонро надоранд.
- Албатта, беҳсозии буҷети давлат ба рушди саноати фармасевтӣ сахт вобастагӣ дорад, - гуфт Фарида Муъминова. - Ҳоло дар ҷумҳурӣ 32 корхонаи хурд фаъолият дорад ва ба истеҳсоли ҳамагӣ 240 номгӯи маводи тиббӣ машғуланд. Дар дорухонаҳо доруи истеҳсоли маҳаллӣ кам ба назар мерасад, бештари доруҳо воридотианд. Ҳаҷми истеҳсоли маҳсулоти доруворӣ наздик ба 2 миллион доллари амрикоӣ мерасад, ки дар қиёс бо маблағи ҳаҷми воридот – 28 миллион доллар ба маротиб кам аст. Ҳол он ки дар кишвари мо зиёда аз 3500 навъи гиёҳҳои шифобахш ва садҳо сарчашмаи обҳои гарми табобатӣ мавҷуданд. Бовар аст, ки иқдоми пешгирифтаи давлату Ҳукумат - соли 2018 аз андози арзиши иловашуда ва боҷи гумрукӣ озод кардани воридоти технологияҳои нав барои корхонаҳои дорусозӣ ва таҷҳизоти ҳозиразамони ташхису табобат имконияти фаровон фароҳам меорад.
- Дар кишвар ҳанӯз нақша ё худ системаи муайяни коркард ва истеҳсоли дору мавҷуд нест, - гуфт Ғиёсиддин Меҳроҷов, академики илмҳои тибби ҷумҳурӣ. - Барои ин дар назди Ҳукумати ҷумҳурӣ таъсис додани сохтори алоҳидаи рушди саноати фармасевтӣ ҷиҳати  назорат ва идораи фаъолияти корхонаҳо хеле муҳим мебошад. Баробари ин, барқарор кардани корхонаҳои пешии истеҳсоли дору зарур аст.  Дар заминаи озмоишгоҳҳои тиббии мавҷуда бунёд кардани озмоишгоҳи пурқудрати барориши маводи синтезӣ ҳамчун ашёи хом барои истеҳсоли дору ба манфиат хоҳад буд. Дар ин маврид ҳамкории зичи фармакологҳо ва фармасевтҳо дар асоси таъсиси Институти илмӣ – амалии фармакологӣ нақши муҳим мебозад. Пурзӯр кардани ташхису таҳқиқи сифат ва бехатарии дору метавонад воридсозии  доруи бесифатро коҳиш диҳад. Дар Русия доруи воридотӣ давоми як сол аз таҳқиқ гузаронда шуда, баъдан ба бемор тавсия дода мешавад. Барои мисол, агар як доруи омепрозол - омезро гирем, қариб бештари кишварҳои хориҷа онро истеҳсол карда, ба Тоҷикистон меоваранд ва ширкатҳои фармасевтӣ онро ба назди духтурон оварда, хостори фурӯхтани он мешаванд, - гуфт Ғиёсиддин Меҳроҷов.  
О. ВАФОБЕК, «Ҷумҳурият»


Баёни ақида (0)    Санаи нашр: 02.01.2018    №: 1    Мутолиа карданд: 321

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед