logo

фарҳанг

ФАРҲАНГ. НОРАСОИИ КАДРҲО ВА ЧАНД МУШКИЛОТИ ДИГАР

Нарасидани кадрҳои баландихтисос дар соҳаи фарҳанг ва мувофиқи талаби рӯз ба роҳ мондани фаъолияти муассисаҳои фарҳангӣ аз ҷумлаи масъалаҳое буданд, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон дар Паёми навбатиашон ба он таваҷҷуҳи хосса зоҳир намуданд.

Нигаронии Пешвои миллат аз ин мушкилӣ бесабаб нест. Воқеан ҳам ҳоло норасоии кадрҳои баланд-ихтисос аз мушкили асосии соҳа арзёбӣ мегардад. Тибқи иттилои Вазорати фарҳанги кишвар, айни замон дар соҳа 3274 ё худ 37,6 дарсади кормандон бо маълумоти миёна фаъолият доранд. Ба ҷуз  ин, ҳоло 600 бинои муассисаҳои фарҳангию  фароғатӣ  таъмирталаб буда, 105 - тои он дар ҳолати садамавӣ қарор доранд.   
Аз рӯи мушоҳидаҳо нарасидани кадрҳои баландихтисос бештар дар муассисаҳои фарҳангию маърифатии навоҳӣ ба мушоҳида мерасад. Мутаассифона, бештари биноҳои таъмирталабу садамавиро низ дар маҳалҳо вомехӯрем. Ин дар ҳоле ки қисми бештари наврасону ҷавонон дар деҳот иқомат доранд ва ин мушкил то ҷое метавонад садди баланд бардоштани маънавиёти онҳо гардад.
Фаъолияти китобхонаҳои маҳаллӣ низ дар ҳамин сатҳ қарор дорад. Ҳарчанд солҳои охир ба фаъолияти китобхонаҳо таваҷҷуҳи  зиёд зоҳир мегардад, то ҳол на ҳамаи онҳо метавонанд хонандагонро пурра ҷалб созанд. Мутахассисон дар ин маврид  мушкили зиёдеро номбар мекунанд, ки яке аз онҳо ин мавҷуд набудани китобдорони касбӣ ва надоштани малакаи ҷалби хонандагон ба китобхонӣ  мебошад. Ҷалби хонандагони хурдсол, кӯдакон ва наврасон ба хониш ба китобдор  тавассути фанҳои махсус омӯзонда мешавад. Аммо, аз сабаби он, ки бештари китобдорон маълумоти касбӣ надоранд, чунин нозукиҳои соҳаро намедонанд. Аз ин рӯ, китобхонаҳо дар иҷрои вазифаи муҳими худ - баланд бардоштани маънавиёти ҷомеа, хусусан насли наврас муваффақ нестанд. Ба ин хотир, Пешвои миллат муҳтарам Эмомалӣ Раҳмон Вазорати фарҳангро вазифадор намуданд, ки дар доираи татбиқи «Барномаи давлатии тайёр кардани  мутахассисони соҳаи санъат, фарҳанг ва табъу нашр барои солҳои 2018 - 2022» мушкилоти ҷойдоштаро бартараф намояд. Пешвои миллат, ҳамчунин таъкид намуданд: «Моро зарур аст, ки фаъолияти муассисаҳои таълимии санъату ҳунар, осорхонаву китобхонаҳо, театрҳо ва  марказҳои фарҳангиро  беҳтар гардонем, аҳли ҷомеаро ба ин муассисаҳо ҳар чи бештар ҷалб кунем ва бо ин роҳ ба раванди баланд бардоштани сатҳи маърифату маънавиёти аҳли ҷомеа, алалхусус наврасону ҷавонон, яъне наслҳои ояндасози миллат ва рушди фарҳанги  миллӣ такони ҷиддӣ бахшем».  Иҷрои ин дастуру супоришҳои Пешвои миллат дар рушди соҳа метавонанд саҳми назаррас гузоранд ва боиси боло рафтани маърифати мардум низ гарданд.
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр: 03.01.2018    №: 2    Мутолиа карданд: 451

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед