logo

туризм

РУШДИ САЙЁҲӢ РУШДИ ТОҶИКИСТОН АСТ

Соли 2018 - Соли рушди сайёҳӣ эълон шудааст. Барои рушди минбаъдаи соҳаи сайёҳӣ Ҳукумати мамлакат ҷиҳати то 10 рӯзи корӣ дароз кардани муҳлати бақайдгирӣ дар мақомоти корҳои дохилӣ қарори дахлдор қабул менамояд.
Феълан, тибқи қонунгузории кишвар, муҳлати бақайдгирии шаҳрвандони кишварҳое, ки бо Тоҷикистон низоми раводид доранд, то 3 рӯз муайян шудааст.
Тавре Сарвари давлат зикр намуданд, таҷрибаву омӯзишҳо нишон медиҳанд, ки муҳлати зикршуда кофӣ нест. Аз ин рӯ, чунин иқдом пеш гирифта шуд.
Президенти мамлакат, ҳамчунин иброз доштанд, ки раванди додани раводид бе муҳайё сохтани инфрасохтори дахлдор дар сарҳади давлатӣ ғайриимкон аст. Аз ин рӯ, тамоми гузаргоҳҳои сарҳадии Ҷумҳурии Тоҷикистон бояд ба шабакаи ягона пайваст ва низоми идоракунӣ такмил дода шавад. Сарвари давлат Ҳукумати мамлакатро муваззаф сохтанд, ки масъалаи мазкурро дар давоми ду моҳ ҳал намояд.
Гуфтан ба маврид аст, ки кишвари мо барои рушди соҳаи сайёҳӣ чораҳои муассир андешида, шароити мусоид ҳам фароҳам оварда истодааст. Соли гузашта Кумитаи рушди сайёҳии назди Ҳукумати Ҷумҳурии Тоҷикистон таъсис дода шуд, ки замина барои рушди ҳамаҷиҳатаи соҳа мебошад. Алҳол кумита барои татбиқи сиёсати давлат дар ин самт ҳаматарафа ҷаҳду талош намуда, вазифаҳои худро иҷро карда истодааст. 
Ба ғайр аз ин, оғози соли гузашта шаҳри Душанбе дар раддабандии шаҳрҳои аз нигоҳи сайёҳӣ ояндадор сазовори ҷойи аввал гардид.  Раддабандиро маҷаллаи маъруфи сайёҳии «34 Travel» бар асоси таҳқиқоти  ширкати машҳури амрикоӣ «Mastercard» анҷом дода буд.
Ҳамчунин, кӯҳҳои Помири Тоҷикистон ба феҳрасти «100 мавзеи беҳтарини ҷаҳон» ворид шуд. Ин эътирофи минтақа чун яке аз самтҳои беҳтарину устувор барои сайёҳии экологӣ арзёбӣ гардид.
Помир (кӯҳҳои Помир, водии Вахон ва дараи Бартанг) бо ҷойҳои алоҳидаи сайёҳиаш аллакай маротибаи сеюм аст, ки ба шумори «Топ 100» - и ҷойҳои аз ҳама беҳтарин ё сабз барои ҷаҳонгардӣ ворид мегардад.
Дар ин радиф, таваҷҷуҳи ҷомеаи ҷаҳонӣ ба захираҳои сайёҳии мамлакат зиёд гардида, симои кишвар ҳамчун мамлакати осоишта ва дорои захираҳои бойи сайёҳӣ боз ҳам устувор гардид. Бо мақсади мустаҳкам намудани заминаи меъёрию ҳуқуқии соҳаи сайёҳӣ, як қатор санадҳои муҳим қабул ва мавриди амал қарор дода шуданд. Ҳамзамон, роҳандозии тартиби электронии дастрас намудани раводид ва реҷаи бераводид бо 11 кишвари ҷаҳон, фаъолияти зиёда аз 100 ширкати сайёҳӣ, сохтмон ва таҷдиду азнавсозии як қатор иншооти инфрасохтори сайёҳӣ, муаррифии соҳаи сайёҳии ҷумҳурӣ дар намоишгоҳҳои байналмилалии сайёҳӣ дар шаҳрҳои Берлин, Москва, Токио, Лос-Анҷелес, Париж, Тошканд, Исломобод, Варшава, Лондон, Пекин, Остона, Алм-Ато, Сеул ва дигар манотиқи олам барои воридшавии ҷумҳурӣ ба бозорҳои ҷаҳонии сайёҳӣ ва ҷалби бештари сайёҳон заминаи мусоид гузошта истодаанд.
Ш. ҚУРБОН, «Ҷумҳурият»


Баёни ақида (0)    Санаи нашр: 03.01.2018    №: 2    Мутолиа карданд: 632

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед