logo

иҷтимоиёт

ДЕВАШТИЧ. РАВАНДИ ОБОДОНӢ ВУСЪАТ МЕЁБАД

Ҳашар дар гузаштаи наздик ҳамчун амали хайру савоб дар байни мардуми тоҷик ба таври ҳамдастӣ гузаронда мешуд. Имрӯз ин анъанаи нек камтар мушоҳида шавад ҳам, вале дар чанде аз минтақаҳои Тоҷикистон, бавижа ноҳияи Деваштич, мафҳуми васеътарро касб карда, ба ободии на танҳо хонаи истиқоматии хешу ҳамсоя, балки ба ободии муассисаҳои таълимиву варзишӣ низ нигаронда шудааст.
Аз ҷумла, мардуми деҳаи Басмандаи Ҷамоати деҳоти Ваҳдат тайи солҳои охир ташаббус нишон дода, чандин иншооти иҷтимоиро тариқи ҳашар бунёд ва таъмиру таҷдид карданд. Тариқи ҳашар барои МТМУ № 42 - и ҷамоат синфхонаҳои иловагӣ ва толори варзиш сохта шуд. Минбаъд, бо маблағгузории хоҷагии деҳқонии ба номи Ҳотам Қурбонов ва ҳашари аҳолӣ дар даромадгоҳи  деҳа бинои нави мактаб қомат афрохт.
Боиси ифтихору фараҳмандист, ки ба бунёдкориҳои тавассути ҳашар анҷомдодаи сокинони ноҳия Асосгузори сулҳу ваҳдати миллӣ – Пешвои                     миллат, Президенти Ҷумҳурии Тоҷикистон муҳтарам Эмомалӣ Раҳмон шахсан баҳои баланд дода, соли 2009 ҳангоми ташрифашон мавриди истифода қарор гирифтани мактабҳои рақами 20 (Ҷамоати деҳоти  Муҷун) ва 46 (Ҷамоати деҳоти Ғазантарак) - ро намунаи ибрат ва боиси дастгирӣ арзёбӣ намуданд. Сокинони деҳаи Овчӣ аз мулоқоти Сарвари давлат рӯҳбаланд гардида, соли дигар дар назди МТМУ № 19  бинои иловагӣ сохтанд.
Бо ҳидояту дастурҳои Пешвои миллат ва дастгирии раиси вилояти Суғд дар деҳаи Истиқлоли Ҷамоати деҳоти Муҷун низ бо ташаббуси аҳолӣ  бинои нави беморхона сохта шуд.
Сокинони деҳаи Ҳазорчашмаи ҷамоати деҳоти мазкур ба ҷойи беморхонаи куҳнаи деҳа бо маблағгузории аҳолӣ ва соҳибкорон бинои замонавии беморхонаи ноҳиявӣ  бунёд намуда, соли гузашта онро мавриди истифода қарор доданд.
Соли гузашта, ҳамчунин, бо сарпарас-тии раиси хоҷагии деҳқонии «Кенагаз» Абдусамад Маҷидов толори варзиш дар назди мактаби № 26 қомат афрохт. Мардум давоми як сол барои фарзандону наберагонашон меҳнат карда, сохтмони биноро ба сомон расонданд. Масоҳати он  480 метри мураббаъро ташкил медиҳад. Ҳисоби буҷети вилоятӣ низ барои ҳар чи зудтар анҷом ёфтани сохтмони варзишгоҳ 85000 сомонӣ маблағ ҷудо шуд.
МТМУ № 26 - и деҳаи Меҳрободи Ҷамоати деҳоти Муҷун соли 1972 сохта шуда, дорои даҳ синфхона буд. Шурӯъ аз соли 2014 мактаб дорои 28 синфхона шудааст, ки аз ғайрату ҳиммати сокинони он дарак медиҳад. Вазорати маориф ва илм иқдоми неки сокинони деҳаро дастгирӣ намуда, ба маблағи 48 000 сомонӣ мизу курсӣ ва дигар таҷҳизоти хонишро ба муассисаи мазкур туҳфа намуд.
Чанде пеш дар  шаҳраки Ғончӣ, дар назди муассисаи таҳсилоти томактабии № 1 бинои иловагӣ барои се гурӯҳ мавриди истифода қарор гирифта, 75 кӯдак бо таълиму тарбия фарогир шуданд. Дар бунёди бино ба сохтмончиёни ҶДММ «Гулдаст» гурӯҳи кормандони кӯдакистон, ихтиёриён ва падару модарон ёрӣ расонданд. Маъмурияти кӯдакистон аз ҳашарчиён сипосгузор аст. Барои муассисаи томактабии № 3 толори мусиқӣ сохта ба истифода дода шуд, ки барои хурдтаракони дӯстрӯи диёр дар Соли ҷавонон ва 25 - солагии  Иҷлосияи тақдирсоз армуғони арзанда гашт.
Ҳоло дар асоси лоиҳаи «Беҳтарсозии хизматрасонии тиббӣ» дар деҳаҳои Далён, Хӯштоири Мухлон, Метк, Хишекат марказҳои саломатӣ бунёд ёфта истодаанд ва марказҳои саломатии деҳаҳои Далён ва Хӯштоири Мухлон дар арафаи ба истифода супурдан аст.
Соли гузашта дар ноҳияи Деваштич дар маҷмӯъ 28 иншооти гуногун қомат афрохта, ҳоло дар хизмати мардум қарор доранд. Мардуми ноҳия пайрави анъанаҳои неки гузаштагон буда, барои ободу зебо гаштани диёр бо ҳамдиливу ҳамбастагӣ заҳмат мекашанд ва медонанд, ки кӯшишу талошҳои онҳо барои беҳбудии ояндаи фарзандонашон аст.
Усмонҷон ИКРОМОВ,
Маҳбуба ҶАМОЛОВА,
ноҳияи Деваштич


Баёни ақида (0)    Санаи нашр: 04.01.2018    №: 3    Мутолиа карданд: 266

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед