logo

иҷтимоиёт

ИШКОШИМ БА МИНТАҚАИ ФАРОҒАТӢ ТАБДИЛ ХОҲАД ЁФТ

Муассисаи  истироҳативу  табобатии  “Гармчашма”  нахустин  иншооти  даврони соҳибистиқлолист, ки  дар  ноҳияи  Ишкошим бунёд  гардидааст. Ин  муассиса  ба қабули меҳмонони воломақом низ мутобиқ гардонда шудааст. Бо пешниҳоди Сарвари давлат муҳтарам  Эмомалӣ  Раҳмон  «Гармчашма» ба “Исмоили Сомонӣ” табдили ном кард.

Болотар аз фароғатгоҳи “Исмоили Сомонӣ” чашмае фаввора мезанад, ки дар таркиби он моддаҳои зиёди минералӣ мавҷуд буда, аз назари олимон истеъмоли он барои табобати бемориҳои меъда, ҷигару гурда хеле мувофиқ аст. Бо иқдоми роҳбарияти шифохона аз назди чашмаи Нарзан то иншооти асосии истироҳатгоҳ дар масофаи 2 километр қубури обгузар хобонда шуд, ки ба воситаи он оби минералӣ ба ин ҷо интиқол меёбад. Имрӯз  бошандагони  деҳа  ва  тамоми   истироҳатгирандагони  фароғатгоҳ   аз оби шифобахш  баҳраваранд.
 Шифохонаи «Авҷ», ки аз маркази вилоят дар масофаи қариб 80 километр дуртар дар самти роҳи  Хоруғ - Ишкошим ҷой гирифтааст, дар солҳои ҳафтодуми асри гузашта дар  заминаи  чашмаи гарме  ҳамчун табобатгоҳ ба фаъолият оғоз намудааст. Ш. Давлатмамадов, ки солҳои зиёд роҳбарии ин табобатгоҳро бар дӯш дошт, гуфт, ки хизматрасонӣ ба ниёзмандон дар шифохона сол то сол беҳтар мегардад. “Дар замони Истиқлолияти давлатӣ ва дар  партави  сиёсати созандаи  Пешвои  миллат дар он корҳо  авҷ  гирифта, ба  масъалаи ободонии чашмаҳои  шифобахш, аз ҷумла чашмаҳои  шифобахши Бадахшон  таваҷҷуҳ  бештар  гардид”, - гуфт Ш. Давлатмамадов.
Нуралӣ Додалиев, муовини сардори раёсати тандурустии вилоят иброз дошт, ки дар ду соли охир биноҳои ҳавзҳои оббозӣ ва дигар иншооти шифохона таъмиру навсозӣ гардиданд. Имсол ба сохтмони ҳавзи иловагии оббозӣ, ҳаммому ошхона, утоқи физиотерапевтӣ шурӯъ намуданд. Дар  арафаи  Ҷашни Истиқлолияти давлатӣ  бинои  нави  ошхонаи  фароғатгоҳ барои  100  нафар  мавриди  баҳрабардорӣ  қарор  гирифт. Кор  дар дигар  иншоот низ  босуръат  идома  дорад. Дар шафати иншооти асосии фароғатгоҳ меҳмонхонаю қаҳвахонаи замонавӣ сохта шудааст. Дар ин ҷо соле бештар аз ҳазор нафар беморон аз тамоми минтақаҳои кишвар ва хориҷи он саломатиашонро барқарор менамоянд.
Дар чанд соли охир хоҳишмандони табобату истироҳат дар шифохонаи “Биби Фотимаи Заҳро”, ки дар яке аз ҷойҳои зебоманзари ноҳия воқеъ аст, хеле ҳам зиёд гаштааст. Замони шӯравӣ дар ин ҷо фақат як бинои вайронаи роҳсозон вуҷуд дошт. Акнун як шаҳраки замонавӣ, ки аз меҳмонсарову дигар иншооти хизматрасонӣ иборат аст, қомат афрохтааст. Шифохонаи “Биби Фотимаи Заҳро” дар тавозуни Вазорати тандурустӣ ва ҳифзи иҷтимоии аҳолӣ қарор дорад ва  дар он собиқадорони ҷангу меҳнат табобат мегиранд. Соли равон зиёда аз 600 нафар дар ин ҷо табобат ёфтанд. Оби чашма давобахши бемориҳои занона, чашм, узвҳои ҳаракат, тарбод ва ғайра   мебошад.
Зикрихудо  Самадзода, раиси  ноҳияи Ишкошим, гуфт, ки дар водии Вахон  боз чандин  чашмаҳои  гарму  шифобахш мавҷуданд. Айни ҳол ба иллати ташкил   нашудани  инфрасохтори  зарурӣ  сокинони маҳаллӣ онҳоро ҳамчун ҳаммом истифода мебаранд. Ниёзмандони дигар  минтақаҳо  имконият  надоранд, ки  аз  оби  шифобахши  ин  чашмаҳо  баҳра  бардоранд. Мақомоти иҷроияи маҳаллии  ҳокимияти  давлатии  ноҳия  кӯшиш  ба  он  дорад, ки  дар  ҳамдастӣ  бо вазорату идораҳои  дахлдор  ва  шарикони  рушд - созмонҳои  байналхалқӣ, ташкилотҳои  ғайридавлатӣ  ва  соҳибкорони  маҳаллӣ  дар   назди  ин  чашмаҳо иншооти  хизматрасонӣ, мисли   меҳмонхона, ошхона ва дигар  навъҳои  хизматрасониро   ташкил  намуда, дар  ин  замина ҳам   нуқтаҳои  хизматрасониро  зиёд   намояд ва  ҳам  аз  ин  ҳисоб  ба  буҷети маҳаллӣ  низ  маблағҳои  иловагӣ ворид  гарданд.
Раҳмони ГУЛЗОР,
“Ҷумҳурият”


Баёни ақида (0)    Санаи нашр: 09.01.2018    №: 7    Мутолиа карданд: 269

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед