logo

иқтисод

АШТ. ИСТЕҲСОЛИ НАМАК БО ТЕХНОЛОГИЯИ НАВ

Дар болоравии иқтисодиёти ноҳияи Ашти вилояти Суғд ҳиссаи ҶСК «Кони намак» назаррас мебошад. Бо истеҳсоли маҳсулоти басо зарурии рӯзгори мардум  ҳам сатҳи зиндагии коргарони корхона беҳбудӣ меёбаду ҳам пардохти андози давлатӣ беҳтар мешавад. Соли гузашта ҶСК «Кони намак»  нисбат ба соли пешӣ қариб 75 тонна зиёд намак истеҳсол кард.

Дастури Сарвари давлат ҷиҳати  дар заминаи технологияи пешрафтаи муосир ба роҳ мондани истеҳсолот ва афзоиш бахшидани ҳаҷми моли содиротӣ дар ҶСК «Кони намак» марҳила ба марҳила татбиқ мешавад. Қаблан дар ин ҷо кор асосан дар фасли тобистону тирамоҳ ба роҳ монда шуда буд, акнун бо бунёди бинои нави замонавӣ ва ворид кардани хатҳои нави технологии пешқадам барои  ҷараёни кори истеҳсолӣ дар тамоми фасли сол шароит муҳайё гардид.
- Раванди истеҳсолӣ низ акнун бо бунёди бинои нав комилан дар заминаи  талаботи технологияи пешқадам ҷараён мегирад. Ҳоло оби шӯр тавассути лӯлаҳои махсус вориди корхона гашта, намаки сифатан баланди йоднокшудаи  ҷавобгӯй ба меъёрҳои ҷаҳонӣ истеҳсол мешавад, - иброз медорад Машрабҷон Насриддинов, директори ҶСК «Кони намак». - Ҷорӣ кардани истеҳсолоти ҷадид бо такя ба технологияи замони муосир, ҳамчунин, имкон дод, ки 50 сокини маҳаллӣ бо ҷойи кори доимӣ ва музди хуб таъмин шавад.  Иқтидори солонаи истеҳсолоти нав  20 ҳазор тонна намакро ташкил медиҳад.  Дар масъалаи фурӯши маҳсулот низ талошҳои мо самари хуб медиҳанд. Бо назардошти он, ки маҳсулоти «Кони намак» - и Ашт дар намоишгоҳҳои ҷумҳуриявӣ ва байналмилалӣ  хуб муаррифӣ шудааст, муштариёни доимии худро дорад. Намаки корхона ба шаҳру навоҳии вилоят, кишвар, ҳамчунин, ба Қирғизистон ва Афғонистон содирот мешавад.
Дар Намоишгоҳи байналмилалии «Суғд-2017», ки тобистони соли гузашта дар шаҳри Хуҷанд доир шуда буд, мутахассисон ба сифати намаки Ашт баҳои баланд доданд. Иштирокдорони намоишро халтачаҳои намак бо омезиши райҳон, шибит, сирпиёз, қаланфур ба ваҷд овард. Феълан дар ҶСК «Кони намак» намаки ошии йоднокшудаи  навъи «Экстра», намаки техникӣ барои корхонахои саноатӣ ва намак барои хӯроки чорво истеҳсол мешавад.
Бастубанд пурра автоматӣ шудааст. Баҳри рушди корхона тадбирҳои мушаххас роҳандозӣ мешаванд. Маврид ба зикр аст, ки захираи намак дар ин ҷо басанда буда, ба садҳо сол мерасад, - мегӯяд Машрабҷон Насриддинов.
Ҷовиди АШТӢ, «Ҷумҳурият»


Баёни ақида (0)    Санаи нашр: 10.01.2018    №: 8    Мутолиа карданд: 434

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд


Дар сомонаҳои дигари Тоҷикистон хонед